شكوى بخصوص امتحاني الرياضيات والانجليزي !

henry14 — 2010-06-06 08:42 — شكوى بخصوص امتحاني الرياضيات والانجليزي !

السلام عليكم ورحمة الله وبركاته !

يوم الاربعاء والخميس امتحنا رياضيات وانجليزي (منطقة عجمان)
وكان الامتحانين صعب صعب بالحيل
في اسئلة اول مرة اشوفهن في الامتحان
وانا خآيف الحين اييب دور ثاني والسبة هالامتحانات اليديدة !
والله ياسني احبآط من الامتحانات اليديدة واستوتلي حالة نفسية
لا اقدر اكل واشرب ولا ارقد عدل :(
ترآني ولا مرة رسبت او يبت دور ثآني فأنا الحين خايف من ها الشي
واغلب الطلاب طلعوا من قاعة الامتحان زعلانين.

===============================

دخيلكم دخليكم راعو الطلاب في الدرجات ولا ترسبون احد
يزاكم الله الف خير ^_^

M.Z — 2010-06-06 13:33

إضافة لامتحان الرياضيات و اللغه الانجليزيه ..
إمتحان الكيمياء بعد كآن صعب .. والله سم ( كيف يدخلون أشيآ محذوفه و اضطرينا نحل و نحن ما نعرف )
و على هذا النظام اليديد الكل زعلان و خايف !

بس الله كريم .. =(

M.Z — 2010-06-06 13:50

أتمنى تراعون طلبة المدارس و خصوصا الصف العاشر ..
مالنا غيركم يراعينا من بعد رب العآلمين !

روح الطفولة الرهيبة — 2010-06-06 13:55

و الله صدقت اخوي امتحان الرياضيات كان اسوء الامتحانات و اليوم بعد امتحان الكيمياء و الله ما ضامنة النجاح نهائيا اما الانجليزي فكان يعني مشيت فيه و الله يعين باتشر ع الفيزياء ...

كريم النوبي — 2010-06-07 07:46

كلامك صحيح الامتحان كااان صعب جداً , لكن أكيد بيراعوا الطلاب في التصحيح , خصوصاً ان النظام جديد , و الامتحانات صعبة و كان فيها بعض الأغلاط.

نصيحة: انسى الي فات ,, و فكر في القادم.

ALLAWE — 2010-06-07 08:59

ان شاءالله مابيرسبووون حد

وان شاءالله تكون اجاباتكم زينة

والله يوفجكم وادعولنا بالتوفيج نحن اخر سنة

غلا عمري — 2010-06-07 18:44

هييه والله كانوا صعب مره
وياليت يصلحووه المعلمات بعد الكمبيوتر اخ

شيخه1 — 2010-06-08 15:40

تفائل بالخير أخوي ..~

وان شاء الله تنجح وتييب درجات عاليه ..~

الحواس — 2010-06-09 08:18

و الله كلامك صح صعب جدا و الله أنا قلت 4 أسآله حليتهآآ في آمتحان رياضيات
حرام و الله شوى ها تعب راسي يعورني و أنا قاعد أحسب كم درجه لازم
أييب عشان انجح و و أحسب و أحسب حتى حسيت ان بطني و جعتني و الله
حرام أنا أذاكر و أسير المعهد يفهمناا و بعدين أشوف أمتحان غير شكل و الله
لا لا يا وزاره ..

راعونآآ ساعدونا ..

و أنا في الصف العاشر و هي أصب سنه و آخرتها رسوب بسبب خطئ و تهور الوزاره

صادقة — 2010-06-10 08:53

تفاءل بالخير

tota_1992 — 2010-06-10 19:15

السلام عليكم و رحمة الله و بركاته : بنسبة لطالب الثاني عشر

انا اتمنى انا يكون اختبار الطاب اختبار لما تعلمه و يكون منهج الامتحان ياي على هذا النمط اما انه تحطولنا الغاز ف الامتحان !
و هاذي السنه مصيرية ! اتمنى انكم تراعون هالشي و شكرا

HдMфффĐy дl§дyEd — 2010-06-12 10:49

والله ان‘ــكم} تتفلسفوون~

كل الامتحاأإأإناأإتٍ اوك‘ـ[ـيْ وماأإ بيهاأإ اي مشاأإكل‘

العيب علي‘ــ:ـكْ
اكيد التقصير من‘ـك~

طع ويه‘ـك~ ,’ المدرسين غلط وانت صح يعني؟~

طالب شطور — 2010-06-14 15:01

الله يعين والله

امتحان الفيزياء كان سم والله سم صعب يعني لازم يشجعونا ع الدراسه مب جي يسون

الله كريم رب العالمين فوق

رها — 2010-06-14 15:37

صح ..

يعني حرااام ..

راعونا شوي .. الله يخليكم ..

يعني الحيين ما نقدر لا نرقد ولا ناكل من الخوف ..

ما عرف كيف بييب الشهادة ..

الله يعيين .

عالمة التاريخ — 2010-06-20 14:41

هي دخيييلكم والله ذاكرنا وجتلنا عمارنا ويبنا تلخيصات وسوينا كل شي وحطينا الكتب في روسنا ويبنا معلمين خصوصييين في البيت ما في داعي إعادة سنة ولا دور ثاني ولي الوزارة انتو ما اتشوفون الامتحانات صعب اطحطولنا وااافديين ايووبون الامتحانات صعب ولا حراااام عاد هم من الله يبغونا نرسب والله ما ستوت شغل المادة سهل و يطلع الامتحان مانعرف شو انسوي فيه صعب والله حراااام مائقول الا "لاحول ولا قوة إلا بالله"

بقاياروح — 2010-06-30 08:52

والله قهر نسبتي عاليه الفصل الاول والحين ايب دور ثاني فالانجليزي والله حرام ياريت راحونا
اختي منازل والحين يايبه دورثاني فالانجليزي وبعد هي اصلا عايده السنه بسبه الانجليزي ونسبتها فالثمانين
بتموت من قهرها ماشي درجات تساعد ولاهي قادره تطلع من هالسنه

h a n a n — 2010-06-30 17:57

الله يوفقكم جميعاً يارب
ونصيحتي حاولوا أن تغلقوا عقولكم وعيونكم عن ما فات , و حاولوا التركيز بالإختبارات القادمة
لأني قد صار لي كذا .. و أتضررت نفسيا وماجبت درجات ! بكل المواد مو بس بمادة وحدة !

و أتمنى من الي ن يراعونكم وإن شاء الله يراعونكم

خليفه اسماعيل — 2010-11-01 20:58

والله حرام عليكم الامتحانات صارت صعبه وااايد ليش جي تسوووون