شو خطتك الدراسية للثانوية العامة (مهم لطلاب الثانوية العامة)

[almujhool]

السلام عليكم و رحمة الله وبركاته

طبعا مبروك عليكم العام الدراسي اليديد
وانشاء الله يبعدنا و كل الناس عن الأمراض

حبيت أناقش وياكم شو خططكم للدراسة في الثانوية العامة يعني استراتيحية المذاكرة
لأني أنا طبعا في الثاني ثانوي كنت مهمل الدراسة بشكل كبير فحبيت أغير من هالحالة
لأنكم تعرفون ان هالسنة مصيرية
فحبيت أني أشاركم خطتي للمذاكرة و أتمنى من كل واحد يحطي خطته الدراسية بعد لأن في بعض الناس ما تقدر تنضم وقتها فإنشاء الله نفيدهم و نستفيد من خطط بعض

الحين ببدا باسم الله
طبعا أول شي أنا بيكون عندي دفتر صغيروني في الحصص لتسجيل الملاحضات في الصف و الواجبات
و بعد ما تخلص الدراسة اليومية برد البيت تعبان من الدراسة
- أنا أنصح كل واحد يرقد (طبعا بعد الصلاة و الغدا)
- و بعدين قبل صلاة العصر بقوم و بتوضا و بروح المسيد
- و بعد الصلاة بحاول اني اقرا جزء من القرآن انشاء الله
-و بعدين برد البيت و بكل فواكه لأنها وايد مفيدة يعني بيلس بعد الصلاة نص ساعة عسب أصحصح شوي
-و بعدين فترة العصر بمضيها أراجع دروس اليوم وبحل الواجبات
-و فترة المغرب بحضر لباجر
-و بعد صلاة العشا بيكون وقت فاضي يعني فري إذا بغيت أروح مكان ولا تحوطت شوي ولا أني بيلس ع النت أسوي تقارير

هذي خطتي في أيام الأسبوع العادة

و في إجازة الإسبوع
- يوم الخميس براجع دروس الخميس و بحل الواجبات
- و يوم الجمعة برااااااااجع دروس الإسبوع كامل (هذا إذا قدرت) صح انه صعب بس بحاول حتى لو أخطف على الدروس يعني بس أأكد معلوماتي
- و يوم السبت بحضر حق باجر

و هذي خطتي و إلي أنا انتمى أني أمشي عليها
فأتمنا من كل واحد منكم يحطي خطته ولا يضيف على خطتي عسب تستوي خطة زينة
و أتمنى أنا نخلي ايدينا بإيد بعض عسب نطوف هالسنة المصيرية و نرفع راسنا و راس أهلنا و بلادنا
و اسمحولي طولت عليكم في الرمسة شوي

اخوكمalmujhool طالب علمي في الثانوية العااااااااااااااااااامة

ملاحظة: أنا ولد هب بنية بسسسسسسسس لمعلوماتكم

[أنغام الصدف]

شكرا للموضوع ,, فهذا الموضوع فقط لوضع الخطة { غيره سييحذف }

[ALSHABAK]

الصراااحة خطتك جميلة جدا بس أهم شي انك ما تنسى ربك وتعطي ربك حقه من عبادة وصلاة وغيره بس إيااك ثم إيااك ثم إيااك انك اذا كنت تسوي شي في الثانوية العامة وبعدين يوم تييب النسبة العدلة وتتخرج تودر هذي العبادة يعني استغفر الله كأنك تستهزئ بالله والعياذ بالله .. تعبده وقت الحاجة والعياذ بالله ... ولا تنسى تعطي نفسك حقها من الراحة ريح نفسك وريح بالك ولا تضغط على نفسك اكثر من اللزوم وبعدين في النهاية بتمل وبتلعن أم الدراسة ... ع العموووم ربي يوفقك اخووي ويوفقني ويوفق كل شباب المسلمين لما يحبه ويرضااه .. تقبل مرووري ,,,

[غـــــــلاي]

نرجع من المدرسة
نتنظف ونصلي للعصر
عقب نراجع دروس ونحل الواجبات
عقب احضر وانقل من النت
عقب المغرب فترة راحة يعني تقارير عالنت نعدلها والواجبات ..
وبعد صلاة العشا ارجع اذاكر وعقب صلاة العشا ارقد
بس مرات اطول اتم لين 11 عسب مايكفيني الوقت ^_^

هذي يومياتي

وفي الويكند اكثر شي اسوي التقارير وبعد احضر واراجع ..

[جريحة دبي]

مرحبااااااااااااااااا

اشحالكم جميعا؟؟؟؟؟؟؟؟؟؟؟؟
والله خطة اوكي ومن ناحيتي تقريبا نحن نفس الخطة انا انا ماروح المسييييييييييييد هههههههههههه
والله يوفجني ويوفج الجميععععععععععع
وعقبال خطة الجامعة او الكليه قولو اميييين

[عطر ورود]

خطتك نااايس واايد بس انا ما احب انام الظهر واحاااتي وااايد واول ما ارد من المدرسه اذا علي امتحان ابدل وانا اصلي بالمدرسه يعني ع طووول اذاكر بس احلى شي فخطتك انك تذكر ربك اول شي والصراحه ابيك دوم جي مثل ما قالت اختي ان يوم بتخلص لا تهمل عبادتك والله يوفقنااا جميعا امين يارب العالمين

[حمدون الشرياني]

مممممممممممممممممممممممممم
انزين واللي يرد من بعد صلاة العصرشو يسوي لازم يغيروون وقت دواماتنا لانها وااايد تاخرنا عن وقت الدراسة