أرشيف study4uae

-Ashley- كتب:السلام عليكم مينا

حبيت أستفتسر عن المعهد إلي فـ العين
و أنا صف 8 و أريد أروح السنة الياية المعهد

المهم

1- كم معهد خاص بالبنات في العين و المناطق وين ؟
أتوقع معهد واحد بس ما عندي علم بالمناطق، إن شاء الله يفيدونج البنات

2- كم عدد التخصصات و شو هن و أريد نبذه عنهن ::
science engineering
العلوم الهندسية ( كيمياء،طاقة..الخ )

ICT engineering
تخصص الكمبيوتر

Automation engineering
( الميكانيك..الخ )

بس التخصصات بتختارينهم صف 11

3- كيف الدراسة و كم مادة أدرسوا ؟
الدراسة يبالها شوي جهد المنهج إنجليزي ، و المواد على حسب الصف
يعني تاسع أقلّ منا.

4- يقولون يعطون لاب و راتب , بس من أي سنة يعني من 9 ولا 10 ولا 11 ؟؟
عطونا لاب apple و راتب.
اللاب بيعط،نكم من تدخلون المعهد مافي صف معين

5- شو لبس البنات ؟ و شو لبس الأولاد ؟
البنات مالي علم فيهم
لكن نحن بنطلون كحلي و قميص رصاصي.

6- شو تنصحوني أدخلها ولا ؟
إذا عندج رغبة تدخلينها إدخليها.

7- سمعت أن إذا أنتقلت يعني ظهرت من المعهد لازم أعيد السنة , صح ولا ؟
هالمعلومة ماقدر أفيدج فيها بصراحة.

8- كيف نظام المعهد؟
نظام ماله علاقة في وزارة التربية و التعليم
المعهد تابع لمجلس أبوظبي للتعليم

9- سمعتهم يقولوا أن منهج إنجليزي , صح ولا ؟
المنهج إنجليزي صح،
لكن بتتعودين عليه عقب.

10- قالولي أن الكتب وايد كبار يعني عادي 200 صفحة فـ كل المواد ؟
صحيح إن الكتب كبيرة لكن هالكتب لثلاث سنين.
مثلا الفيزياء 944 صفحة لكن لثلاث سنين ( grade 10 & 11 & 12 (
و بعد مب كل الكتاب بناخذه.


و أتمنى أتجاوبوني
^^
و شكرا

و انا مسوية موضوع بس حبيت أسوي هنيه عساس ألاقي ردود أكثر

مهندس كتب:هل إمتحانات lc2 تشمل lc1

lulucute كتب:

السلام عليكم ..

اذا دشيت المعهد صف تاسع وما عيبني وابا اظهر منة صف عاشر واكمل بمدرسة حكومية يستوي ولا لا؟

عواشه77 كتب:السلام عليكم ...

شحالكم ...


في معهد تكنولوجيا في الشارجه ؟؟!!

في مقابلة وإلا لا؟

وشكرااااااااااااا...:(53):

مهندس كتب:هل إمتحانات lc2 تشمل lc1

S.S.R.A.A كتب:

آلسلآإم عليكم و الرحمه

وعليكم السلام ورحمة الله وبركاته

احبيت اسأل اسأله و ياريت الاجابه تكون بالتفصيل ^^
تامرين امر يااختي

انا في الصف التاسع , افكر السنه اليايه ادخل المعهد فــبكون في الصف العاشر .
للعلم نسبتي في هالفصل كانت 91 % و انا ودي بعد التخرج ادرس طب
الحين ماتقدرين يااختي لو كنتي صف ثامن بتقدرين اتدشين تخصص الطب في الصف 11

ماشاء الله شدي حيلج عقبال 100% ياارب



الكل يعرف انه الطب يباله 7 سنوات

فيقولون انه في الجدول تكون في حصه للطب فبعد ما اتخرج من المعهد و ادخل الجامعه ادرس اقل من 7 سنوات ؟

تدرسين 5 سنوات فقط او اقل

حيروني !! في تخصص الطب ؟ إذا لا ,, شو هم التخصصات الموجوده ؟

في تخصص طب وهندسه طاقه وفي تطبيقية وفي كمبيوتر

المعهد ينظم بعثات للخارج بعدالتخرج من الثانوية ؟

بعد وقبل التخرج بشرط تكون النبه فوق 80

اذا طلعت من المعهد فرضاً [ ثاني او ثالث ثانوي ] , اعيد الدراسه من صف عاشر في المدارس الثانيه ؟
لا ماتعيدينها تكمليهاآآ

اقدر ادخل المعهد في صف ثاني ثانوي ؟
لا ماتقدرين من صف تاسع

الدرآسه كيف ؟ صعبة او سهله ؟

سهله وصعبه بس ادرسي اول باول

يقولون العلوم و الرياضيات بالانجليزي , هل الشرح في الحصه يكون عربي او انجليزي ؟
لا الشرح بالنجليزي والدراسه كلها بالنجليزي الا العربي والدين باللغه العربيه

الهيئة التدريسية للبنات تكون [ معلمين او معلمات ] و [ اجانب او عرب ] ؟
معلمات فقط عربيات واكثرهم اجانب

فتحوا في ابوظبي فرع للبنات , وين موقعه ؟
مادري بس يقولون عند جامعه بس ماعرف اي جامعه هع

سوري وآيد سألت بس خايفـة لانه التسجيل الشهر الياي




شآإكره لكم (f)








~> انا مسويه موضوعٍ لكن للاسف محد رد عليه ><"

يقولون العلوم و الرياضيات بالانجليزي , هل الشرح في الحصه يكون عربي او انجليزي ؟
لا الشرح بالنجليزي والدراسه كلها بالنجليزي الا العربي والدين باللغه العربيه

S.S.R.A.A كتب:صراحه هالنقطه واااايد رددتني ><"
لانه انا مب اني بيرفكت في الانجليزي ولا اني ما افهم ابد
انه مستوااي عادي [ متوسط ]
فـ خااايفه واااايد ><"
لانه مب علوم , بيكون كيمياء و احياء و هالموااد يبالها استوعاااب و نفهم كل شي فيه
فممكن تفوتني نقطه او ما افهمها ..
انا عادي عندي بالانجليزي ,, بس الي يهمني شرح المس يعني كل كل شرحها انجليزي ولا شوي ترمس عربي

المهم ..

سؤال :
يصير مثلا مثلا لو درست هندسه و عقب التخرج من الثانويه ادرس مثلا قانون
ولا مفرووض التزم بالهندسه و ادرس بعد التخرج هندسه

صراحه السؤال محير ربيعتي هع

توأم يابانيه جيكو كتب:

السلاآإم عليـكم..>>
ـنآآ سمعت عن المعهــد ودخـل مزآآإجـي ع طووؤل وحبـــت أسجل فيهـ,, واليوم اربيعتي روحت تسجر وحمستــني ع الاخيــ,,،ـــر:(49)::(49):
والحظ الحلوو أنـي صف تآإسع وبروح عآإشر ان شاء الله يعنــي المعهـد يي فـ^^ــي وقــتهـ وفـــي أبوظبــي..
وسمعت أنهـ الامتحآآإن القبووؤل شهر 5 فـي مآدتيـن[الانجليزي+الريآضيآإت:(5):]
اللهم وفقنــي فـي إمتحآآإن القبووؤل والمقآآبلهـ,,>>لاأنهـ مستوآإي الدرآآإسي مـب ذآإكـ الزوود :(37):يعنـي [متوسطهـ]
وآآبـي نصيـــ,,ـــحهـ منكم اللي يدرسون فـ المعهـــد>>:(19):!؟!؟

تحيآآإإتـي>>japanya geko0o

1020300 كتب:S.S.R.A.A > امم .. بخصصؤص آآخر سسؤـآل xD

بيكؤؤن يـآآ عند ججـآمعة خليفهـ اؤ زـآيد ْ> بعدهم ممـآحددؤـآ

يعنني اذااه نقلؤا الشباب زايد نحن بنكؤن خليفهـ بسس اذا تممؤـآ فـ خليفهـ نححن فـ زـآيد ^^" ..

...

آممم .. زيين ششو تحسون اسسهل تخصص !؟

تـۈۈتــہ بـنـۈۈتــہ كتب:.. هــلآآآآآآ آآعضآآآآآء , عـنـدي كمن آآسأألـه عـن آآلـمـعـهـد فـرع بوظبي ..

.. 1- عـآآآدي آآلـتـسجيييل يكوون فالمووقع آآم لآآآآزم آآنرووح معهد و آآذآآ كـآآن تسجييل فالمووقع آآآهـل آآلـمـعـهـد رآآآح يهتم فالطلااب الي سجلوو فالمووقع ؟؟؟؟ ...!!!!

هيه نعم سجلي من الموقع ترى اريح و اسهل وكله واحد لو سجلتي في المعهد او عن طريق الموقع و يتواصلون وياج و النتيجة وحدة اهم شي يوم تسجلون الرقم الي بيطلع لج تحفظينه ..

2- سـمـعـت آآآنـه مـعـهـد يــرســب الـطـلآآآآآب والطـآآلـبـآآآت يعني الي رآآح يدخل معهد بيرسب في كـل المـوآآآد هـل هـذآآ صـحـييـح آآم لآآآآ ؟؟؟ ...!!!

بالعقل شو فايدة مؤسسة تعليمية ترسب طلابها !!! .. لا الكلام ماله معنى و المعهد احيانا يساعد في الدرجات .. الدرجات تعتمد على مجهود الطالب وادائه في العملية التعليمية و الاختبارات النهائية .

3- أأنـآآ كالطـآآلبه فآلنجليزي مستوآآي متوسط عآآدي آآسجل معهد؟؟!! , ولا لأأأأزم وآآحد يكوون مـمـتـآآآز فالنجليزي ؟؟؟ ..!!

متوسط في المعهد يعني ممتاز .. الانجليزي المستخدم في المعهد سهلة .. همه حابين يعلمونكم الانجليزي مب يزيدون صعوبة عليكم .. وانتي مناسبة للانضمام للمعهد ..

4- مــتــى آآآخــر يــووم تسجييل فالمعهد ؟؟ ..!!!

اول يوم دراسي في العام الاكاديمي القادم 2011 - 2012 ..

جروح الهوى كتب:أهئ أهئ هيه والله حتى انا خآآطــري اسجل بس في وآيد اشيآء تخوفني


ومنها اخاف عن اذا خلصت المعهد وابي ادخل تخصص ثاني غير الهندسه لاني ماحب الهندسه مايرضون وابي اعرف الدراسه وايد صعبة ولا سهله يعني لو حد يدرس هناك صج بنستفيد منهـ

انزين انتو شو تنصحوني انا نسبتي 90%فااشله هع بليييز ابي منكم النصييحهـ ؟؟!!

uae-ian كتب:اصلا شباب معهد بوظبي مزدحمين ... يبيلهم مبنى ثاني .. مادري كيف راح يوزعون الموضوع بس اكيد لهم طريقة..

+ .. .

اسهل تخصص .. كل التخصصات ..ترى كل واحد وميوله .. انا ممكن اقولج تخصص الهندسة علمية صعب ..لاني ما احب الفيزياء مثلا .. بس اقولج تقنية المعلومات حلو .. لاني احبه .. ويطلع لج صعب ..

انتي لما تدخلين المعهد راح يخبرونكم بالتخصاصات .. في تخصصات لازم نسبة 85٪ عشان تدخلينها .. مثل الهندسة العلمية ..و احيانا همه يختارون لج ..