السلام عليكم انا طالب منازل و عمري 25 في اخر فصل دراسي شهر 6/2012 اجتهدت و درست و رحت عند مدرسين خاصين لمادة الرياضيات و اللغة الانجليزية حتى انجح و حضرت كل الامتحانات بس يوم رحت استلم الشهتادة قالوا اني راسب في الاحياء و العربي و قالوا عندي امتحان اعادة لازم احضره قلت الحمد لله احسن من اعادة السنة, امتحنت اعادة في العربي و نجحت و لكن لما دخلت على امتحان الاحياء اعطوني ورقة امتحان مأجل انا قلت لهم اني اعادة قالوا لا لازم تدخل على اللي مكتوب عندنا و تحل الامتحان قلت يالله توكلت على الله و كان الامتحان سهل لانه الفصل الثالث توني دارسة بس لما رحت استلم الشهادة قالوا لي اني راسب في الاحياء x_x قلت لهم اني داخل امتحان مأجل و عندي امتحان اعادة قالوا الادارة ما تغلط, يصراحة تحطمت كليا و كانت هالفترة توني متزوج فيها مافي اسابيع فنشغلت عنهم في العرس و سوالفة و الحين ما اعرف شو اسوي حتى اخليهم يعيدون النظر في درجاتي و الامتحان اللي اجبروني عليه مع اني كنت مستعد امتحن الفصول الثلاثة في مره وحده انا اتوقع انهم حسبوا لي درجة الفصل الثالث بس و الاول و الثاني لا لاني ما اخذت امتحان اعادة خذيت مأجل الله يسامح يعقوب الحمادي يتعامل معانا كلنا على اساس اننا غشاشين انا كنت طالع الاول على مدرسة التعليم و التأهيل المهني و درسة في كندا لغة انجليزية يعني و اشوف نفسي انظلمت على الدراسة اللي درستها في الوقت اللي كنت فيه على باب الزواج قهر و الله قهر ممكن حد يساعني و يقلي وين اروح و شو اسوي و مع من اتكلم ..... لاني و الله تعبت و انا ادرس و ما برضى انهم يرمون غلطهم علي و يخلوني اعيد السنه غصب...... انا تأخرت في السؤال لاني كنت مشغول الزواج والحين فضيت اسأل و شكرا