X_ ودّع الدنيا اليوم .. ! _x

[fi9733]

السلام عليكم و رحمة الله و بركاته .. " يا أيتها النفس المطمئنة ارجعي الى ربك راضية مرضية فادخلي في عبادي و ادخلي جنتي " .. اليوم .. تحديداً الظهر .. قبل العصر بلحظات .. رحل عن هالدنيا شاب .. بعز شبابه .. بداية العشرينات .. ! وايد نرددها هالكلمة " الموت ما يعرف صغير و لا كبير " .. بس و الله ما حسيت بقيمتها .. إلاّ اليوم .. كان طالع مع اهله يتغدون برّه .. و عقب ما طلعوا من المطعم .. رايح بيركب سيارته .. و امه و ابوه و اخته بسيارتهم .. واقف يكلم ابوه من الدريشة قبل لا يركب سيارته .. و هو ما يدري ان الحين بيمووت .. يت سيارة طاايرة .. مسرعة .. دعمت سيارة ابوه .. و لفّت عليه دعمته .. طاااار بالهواا جداام امه و ابوه .. و اخته .. طاار 4 أمتاار .. جداام امه و ابووه .. تخيلوا المنظر .. رااحت امه تركض له .. مو مصدقة الي صاار .. توّه جدامها يضحك و يسولف .. و يتغشمر .. رااحت له تبجي .. تكلمه تبيه يصحى .. لكن سبحاان الله كان يطالعها و ينزف .. و على ما يت الاسعاف .. سلّم روحه لربه .. عسى ربي يرحمه و يكتبه من أهل الجنة يااارب .. اللهم ارحمه و اغفر له .. و وسع مدخله و اغسله بالماء و الثلج و البرد .. و نقّه من الذنوب و الخطايا كما ينقى الثوب الأبيض من الدنس .. برحمتك ياا ارحم الراحمين .. اللهم آمين .. الي يقهر بالموضوع ان الي دعمه .. انحااش .. و راح المخفر يبي ياخذ ورقة حادث .. جنّه مو مسوي شي .. بس دعم سيارة و بياخذ ورقة عشان يخلص من السالفة .. لكن سبحان الله رب العالمين كشفه .. شافوا على سيارته آثار دم و شعر .. فعرفوا ان السالفة مو سالفة حادث بين سيارتين بس .. لا .. السالفة فيها رووح .. !! حسبي الله و نعم الوكيل .. في كل انسان .. يذبح غيره بدم باارد ..بقصد .. شلوون يطاوعك قلبك تدعم انسان و تخلّيه ينزف لما تطلع رووحه .. !! تقدر تنحااش من النااس .. لكن وين بتروح من رب الناس .. و الله ما تقدر تنحاش من الله .. و الله .. !! اسمحولي على الأسلوب .. ! بس و الله ليلحين تحت تأثير الصدمة .. مو مصدقة .. عسى ربي يصبّر أهله و يرحمه و يكتبه من اهل الجنة .. اللهم آمين .. طلبتكم .. لا تنسونه من دعاءكم .. باجر بيدفنونه .. دعوااتكم له .. ! الله يرحمه ..

fi9733

[الملاك الهادئ]

يارب ارحمه و ادخله جناتك يارب العالمين

[fi9733]

[ناثرة المسك]

اقتباس:

المشاركة الأصلية كتبت بواسطة fi9733

أخيتي في الله أقف معكي هنا وقفة قصيرة

لماذا تدعين دعاء على الذي يقتل من غير قصد

هل تعرفين أنكي أخذتي أثم عظيم

فحتى لو كنتي في تأثير الصدمة لا تقولي هذا الكلام

إذا لم يقصد فما ذنبه أن يعاقب و إن الله يعرف ما في قلوب الناس

هل تعرفين أن نبي الله و رسول الله ×(( موسى عليه السلام )) قتل شخص من غير

قصد و سامحه الله عز وجل و إن الله تواب رحيم يا أخيتي

و هنالك أناسٌ كثيرون قتلوا أناسٌ أخرى دفاعاً عن نفسهم

لهذا أنتي لا تعرفي الأسباب

و وفقكي الله في الدنيا و الآخرة

و إننا لله و إنا إليه راجعون

و شـــــــــــــــكـــــــــــــــــــــــراً

[هموم الليالي]

حسبي الله و نعم الوكيل

اللهم ارحم موتى المسلمسن و المسلمات

جزيت خيراً على الطرح

[fi9733]

أشكرك أختي ناثرة المسك ع التوضيح ....



أتمنى منك أن تقدم لي النقد الصريح من غير تردد إذا أخطأت ...





fi9733 ...