نداء الى كل المهندسين المعمارين او الي يدرسوا هندسة

[semo]

السلام عليكم , ما بطول عليكم بدخل بالموضوع على طول

اخواني واخواتي , انا اريد ان اسأل عن الهندسة المعمارية , هل هذا الفرع زين ؟؟ وهل يوجد له شغل ؟؟ وهل الهندسة المعمارية صعبة ام سهلة ؟؟ وهل لازم اكون توب بالانجلش ؟؟؟ وشو اصعب شي واجهتوا او يالسين تواجهوا من اول ما دخلتوا الهندسة المعمارية؟؟

اخواني هذي 5 اسئلة يا ريت تجاوبني عليها ارجووووووكم

وشكررررررررررررررا

[سوسوووو#]

انا فــــــ الصف التاسع
ناوية ادخل الهندسة
لاني احب الرسم

[المحسني]

امم مييتو واللـه ارييد ادخل الهندسـه ,, بس الحين انا صف ثاامن .. وماعرف اجاوبك عن الاسئلـه لاني مب مجربـه هه

انشاء اللـه يفيدونك البااقي ..

[ثعلب الإمارات]

أخي العزيز أنت تفكر بالشغل ؟؟!!

المفروض تدخل الشي اللي تحبه أنت عشان تتميز فيه

و على فكرة أنا في كلية الهندسة القم المعماري في جامعة الإمارات أقولك الأمور طيبة

أهم شي تكون انجليزيتك توب و تكون فنان وتكون اجتماعي و تحب الدراسة لأنها من أصعب أنواع الهندسة


أما بالنسبة للشغل أكثر شي في الشركات الكبير مثل صروح وإعمار

[احلـ بنوتة ـى]

انا بدي ادخل معماري كتيييير بحب الرسم .. ( مبدعة ^^ ) .... وبحب الفيزيا كتييير .. اسمعت كلها رسم وتصميم ~

شو رايكم وتنصحون فيها بالنسبة لبنت ؟؟ ^^ وشكككككككككرا

تحياتي

[semo]

اختي ماا يهم انك بنت ولاا ولد , بالعكس يمكن البنت تبدع اكثر من الولد ...

المهم , اناا ما اعرف وايد بها التخصص , بس الله يوفقنا ...

[احلـ بنوتة ـى]

شكـــــــرا اخوي ^^

[همس الحنايا]

اولا السلام عليكم اخوي سيموو

انا في كلية الهندسة وان شالله بدخل هندسة معمارية

هم يقولون انها صعبة ويبالها دراسه واجتهاد بشكل مب طبيعي وفي كورس كامل مب محسوب لانها عندنا مادتين مب محسوبه ساعاتها
بعدين الموضوع مب موضوع انت توب بالانجلش ولا لا انت واجتهادك مافي شي صعب لو درست وانت كنت حاب هشي وانا لو اني مب حابة هندسة المعمارية مارح افكر فيها موول
انت لو دخلت اي كلية لازم تكون توب بالانجلش وانت باجتهادك ان شالله بتروم تكمل واذا ع الشغل لاتحاتي الهندسة المعمارية اكيد مطلوبة فكل مكان واذا تبي اي مساعده انا حاضر ياخوي من عيوني
انا المشكلة بعدني ماتخصصت هندسة معمارية بس ان شالله ع السنة الياية بتخصص وبتوفيق للجميع

[semo]

اقتباس:
المشاركة الأصلية كتبت بواسطة همس الحنايا
اولا السلام عليكم اخوي سيموو

انا في كلية الهندسة وان شالله بدخل هندسة معمارية

هم يقولون انها صعبة ويبالها دراسه واجتهاد بشكل مب طبيعي وفي كورس كامل مب محسوب لانها عندنا مادتين مب محسوبه ساعاتها
بعدين الموضوع مب موضوع انت توب بالانجلش ولا لا انت واجتهادك مافي شي صعب لو درست وانت كنت حاب هشي وانا لو اني مب حابة هندسة المعمارية مارح افكر فيها موول
انت لو دخلت اي كلية لازم تكون توب بالانجلش وانت باجتهادك ان شالله بتروم تكمل واذا ع الشغل لاتحاتي الهندسة المعمارية اكيد مطلوبة فكل مكان واذا تبي اي مساعده انا حاضر ياخوي من عيوني
انا المشكلة بعدني ماتخصصت هندسة معمارية بس ان شالله ع السنة الياية بتخصص وبتوفيق للجميع



شكررررا اختي على هذا الملخص السريع , والله احس اني احب هذا التخصص , بس ان شاء الله بعد الثانوية بسير اخذ اكم من دورة ايلتس , وان شاء الله على الفصل الثاني بدخل هندسة معمارية ...

وعندي سؤالين اختي , اول شي تنصحيني بجامعة عجمان اني ادرس فيها العندسة المعمارية ؟؟
واذاا كنتي من جامعة عجمان , ياا ريت تكلميني عنها شوو , يعنيي ملخص اذاا ممكن ^^

ثاني شي اباا اسئل , كيف نظام الدراسة , يعني اناا من قبل ومن كلامك الحين فهمت انه ما من اول سنة ادرس فيها الهندسة , عيل شو ادرس قبل , وشوو ادرس بعد ؟؟

واسف لاني طولت .... بس شوو اسوي , طالب ثانوية عامة متسائل .. ^^


بالتوفيق ....&&

[noor alyafei]

انا ادرس بجامعة عجمان وقسم الهندسة المعمارية ^.^

أبي اشجعك لانه تخصص وايد حلو وعلى فكرة هالتخصص مبدعين فيه الشباب والبنات بنفس المستوى
والدكاترة درسوا الفئتين وقايلين هالكلام

جوف التخصص لو انت حابه بتكمل فيه .. وهو تخصص قوي كثير وله شغل حلو ومضمون
خاصة فمجتمعنا

بس مب معناة ان التخصص حلو انه مب صعب
هو صعب ويباله شغل وايد وايد وايد وايد

لكن صدقوني من تخلص شغلك وتشوفه بعينك وتحس بأنجازك هذا احلى شعور
هذا الكلام من تجربتي الخاصة

انا بعدني فأول سنة .. وتعبت وايد من كثر الشغل .. بس والله متعة

وبالنسبة لجامعتنا انا اشوفها وايد حلوة ومريحة و الدكاترة يساعدون والامكانيات وايد زينة

المشكلة ان بعض الطلاب يدخلون التخصص لان اسمه حلو وقوي
بدون ميول ..!
وبعد فترة كثرة الشغل تخليهم يكرهونه
المعماري عملي .. لازم يكون عندك خيال .. يكون عندك منظور آخر للرسم


فأنصحك انك اول شي تفكر انت تبا دراسة جامعية سهلة ومريحة وممتعة ؟ او تبا دراسة ممتعة وبمجهودك تحصل
فيها على شهادة قوية ومستقبل قوي ؟

اذا حسيت انك تميل للخيار الثاني قدم عالهندسة المعمارية وادعيلي ^×^