أرشيف study4uae

السلام عليكم ورحمة الله وبركاته..

بغيت بس اشتكي على مدرستنا..

ابصرااحه وااايد امبالغه مدرستنا بالقوانين..

الوزارة يوم طرشت لائحة القوانين اليديده ما ذكرت من ضمن هالقوانين ان الشعر ممنوع..

عيل ليش يوم نظهر قصصنا يتحرطمون علينا و يهددونا و يهينونا .. جي الدنيا فوضى ..اي حد مر و هدد و هان ...

وبعدين وين الحريه الشخصيه.. وين احترام الخصوصيه ..ولا هالاشياء بس رمسة ..دام هم مش محترمين الطالبات كيف يبون الطالبات يحترمونهم وحتى لو كانو اكبر عنا سناً..المفروض يقدرونا و يعتبرونا كبار وخاصة ان احنا فالثنويه يعني مش صغار و المفروض يعاملونا بسلوب حلو و سلس مب بسلوب غجري..


وبالنسبه لحف الحواجب...طبعا هو مش حف بصحيح العبارة ..هو بس مجرد تعديل مب حف اظن فاهمين قصدي..االمهم .. انا ما اذكر اني قريت عن هالقانون ان الحف او تعديل الحواجب ممنوع .. انزين فرضوا ان هالبنت مخطوبه او مالجه يعني بعد ما تعدل عشان خاطر عيونهم؟!..


وبالنسبه للمدرسات (مش الكل) ...ما يعطون الطالبات مجال عشان يفسرون او يستنتجون او حتى يقولون الاجابه..ووايد يقاطعون الطالبات..انتو مب امحطين هالمنااهج على اساس تبون الطالب هو اللي يستنتج؟
بس انا ماجوف ان هالشي يطبق عندنا (طبعا مب عند الكل)..

وبالذات فحصة العربي .. الابلة ما تعطينا مجال نبدع باجوبتنا او حتى نفكر بالاجابه..

والفيزيا نفس الشي .. فوقت حل المسائل .. ما تسوي سالفه..اهم شي تاخذ الاجابه من طالبه وحده بس وطوالي تنتقل للمسأله اللي بعدها.. جي احنا آله حاسبه.. لا والقهر يوم نقولها ابلة كيف..ترد بكل برود والله شو اسوي يوم انتو ما تعرفون تستخدمون الآلة؟!!..شيعني ما نعرف نستخدم الآلة؟! اصلا شدخل الآلة فطريقة الحل؟!

احنا نسئلها عن طريقة الحل واهي تقولنا عن الآلة..

وبعدين في طالبات ياخذن الاجوبه من الحلول التفصيليه و يكتبنه حذال كل مسألة و جووابها ..ويوم اتي الابلة تقول حلوا ... اجوف الاجابه سيده انعلنت .. توناا بعدنا ما قلنا بسم الله ..سبحان الله شهالسرعه اللي حتى الكمبيوتر ما يوصل لها ؟! .. عاثرنهم مب فاهمين بس اللهم كاتبين الحل و هم من هناك مب عارفين حتى باي قانون نعوض..والابلة ما تصدق على طول تنتقل للمسألة اللي بعدها حتى ما تعطينا مجال انحل و نفكر..ما من زود المساءل اللي تحلهم معانا ياليت بعد تحلهم ويانا بس اللهم تقول صح ولا خطاأ..

انزين احنا ما انولدنا عباقرة ولا نولدنا نعرف كل شي.. و بعدين هالاشيا يديده علينا .. والمفروض الابلة تحل ويانا او ع الاقل تفهمنا مغزى السؤال ..ترى في اشيا واايد تخربط ومافيها شي لو خطينا و ما عرفنا وبعدين كل انسان خطاء ومحد معصوم عن الخطا الا الانبياء..

وحتى بالنسبه ليوم نسئلها عن شغله مب فاهمينها .. تقول ماقدر اعيد اسفه !!!...ابا اعرف شو شغلتهم؟!

اوكي خلوا الدراسه ع صوب ...

تعالو للطابور الصباحي ...

اعتقد ان كل الهيئات الموجوده فالمدرسه سواء كانت اداريه او تدريسيه ....الخ ..مطلوب منها الحضور للطابور الصباحي.. طبعا احنا حدث بلا حرج .. الله وكيلكم بس الاخصائيه يمكن بعد نادر و الوكيله والمديرة بس من الهيئة الاداريه اللي اجوفها تحضر الطابور و بالنسبه للتدريسيه ما يحتاي ارمس .. والله ان مب معدودات ع الاصابع اللي ينزلن للطابور الصباحي..

اوكي خلوا الحضور و غيره... تعالو لتحية العلم ... وقسم بالله اني اجوف بس ثلاث ابلوات هن نفسهن كل مرة بس اللي يحين العلم بالاضافه الى المديرة و الوكيله .. واظن ان الشيخ محمد بن راشد آل مكتوم ربي يحفظه ..امر ان كل الهيئات تحي العلم .. بس طبعا يدخلون من هالاذن و يظهرون من الاذن الثانيه ولا جنه امر من الشيخ...

لا والقهر فوق هذا ماشي احترام للعلم سواء من الطلبه او المعلمات(مش الكل) .. يعني يوم يبدا النشيد الوطني والله ثنتين ثلاث امربعات ايدهم و عشر يرمسن ولا كأنه نشيد وطني عافاني الله ماشي احترام للوطن..بس بعد ما ينلامون دام القدوة اللي هم المعلمات طبعا مب الكل يسون جي..والله على ما اقول شهيد..

مرة شكيت مدرستين يرمسن فتحية العلم و مرة جفت ابلة تمشي فالطابق اللي فوق و فتحية العلم... ماشا الله الاحترام زايد للوطن..

عافاني الله ماشي روح وطنيه عندهم..

يلا شنقول..مانقول غير الله يهدي الجميع و يصلح بالهم..كل حد افتكر بعمره ونسوا جميل الوطن وفضلة علينا ... والله لو لا الله ثم شيوخنا جان صرنا جهله ,, جان ما وصلنا للي احنا فيه.. الحمدلله بفضل ربنا ثم شيخنا زايد الله يرحمه ويغمد روحه الينه وصلنا لهالمرحله اللي الكل يحسدنا عليها ..


ع العموم مابغي اطول عليكم..

و عفكرة مب بس هذي كل السلبيات اللي فالمدرسه بالعكس في واايد بعد بس ادري انه بيكون من العبارة اللي تقول :لا حياة لمن تنادي...


ولو سمحتو قبل لا انسى .. لا تنسون تعيدون لائحة القوانين او اعادة نشرها للمدارس ويليت لو يتقيدوون بس باللي فيها مالهم بالغير ملزومه...