اي سؤال لين يوم الإمتحانات انا حااظر (مدارس الشراكة)

[طالبة خريش]

أخوي لو ما عليكم أمر ممكن تشرح المتباينات
ورسم داله المطلق =)

[البلوشي عز]

اقتباس:
المشاركة الأصلية كتبت بواسطة طالبة خريش
أخوي لو ما عليكم أمر ممكن تشرح المتباينات
ورسم داله المطلق =)





بسم الله الرحمن الرحيم

بختصار يوم ييج سؤال على المتباينات كتبي بدل اصغر من وأكبر من كلمة =
بتظهر لج داله فالعاده بتكون خطيه المهم انتي رسمي هالداله
إذا كان مكتوب (اكبر من أو يساوي) أو (أصغر من أو يساوي) خلي خط الداله متصل _______ أما إذا ما كان موجود ال(أو يساوي) خليه خط متقطع -------
وعقب شوفي هل هو طلب منج تظللين منطقة الحل ولا تظللين المنطقه اللي ما بها حل
عقب حطي نقطه عند الداله وعوظي فيها إذا طلعت المتباينه صح (بعد التعويض) بتكون من منطقة الحل
أما إذا كان غلط فهو مب من منطقة الحل
مثلا إذا قالج المتباينة x+3y<2
ترسمينه على انه الداله x+3y=2 ولاكن بخط متقطع ثم مثلا أخترتي النقطه (2,1) للأختبار
عوضي 2+3(1)<2
طبعا الجواب خطأ يعني النقطه (2,1)مب تابعه لمنطقه الحل تظللين المنطقه الثانيه (إذا كان طالب تظليل منطقة الحل)

والسموحه إن كان في قصور أو ان شرحي مب لين هناك نفس ما يقولون ^_^

[البلوشي عز]

اقتباس:
المشاركة الأصلية كتبت بواسطة طالبة خريش
أخوي لو ما عليكم أمر ممكن تشرح المتباينات
ورسم داله المطلق =)



أما عن دالة المطلق فهي بكل بساطه انج لما تعوظين عن اللي بداخل إشارة المطلق الناتج النهائي بدل ما هو سالب تغيرينه تخلينه موجب بس أما إذا كان موجب فيتم نفس ما هو
مثال:-
y=|X+2|+1
يوم بنعوض بقيمة x ب -5 مثلا أو -3
بيكون الناتج كالتالي
y=|x+2|+1
y=|-5+2|+1
y=|-3|+1
نحول ال -3 إلى 3
y=3+1
y=4
أما إذا كان موجب مثل
y=|x+2|+1
يوم نعوض ب x=1 او 2 مثلا
y=|2+2|+1
y=|4|+1
المطلق ما يغير اشارة ال 4
y=4+1=5
وفالعاده المعادلات الخطيه اللي على شكل مطلق بتكون بشكل حرف ال v

أتمنى انج تكونين فاهمة على الشرح
والسموحه على القصور