بسم الله الرحمن الرحيم

اولا شكرا لاصحاب هذا المنتدى الرائع ..

والحمدالله اني حصلت مكان اطلع اللي بخاطري من الحرة

........

الحمدالله اني انا خلصت دراستي في كليات التقنية وكانت 3 سنوات تقريبا ..

بعد ماخلصنا .. امتحنت الايلتس اول مرة ويبت درجة زينة بس هم مايرضون فيها

امتحنت بعدها 4 مرات .. وكل مرة ادفع وانا منقهر من المبلغ لان وضعنا جدا صعب

وسرت معهد ودرست ودفعت 3000 درهم ومانجحت .. والكلية ماتقبل لازم بالايلتس

وبعد للاسف مانجحت ...


انزين الحين انا ابا الحل شو هو ؟

ايلس في البيت ؟

ولا الحل اني اداوم بالثانوية لو هذا الحل جان داومت بها من قبل وفكيت عمري ،كل مكان اقدم يقولون عندك الشهادة ؟ اسكت واسوي طاف لهم لاني اعرف مابيشغلوني بدون شهادة

وانا عاىلة على قد حالها من وين ايب 800 درهم كل مرة ... كفاية اللي دفعته7000 صدق حرام


المهم ابا منكم الحل وتساعدوني .. الله يخليكم