أرشيف study4uae

أرشيف للقراءة فقط — لا يمكن التسجيل أو المشاركة.

, دوام 9 حصص يوميا ؟؟؟

bent bladi — 2009-10-02 13:56 — , دوام 9 حصص يوميا ؟؟؟


السلام عليكم ورحمة الله وبركاته :(7)::(18):

اولا احب اهني الكل بهل سنة الدراسية الجديدة

و الله بستر و الله يوفق الجميع
بس حبيت اوصل صوتي و صوت الكثير من البنات
احنا بالمرحلة الثانوية يعني ما يكفي ضغط الدراسة كمان في البيت بالاخص العلمي تقارير و بحوث و مشاريع الخ الخ الخ....
كنا قبل تروح البيت الساعة 2:50 دقيقة بما ان الدوام يخلص الساعة 2:10
اما الان انا شخصيان اوصل البيت الساعة 4:30 و في وايد بنات يوصلون البيت الساعة 5
كل هذا عشان الدوام 9 حصص و يخلص الساعة 3:30 بس ابي افهم ليييييييش؟
اذا على التركيز الكل بنات و مدرسات بعد الحصة السادسة يبدون ينامون لا البنت مصححصحة عشان تستقبل المعلومات و لا المدرسة فايقة تشرح اصلا ...فما بالك لو الحصص الاخيرة فيزيا و كيمياء و احياء او رياضيات مصييييييبة:(5):
و بعدين نرد البيت ع الساعة 4:30 جوعانين بناكل و تعبانييييييين موت لازم النام ع الاقل ساعة خلاص وصلنا الساعة 7 بنبدا دراسة متى نخلص الساعة 11 - 12 و نصحى 6 هاذا احنا بعدنا ف اول السنة بعدنا نقول يا كريم لسا بعدين في امتحانات و تقارير و مشاريع و لستة طويييييييييييييييييييييلة:(5):
يعني اصلا نحن لا نمنا العصر و لا بالليل كيف بنركز :(17):
يعني لو تبون 9 حصص خلو ع الاقل الحصة الاخيرة نحل فيها واجباتنا او نحضر و تكون مدرسة حاضرة عشان ما يصير دوشة
السموحة لو طولت عليكم و انفعلت زيادة شوي بس حسيت الموضوع مهم و لازم حد يناقشة:(6):
bent bladi:(18)::(50):
متواضعه لحد الغرور — 2009-10-02 14:46
السلام عليكم

وانا ويااج الصراحه يععني 9 حصص محد يروم يركز عقب السابعه الكل تعبانه ومن الصبح نككون فالمدرسه قبل السبع كيف الواحد بيركز ولابيذاكر
نوصل البيت هلكانين انا الصراحه صرت اعصب وايد من التعب كل يوم افر كتبي لا اذاكر ولاشي ومااحب ارمس حد كله من الضغط وهذا اول السنه الله يعععنين الصراحه

يريت يغيرون النظام ويخلونه 7 حصص لانه محد يروم يكمل بهالطريقه

والسموحه
لولو 8 — 2009-10-02 14:51
و انا معاكم الصراحة تعب
ولد الملاين — 2009-10-02 14:57
آنا بعد وياكم
الصراحة وايد تعب
وحده من البشر — 2009-10-02 15:08
آحنـآ بس 7 حصص :p
ShoOg elGalB — 2009-10-02 15:49
شو نسوي كل يووم يايبيلنا شي و يطبقونه علينا . .

نـآآآس ما يحسووون !!!!!!!!

السنه اللي طافت لين 2 و ما نتحمل و هالسنه لين 3 !!!

بس عشان الاجااااازه . . الابله الشاطره بتخلص المنهج فـ 3 شهوور بس !!

:(11):
آبدويـہ — 2009-10-02 16:00
نحن بعد 7 حصص :(51):


الله يعينكم الصراحه
|| قلم رصاص || — 2009-10-02 17:16
هيييه تعب وااايــد ..

1- ماشي اكـل فالمدرسه .. يعنــي 11 سااعه فالمدرسه ماا ناكل شي s= ..

2- مآشي وقت نيلس ويا اهاليــناا ..

3- فاليوم 24 سااعه .. 15 دراسه و 7 رقـااد وو ساعتين اكل وسبووح وو ..



[ الحمدلله ع كل حاال ,,~ =]


السموحهـ

!
dalo0o3at-babaty69 — 2009-10-02 17:20
نحن 7 حصص بس زادو لنا الوقت نخلص الساعه 2.55 دقيقه..
الله يعينكم الصراحه..
دلووعة العينa — 2009-10-05 21:53
قهر والله قهر
حراااام عليهم
اناا ارد البيت ع الساعه 4 تقريبا اتغدى اصلي العصر واتسبح وارقد جي ع الساعه 5 وانش ع الساعه 8 او 9
مافي وقت عشاان اذاكر
ععقب ابدا اذاكر ع الساعه 10 او 9 ونص
الإقتصادية — 2009-10-11 12:44
احنا 7 حصص
بس هم مزيدين 5 دقايق لكل حصة فنخلص متاخرين
شلال الحب — 2009-10-12 16:25
بصراحه هالنظام فاشل من الخاطر
و حرام عليهم اللي يسوونه فينا
اذا عسب رمضان ،، يزيدون شهر ازيادة بدل هالـ حصتين الزايدااات يوميا

صرت مدمنة بندول انا و اللي فـ الكلاس من كثر الصداع

و علمي عااااااد يباله تركيييز و الغباء ان الحصص الأخيرة كيمياء و رياضيات و أحياء و فيزياء


عبط بصراحه


لو يخلون العربي و الانجليزي و الدين بنقوووول نمشي اشوي ...




استغفر الله العلي العظظييييييييييييييييييييييييييييييييييييييييييمــــ
دانة بلادها — 2009-10-12 17:58
آآآآآآآآآآآه والله معاناه هالثانويه والله حراااااااااام حسوا فينا ماشي وقت نذاكر غير التقارير والبحوث ونحن في أسكولنا ممنووووووووووووووووع البحوث من النت بس من المراجع والكتب والله حرام ليين الساعه أربع واااااااااااااعلماااه طلاب وطالبات الثانويه في أزمه
راعيتكو — 2009-10-12 18:08
حليييييلهم << آلسنهـ آلياايه صووبكم وبجرب معآنتكوو .. هههه

<< بعلم آبوويهـ عليهم ههه


ربيه يووفجـكم آخووآنيهـ وخوآتيهـ ..
(ولد الشارجة) — 2009-10-12 19:07
نحن 7 وفي فصحه 2 !..هع

الله يعينكم !
3 الإعدادي — 2009-10-12 19:12
بصراحة أنا بالعكس تماما

أريد 6 حصص لكن كل حصة ساعتين
للفهم والإستيعاب
مقامي — 2009-10-13 11:29
نحن عندنا هالقانون للبنات بس

اتمنى يوم القيامة تيي ساعة تراوي اصحاب القوانين وتحرج الانجليز الي يابوهم
كارهة الرياضيات — 2009-10-15 13:39
نحن 7 حصص :(51):


الله يعينكم الصراحه

و فسحتين و يخلص الدوام 2:00<!-- / message -->
ع ــيونـ بدويـهـ — 2009-10-15 13:47
نحن بــ ع ـد سبـًٌٍُـ ع .. حصصٌُ ..

ونرجعًٌٍُ السآعًَُة 1 ونصًٌٍُِ ...

....*ـ* ....
نونو الاماراتية — 2009-10-15 14:10
^^
مي تووو
ومشكووورين
___ الهميمي ___ — 2009-10-17 17:45
والله حراااااااااااااام والحااااااااال ميؤوووس منه ... هم يفكرووون احنا على هالضغط كله والي يانا فجاه بنقدر نتحمل .. هذا النظام الاجنبي ..للي ماعندهم عادات وتقاليد مايحسون بقيمة الاهل ولا يهتموون بصلة الرحم لان ماعندهم دين ولا سنه يتبعوونها ..

اما احنا بشر مسلمين عندنا طاقة نفرغها عندنا شعور بالاهتمام والحياة الاسرية ... مانقدر نتحمل هالتعب والارهااق وحتى المدرسين والمدرسات عندهم عوايل يردون لهم عندهم اطفال يهتمون فيهم وين الوقت الحين بعد هذا النظاام متى نرد ومتى نرقد ومتى نقعد مع اهلنا متى نخدم والدينا .. >> بتقولون في ناس مايهتمون بهالشي بس بعد في ناس يهمهم يطعون الله .. والله من بدت المدرسة والواجبات والامتحانات الواحد ما يقدر يفضي عمره عسب يقرا قرآن ويستذكر ربه .........


ما اقول غير الله المستعان به .... والحمدلله على كل حال

تقبلوو الراي ودمتم بخير ....
شطورة الامارات — 2009-10-20 14:16
الصراحة الله يعينكم احنا ما نروم نداوم 7 حصص و انتو 9؟؟!
بني ياسية — 2009-10-26 15:58
ايه والله عذبونا
حسبي الله و نعم الوكيل
اشتكينا و ما سووا شي
الشكوى لغير الله مذله
حسبي الله و نعم الوكيل
كسلانة — 2009-10-26 16:26
الحين الحصه الوحده خمسييين دقيقه

عنبووو نحنا كم بنجمع!!

والله عقب ما تخلص الفسسسحه اكوون مسسطله

اقول للابلله دخيييييلج لا تشرحين !!

تقول هب عكيفج !! ياخي حسوو فيينا


صح انهن 7 حصص

بس نحنا هب حيوانات !!

super_hamad — 2009-10-28 15:07
لا تقولون شي الأساتذة اصلا بيقولون 9 حصص عشان ينتهون
من الكتاب
ولا هم اصلا ما يهتمون

صدقوني
وانا اقول 7 حصص احـــن

السموحهــــ
رفوع 2 — 2009-10-29 17:25
الله يعينكم
موضيو — 2009-10-30 16:24
عندج حق . الله يكون في العون .
noodi — 2009-11-02 16:48
ااااه ما قول غير الله يسااااامحهم و ان شاء الله نرد هالشي ف اعيالهم
غلا الروحــ — 2009-11-06 16:11
اقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">المشاركة الأصلية كتبت بواسطة 3 الإعدادي (صورة خارجية غير محفوظة في الأرشيف — http://www.study4uae.com/vb/fh.com.sa/uae/buttons/viewpost.gif)
بصراحة أنا بالعكس تماما

أريد 6 حصص لكن كل حصة ساعتين
للفهم والإستيعاب


</TD></TR></TBODY></TABLE>



صدق ما عندك سالفه نحن حصه وحده وياالله يا الله كيف الحصه ساعتين الله يهديك بس ^^
فراشة راك — 2009-11-07 11:06
حرام والله ظلم

انتي مب كمبيوتر تستحملون هذا كله

حرام والله