اللي قدم امتحان القبول في جامعة خليفة .. مهم

[-- شيخة بوظبي --]

الامتحانات كلها بالانجلش ..

و اذا عندج icdl ولا ic3 ماتمتحنين كمبيوتر ..

و اذا ما كان عندج شراتي خخخ .. بييج امتحان كله اختاري .. يتكلم عن الميموري و أجزاء الكمبيوتر و هالسوالف ..

أنا حسيته سهل ^^ ..

عااد ادعووولي يقبلوووني ..

[علمي وبس]

والله!!

منو قالج؟!

تعرفين أنا اعرف في الكمبيوتر بس بالعربي
ومابا الاقي صعوبه في اني آخذ شهادة icdl

قمت قدمت عشان آخذها
وكان عندي امتحان يوم الاثنين وتعبانه وااايد
لاني ابا آخذها وخلص بسرعه
تعرفين..
هالأيام ممكن يتصلون
يعني 4 امتحانات ورا بعض
من الساعه 3 الظهر للساعه 7 المغرب وانا في القاعه

يومياً
اتصلت بجامعة خليفة
بموت إذا ما قبلوني
ولازم انجح

فمرة اتصلت
أسأل على امتحان الكمبيوتر
ردت علي بنيه
قلت لها عندي icdl وما داعي امتحن كمبيوتر صح؟
قالت لي منو قالج وتمت تضحك
انا طالبة في الجامعه وامتحنت
شهادة الـicdl تعفيج من دراسة الكمبيوتر اول سنة (السنه اللي ندرس فيها انجليزي)
لكن ما يعفيج من امتحان القبول
بتمتحنينه بتمتحنينه

قمت اتصلت بالمعهد وكنسلت كل شي
ليش اتعب
مع اني ممتحنه كم من برنامج
ودافعه المبلغ المطلوب
وما رضوا يردونه
خلي يولي المهم ما اتعب


وانتي الحين تردين تقولين لي
لو عندي icdl مابا امتحن



انتي أكيد مواطنة
طيب كم نسبتج؟

ودخيلج اتأكدي من هذا الكلام

اموت وادخل هالجامعه

[-- شيخة بوظبي --]

هييه انا مواطنة ^^ .. و نسبتي 92.8 ..

و الكلام الي قلتلج عن icdl متأكدة منه 100% .. واايد بنات كان امتحانهم معايه و ما امتحنو كمبيوتر !!

و انتي كم نسبتج؟!

[علمي وبس]

والله!!


عيل الله ياخذها
حسبي الله عليها

ليش تتكلم إذا ما تعرف



بيشوفون
خل ينادوني لامتحان القبول وبسوي لهم حشررررره...





المهم ما علينا..

أنا وافدة ونسبتي مو لذاك الزود ما شاء الله
نسبتج وايد عالية


أنا 88.5



ماشي حالها

لأني مزاجية..

المواد اللي احبها أذاكرها والمواد اللي ما احبها ما أذاكرها
مثلاً في الورقة الامتحانية درجاتي
98 في الرياضيات
وفي الأحياء 73

هع



تصلح لي الهندسة..


دعواتكم

[-- شيخة بوظبي --]

حرااام لا تدعين عالبنيه !!

ترا في وايد قرارات حطوها هالسنة و هي مختلفة عن السنة الي طافت .. و الي رمستيها يمكن ماعندها خبر بكل ها ! لا تظلمينها

مثلاً لغوو عن دفعتنا امتحان الفيزيا ! .. و الدفعات الي قبل كلهم امتحنوو ..


الوافدين يقبلون 85 و فووق .. ان شاءالله بيقبلوونج ^^

و ان شاءالله يردووون عليه خبر بالقبوووول ..

و الله يوفقنا ان شاءالله و نصير مهندسات =)

[علمي وبس]

يااااااااااا رب



طيب آخر سؤال.. ^_^


إذا نجحت
خلاص يقبلوني؟!



أعذريني..
هع..أدري مصختها

[-- شيخة بوظبي --]

خخخخخ .. المفرووض !!

متى بيي شهر 7 عشان يعلنون عن القبوول ..

[عبيرة]

السلام عليكم ورحمة الله وبركاته..

سبحاااااان الله .. الموضوع عز الطلب..

انا دقوا علي وقالوا لي امتحان القبول يوم 24/6 .. يوم الاربعاء يعني
ومييييييته خوف!!

الحين اذا عندي ايلتس ما امتحن انجليزي؟؟
انزين انا باخذ ايلتس ان شاء الله يعني انا الحين في دورة تحضيرية للايلتس

الشي الثاني :

صدق لغوا امتحان الفيزيا؟؟؟؟؟؟؟!!!!!!!!
ردوا علي بلييييييييز إذا متأكدين 100000%

اكثرررررر شي خايفة منه هو الفيزيا .. تعقدت من امتحانات نص السنة .. الله يسامحهم..

الشي الثالث:

خايفة بعد من امتحان الكمبيوتر..
يعني انا اعرف اشتغل ع الوورد والبوربوينت واوكي في الكمبيوتر
بس ماعرف اجزاءه وهالسوالف
اسئلة الامتحان كان معظمها عن شو؟؟


والشي الأخييييييير:
امتحان الرياضيات كان من اي منهج؟
بس اللي درسناه هالسنة (ثالث ثانوي) ،، والا في شي من زمان؟؟!!
ترا ماااا أذكر ولا كلمة من أول وثاني ثانوي..


بلييييييييز ردوا علي بسرعة..

[-- شيخة بوظبي --]

^^

أنااا برد عليج

إذا عندج أيلتس ما تمتحنين انجلش .. بس اذا بعدج ماخذتيها لازم تمتحنين و حتى لو كنتي تدرسين في دورة تحضيرية ..

و يس أوف كورس لغو امتحان الفيزيا .. و اذا مب مصدقتني دقي حق الجامعة و عطيهم رقم الطلب و قوليلهم انتو بشو بتمتحونوني بالضبط و هم بيخبرونج ..

و بخصوص امتحان الكمبيوتر تراا ماااا يخصه مووول بالوورد و البوربوينت و هالأشياء العملية .. كلها اسئلة نظرية عن الكمبيوتر .. أجزاءه و أنظمة التشغيل و الميموري و هالسوالف ..

و امتحان الرياضيات فيه أصعب شي من كل الي درستيه فس السنوات السابقة خخخخخخخخ .. و ممنوع استخدام الآلة الحاسبة حطي تحتها ألف خط ..

و بس ^^

و الحين عليج تدعيلي انهم يقبلووني ..

و إذا عندج أي سؤال ثاني لا يردج إلا كيبوردج ..

[علمي وبس]

شيخة أبوظبي...يا ليت والله تطلع النتائج شهر 7
النتائج شهر 8
اتصلت وسألت


عبيرة
أنتي مواطنة او وافدة؟!
وكم نسبتج


لا تخافين عادي
وانا ع فكرة للحين ما اتصلوا

امتحان الفيزياء فعلاً ملغي هالسنة
ومتأكدة

وإذا خذيتي توفل او ايلتس مابتمتحنين انجليزي ومابتدخلين اول سنة انجليزي
بتدخلين على طول التخصص اللي اخترتيه
بس اذا بتتعبين
خلاص عادي

ترا امتحان القبول للانجليزي قالوا انه اسهل من السيبا نفسه وكله اختياري ومافيه قطعة ولا اكتبي فقرة ولا اسمعي وجاوبي
امتحان ماصخ والفترة قصيرة

اما عن امتحان الرياضيات
موجود في الموقع شو الاشيا اللي بنمتحن فيها
أغلبها من ثالث ثانوي
بس في شويه اشيا نسيناها مثل اللوغاريتمات

المهم الموضوع مو صعب
انا عندي حصه باجر مع الميس بتشرح لي كل شي
حصه يعني

وعلى فكرة في درس كامل كان في ثاني علمي (المنهج القديم) ومو موجود في مناهجنا الجديدة
وفي حوالي 3 او 4 أسئلة منه في الامتحان التجريبي
بس الحمدلله الميس فهمتني كل شي

يعني الموضوع بسيط
شوفي لج مدرس خاص لحصتين او ثلاث
او خلي حد يدرسج


وبالنسبة للكمبيوتر
إن شاء الله قريب وايد بنزل ملف فيه كل شي مطلوب في امتحان الكمبيوتر
لأني انا الحين اشتغل عليه عشان اذاكر منه
وانزله لكم قريب بإذن الله

يعني لا تخافين
بتلحقين تذاكرينه




وفي الختام..
تذكروا إن كل شي بمشيئة الله
وكل شي مكتوب


وأرجو أني أفدتج
وطمنتج

^_^