فصل الاول في الجامعه للسنه اولى هل هي ضروريه

[أمورة يسومي]

السلام عليكم ,,,,شخباركم عساككم بخخير بغيت استفسر ,,انا تخرجت العام من ثانويه ويبت نسبه عاليةفوق 97,,وحلمي اكمل دراستي واكون معلمة اللغة الانجليزية,,وانا رحت الجامعه بغيت اسجل قالولي ماشي تسجيل لاسباب خاصة بس يمكن فصل ثاني يسجلوون,,فأنا ما اعرف ياثر فيني ويضيعني ولا...عموما انا من راك وما اعرف غير ثلاث جامعات ..اولها امريكية الي هي مختلطةومستحيل اهلي يخلوووني وحتى رسومها ما اقدر عليها ,,,وثانية هي جامعه اتحادعطوني خصم 50% حق الرسوم هي هالجامعه بغيت اسجل وقالولي الفصل ثاني يعني ايلس اربع شهور اترياهم هاذا لو ما غيروا رايهم,,وجامعه ثالثه هي راك للطب وعلوم الصحية وانا ما ابى لا تمريض ولا طب احسه ما يناسبني ابدا ,,فما اعرف شو اسووي احس عمري خلاص ضيعت جهودي واحلامي كلها راحت ع الفاضي..اما بالنسبة لجامعات خارج راك نفس شي ما اقدر اودر امي وابوي واروح خارج راك,,ما اعرف شو الحل؟؟!!

بليز لو تقدرون تساعدوني ف معلومات لا تبخلووون,,
ولو تعرفون كليات وجامعات ف راك غيرهم بليز ساعدوووني..
وشو تقولون الفصل اول مهم وياثر فيني ولا ؟؟

[الجوهر القاسم]

اختي انا متخرج العام و حاصل على نسبة 99 و ما سجلت فصل اول لا تقولين هالكلام انك تضيعين جهودك ما مشكلة الفصل الثاني ادخلي و بتاخديم مواد نفسها عادي بخصوص الجامعات ما اعرف شي والله من الي طالبتينه

[Shadow ~]

و عليكم السلام اختي

خخخ و انا بعد ما دخلت الفصل الاول ان شاء الله بدخل الفصل الثاني و احس انه احسن في هل الفترة استفيدي من وقتج و ادرسي حق ايلتس او توفل عشان تييبين درجة اعلى
و ثاني شيء مافي فرق بين فصل اول ولا ثاني كلنا سنة اولى ان شاء الله

[خناجر]

اختي دامج محتاره ليش ما تفكرين تسجلين ف كليات التقنيا العليا ف راس الخيمه

انا عن نفسي اشجعج انج تدرسين ف كلية التقنيه اول شي لان التدريس حلو وسهل واهم شي انتي تنظمين وقتج وتخلصين شغلج اول باول وما تاجلين اي شي

وثاني شي الكليه حكوميه يعني مافيها دفع ومصاريف غير المواصلات والاكل ع حسابج

انا ادرس ف كلية التقنيه والحين في سنة التخرج ولله الحمد كل اموري بخير

توكلي على الله دامج تحبين الانجليزي لان الدراسه ف الكليه تعتمد ع الانجليزي بشكل اساسي

ربي يوفقج اختي واذا عندج اي استفسار انا حاضره

سلااااااااام