قصيده أهديها لزوجي

[نور الأمه]

قصيده أهديها لزوجي

تأملت في صورة له عندي وهو مبتسم فكتبت هذه القصيده

أتمنى أن تعجبه وتعجب كل من يقرأها

أروح فدوه لها الضحكه ومافيها ..من معاني الحب والعشق وأسراره ..
عندك لباقه وثقافه ومظهر وأجمل مافيها ..وجهآ جميل خافيه أسراره ..
عندك جمال ورونق وضحكه ربي يخليها ..لا تجتمع بالناس لاتصيبك عين حاره أو شراره ..
من قلب حاسد رايح فيها ..اللي يشوفك مو بس يحسد الا حياته تصير جحيم يخليها ..
حبي حياتي لا تلوم قلبي أذا توقف أو عقلي راح فيها ..لأن أبتسامه منك تنهي حياتي وتمحيها ..
أحبك أنا ياراعي البلسم وشافيها ..أذا جروحي زادت فأنت من يعافيها ..
عندك لباقه وتاثير وحضور ونور وضحكه عسى ربي يحميها ..كلك جميل من فوقك الى تحتك ياللي أنته راعيها..
يعجز لساني عن أوصاف نفسك ومحاسنها ..لأنك نور المجالس وسيدها وراعيها أنته محليها ..
ياسعد أرض أنت واقف فيها ..وعسى أحزانك ربي يجليها ..
هذا غير صوتك وحسك وأنفاسك وكل مافيها ..لاتلومني أذا حبيت أنا صوتك أورحت أنا فيها ..
لأن مثلك قليل وكل الأمارات أنته محليها .. يسلم تراب رجلك مشت فيها ..
وتسلم عيون عيونك جت فيها ... أكيد زاد شرفها لأن عيونك رحبت فيها ..
وتسلم أيدآ أيدك سلمت فيها .. لأن أكيد أمثالك يشرفها ويعليها ..
الكل يقوم بأحترام لك ياحظرت معاليها .. لأن أنته ملك والملوك دوووم فوق ربي يخليها ..
ولأن أنته أمير وأكبر من ملوك الأرض ومافيها .. يكفي حنانك لي هذي نعمه من الله أفتخر فيها ..
ويكفي أبتسامه منك تنور هالارض وما فيها.. ياللي أمثالك قليل ونادر فيها ..
خلك كريم حنون وأخلاقك لاتغيرها ..وحافظ على العلم لأنه هو معليها ..
وخلك واثق بنفسك ولا تنزلها ..الى من هو لاهي بدنياه ورايح فيها ..
أسمع نصيحه من تلميذك اللي تعلم منك أخلاقك وعلمك وأسلوبك وصار هو فيها ..
حكيم زمانه وراعي كلمه وحكمه زرعتها فيها .. أحبك وبعلو الصوت أرفعها وأعليها ..
عسى ربي يخليك لأمثالي ودنيتي أنته تحليها .. وآخر كلامي أحبك وأعزك ياللي جمالك وجمال حضورك مسح كل الي في نفسي ومافيها . .
لا تخليني في دروبي وحدي في الظلام أتخبط أنا فيها .. عطني من نورك أنور فيه حياتي ومافيها ..
ياللي نورك ملأ حياتي وصارهو كل شي فيها ..

[نور الأمه]

‫انشودة: أحبك من صميم القلب‬‎ - YouTube

[-♥-]

ما شالله عليكم ربي يحفظكم لبعض و يديم سعادتكم الغلا ،
كلماتج واايد حلوة و طالعة من قلبج ،
نصيحة : لا تبينين حبج لريلج وايد جدام الناس لأن العيون ما ترحم * ،
الله يهنيكم و يفرح قلوبكم و يحفظكم الغالية ،
و لا تحرمينا من ابداعاتج . .

[خبيرة بحوث]

ما شاء عليج يا الشاعرة
طلعتي رومنسية

كل ها تغزل بريلج
الله يسعدكم مع بعض

والله يخليلج ريلج

وخلية يحمد ربة ليل و نهار لان الله اعطاة
جوهرة مثلج

الله يوفقكم

يا رب

[صلاتي راحتي]

لأن مثلك قليل وكل الأمارات أنته محليها .. يسلم تراب رجلك مشت فيها ..

الله يحفظكم ويهنيكم
تسلمين على القصيدة الجزلة فالك البيرق هههههههههههههههههههههههههه