جامعة الامارات ولا امريكا ابا حد يساعدني

**الـــرمـــيـــثـــي** · 21-04-2009, 03:04 AM

السلااااام عليكم اخواني اعضاء المنتدى الغالين ...

انا طالب في جامعة الامارات العربية المتحدة .. وكنت ابا استلم شهادة يزينها اسم الدولة الله يحفظها ها كان تفكيري لا فكرت في نظامها ولا غيرة .

وللأسف طلع نظامها يرفع الضغط يعني ال UGRO الي هو متطلبات الجامعة وايد ولا كانهم يعترفون بال 12 سنة الي كدينا فيها كد يعني :

3 لفلات انقلش .. والي يحدد اي لفل تدخلة علامت السيبا الله يعلم حد غاش ولا حد ما توفق فية و هو يعرف انقليزي .

لفلين عربي .. يعني كورسين و القهر انك تقدر تخلص المادة مب في 8 شهور تقدر تخلصها كلها في شهر المنهج صغير و ما يحتاي ها المدة كلها .

لفلين IT الي هو تقنية معلومات ..

لفلين رياضيات ..

يعني الواحد لازم يقعد في المتطلبات سنة ونص ها اذا توفق

طبعناً هاذا غير مواد الثقافة يمكن 3 مواد و الله يستر شو بعد

يعني اذا ما يعترفون بالي دراسناه طول عمرانا الواحد ما يتعب عمرة ويايب نسبة ع الفاظي واخر شي الي يايب 85 ييلس في نفس كلاس مع واحد يايب 60 وانتو تعرفون الفرق
روحه ها تحطيم

وانا بصراحة ما بتحمل ها النظام القديم الناس تتطور ونحن ما نطور
جامعات برا يقللون سنوات الدراسة و جامعتنا يطووولون ليش ما يبونا نخلص بسرعة ؟؟

لهاذه الاسباب ابا اقدم ع بعثة خارجية بس ما اعرف وين اقدم لو تساعدوني وتكتبون وين اقدم يزاكم الله خير
والواحد ودة يتعلم في بلاادة بس مع ها العقول و القوانين الي ما تتغير صعبه !!!

و طلبي اني اباكم تكتبولي وين اقدر اقدم وشو الشروط و انا كملت سمسترين في الجامعة هل بيكون سهل اني القا بعثة ولالا

واخر شي السموحة ع الاطالة بس ها من القهر والله ولو في حل ثاني لا تبخلوون علية بة

وما قصرتوا

مع السلااااامة

**ايس كريم** · 21-04-2009, 07:49 PM

وعليكم السلاام ورحمة الله وبركااته ..

يحليلك اخويه ..

بصراحهـ خرعتني .. انا مخططهـ ادرس القانون عندهمـ .. يعني ع السنهـ اليايه ان شا الله ..

يصيـر خيـر ..

الملف الشخصي · 24-04-2009, 08:48 PM

الله يعينكم ويصبركم

**بطرانهـ** · 29-04-2009, 05:39 PM

مساااء الورد و الكادي ،،

اخوي شو نسوي محد سلم من القرارات لا المدارس ولا الجامعات ،،

اخوي تقدر تقدم مكتب البعثات في ابوظبي ،،، ما اذكره عدل بس كتب في قوقل واكيد بيظهرلك المعلومات و الشروط الي يبونها ،، احيد مره طلعلي وبتلقى اكثر عن مكتب ..

و اسمحلي ع القصور ،،