Warning: preg_replace(): The /e modifier is deprecated, use preg_replace_callback instead in ..../includes/class_bbcode.php on line 2958
رسالة إلى الدكتور عبداللطيف الشامسي.

صفحة 1 من 2 12 الأخيرةالأخيرة
النتائج 1 إلى 10 من 16
  1. #1
    مشرف سابق
    تاريخ التسجيل
    Sep 2010
    الدولة
    United Arab Emirates
    المشاركات
    228

    Shk رسالة إلى الدكتور عبداللطيف الشامسي.

    ا

    لسلام عليكم و رحمة الله وبركاته

    بصراحة حاب أتكلم بموضوع و أتمنى الموضوع يوصل للسيد عبداللطيف الشامسي
    مدير معاهد التكنولوجيا التطبيقية في دولة الإمارات العربية المتحدة.

    اليوم تبدأ إمتحانات نصف الفصل الدراسي الثاني
    اليوم كان علينا إمتحان " اللغة الإنجليزية " الإمتحان كان يتضمن:

    Listening
    Reading
    Writing

    مدة الإمتحان كانت ساعة بالضبط لكن مع توزيع الأوراق وووو الخ
    صارت مدة الإمتحان تقريباً 55 دقيقة، خلونا نتعمق في التفاصيل الحين.

    بس قبل كل شي: أنا الحمدلله طالب مب كسلان
    و مب بس أنا اللي أقول هالكلام، كل الطلاب يقولون هالكلام.


    Listening

    كان عبارة عن سؤالين/ سؤال إختياري و سؤال كتابي طيب
    السي-دي لما يشغلونه يحطونه مرة وحدة بس!!!!!!
    قلنا ما عليه بنركز و بنسمع زين، شغلوا السي-دي حاطين واحد يرمس سررررعة!!!!
    كيف بنلقط الكلام إذا هو يرمس كأن حد يركض وراه؟؟؟ يا عالم يا ناااس ترا و الله
    نحن بشر نحن مواطنين إماراتيين، مب مولودين في بريطانيا و لا أمريكا.

    بعدين هذي أول سنه لنا في المعهد راعوا الظروف شوي
    يمكن أنا حليت شوي اللي اعرفه لكن غيري ما حل.


    Reading

    فقرة صفحة و ربع!! المشكلة مب عدد الصفحات و لا الكلمات،
    المشكلة في الوقت ساعة واحدة فقط لا غير. كيف بنقرا الفقرة كاملة و بنجاوب عليها؟؟؟
    لا تنسون إن شي كتابة فقرة بعد، يعني ماشي وقت أبد.


    Writing

    بسبب ضيق الوقت و قصر الوقت،
    و سبب العوامل اللي ذكرتها فوق لم أتمكن من إتمام كتابة الفقرة كاملة كما
    كنت أرغب. و سحبت الورقة منّي!!!



    لا حول و لا قوة إلا بالله العلي العظيم،
    الحين كم تقريباً بييب في الإمتحان؟؟



    يا جماعة ساعة واحدة ما تكفي
    يا جماعة ساعة واحدة ما تكفي
    يا جماعة ساعة واحدة ما تكفي
    التعديل الأخير تم بواسطة حمّود ; 04-04-2011 الساعة 10:27 PM

  2. #2
    عضو فعال الصورة الرمزية !N!
    تاريخ التسجيل
    Feb 2009
    الدولة
    AlAin
    المشاركات
    336

    افتراضي

    بصرااحه اوااافقك يااخوي على الكلام الي تقوووله
    بصرااحه الامتحااان كاان سهل بس المشكله الوقت يعني حرااام عليييهم الوقت ماا يكفي لا حق الــ reading and the writing
    و كااان الـ listening وااايد سرييع يعني ماا لحقنا نكتب الجواااب
    هذا وهو امتحاان english ومالحقنا عيل لو فزكس ولا ماااث ولا كمستري كيف بنلحق
    والله الله يعيينا يعني المفروووض يزيدووون لنا وقت على لااقل

  3. #3
    عضو جديد الصورة الرمزية Bint^Al-IAT
    تاريخ التسجيل
    Mar 2011
    الدولة
    دآر زآيد..
    المشاركات
    82

    افتراضي

    في هاذي صح...

    وفوووق كل هذا... شي صفوووف اخترب عليهم السي دي فما كملووو الامتحان... ونقعوا الاجابات...

    يااااا ريت حق الانجليزي يخلووون يومين ولا يزييييدون الوقت لانا بصراااحه احنا ما امدانا نراااااااجع والبعض الورقه فاضيه...

  4. #4
    مشرف سابق
    تاريخ التسجيل
    Sep 2010
    الدولة
    United Arab Emirates
    المشاركات
    228

    افتراضي

    نفس حالتي بالضّبط، أتمنى الرسالة توصل
    للدكتور عبداللطيف الشامسي

  5. #5
    عضو جديد الصورة الرمزية ss501 + m
    تاريخ التسجيل
    Sep 2010
    الدولة
    وسط الناس
    المشاركات
    13

    افتراضي

    هيه صدج اخوووي ولا بعد تاخذ الورقه بدون استاذن حلوها والله
    والله وليش انشالله امتحان ساعه مب صار عقل ولا تحسبون الوقت مثبت
    شو انتم تستهبلوون على الخلق سااعه والله حررررررررام حررام و ظلم

    تحياتي حمودي الحمادي ..,

  6. #6
    مشرفة IAT الصورة الرمزية Zayed Girl
    تاريخ التسجيل
    Jan 2011
    الدولة
    الامارات
    المشاركات
    564

    افتراضي

    بصرااحه اوااافقك الرأي
    الامتحااان كاان سهل وووااااااااايييد بس المشكله الوقت
    يعني حرااام عليييهم الوقت ماا يكفي لا حق الــ reading and the writing
    و كااان الـ listening وااايد سرييع يعني ماا لحقنا نكتب الجواااب و المشكله انه بارتيين
    و انا كلمت المس و قالت انه اول مره يسوونها و يحطوون 20 سؤال فـ listening
    وغير جيي ما عطووونا ولا دقيقه زياده سحبو الورقه و يقولون انه ما يخصهم والله اتحدااهم يسوونه بدالنا

  7. #7
    عضو جديد
    تاريخ التسجيل
    Jan 2011
    المشاركات
    54

    افتراضي

    للاسف يعني فوق ما الامتحان يكون في اخر الدوام الدراسي ..

    مافي مراعاة من الاخوة المراقبين في المعهد ..

    في سالفة اللسنق .. الكتاب يتكلم وايد سريع .. وفوق ذلك البات الثاني

    الاستاذ لما جانا قبل ما يزعون الاوراق قال لنا اكتبو اخر كلمة من الجملة الي تسمعونها .. مب كمل الجملة حسب الي يقوله في اللسنق ..

    و الطلاب متلخبطين .. جدا .. واليوم لما خبرنا احد الاساتذة عن الاجابة النموذجية قال لنا العكس ما قاله الاستاذ .. وايضا

    حدث انه طلاب عادو لهم ٥ مرات اللسنق بينما احن المراقب ما عطانا وجه و ما طاع يعيد .. والي عاد لهم ٥ مرات .. عاد لهم بامر مدير المعهد !! يعني الادارة مب عادلة ..

    وفـوق جيه ما شي وقت ..

    احنا في القرمرر ما نقول شي ..

    بس الريدنق بعد كان في الصح والغلط او لم يذكرها المعلومة .. وين احنا في امتحان ايلس ولا كيف ..

    يعني يا صح يا غلط .. مافي معلومة لم يذكرها .. الواحد يتلخبط جيه ..

    الشي الثاني .. الرايتنق كان بامكانه يخليه في اليوم الثاني للستدي تايم .. الي الطلاب بالاصل محد يدرس اصلا ..

    لازم يسمونه استهبال تايم .. حرام عليهم بس نحمد الله اذا نجحنا ..

    >.< نوت فير ..

  8. #8
    مشرفة IAT الصورة الرمزية Zayed Girl
    تاريخ التسجيل
    Jan 2011
    الدولة
    الامارات
    المشاركات
    564

    افتراضي

    exactly its not fair at all >.<''

  9. #9
    عضو جديد
    تاريخ التسجيل
    Jan 2011
    المشاركات
    54

    افتراضي

    الحيـن اسبوع مر على الامتحانات , الحمدالله الامتحانات سهلة لحد الآن ,

    بس مافي تنظيم و خبصة >< , مره الصبح نمتحن مره الظهر ,

    بس الآن طلع الظهر احسن , لان الطالب يقدر يراجع قبل الامتحان وهناك وقت, واعتقد الان هذا قرار ايجابي اعادته كالسابق .

    ^.^ .. نقول الاسبوع الاول الامتحانات في متناول الطالب المتوسط و التحت متوسط بعد .. واعتقد تعتمد اكثر الآن على كثرة فهمك للغة الانجليزية ..

    امتحان الانجليزي اكثر عن الكلام الي فوق كتبناه ما راح نزيد ,, الوقت الي يقولون فيه " وقت دراسة ـ ستدي تايم " ياليت يلغونه ويقسمون امتحان الانجليزي فيه ,, يعني السبيكن واللسنق في يوم و الريدنق القرمر ف يوم و الرايتنق في يوم .. او يعني يزيدون الوقت لو ١٠ دقايق بيسون وايد ,,

    +امتحان الفيزياء الحمدالله من الورك شيت الي الاساتذة مطرشينها يات الخيارات .. اتمنى فقط خلال الفترة الياية يعطونا مساحة لنقل الاجوبة للصفحة الامامية >< ,, ماله داعي يعني نقلة الاجابات تاخذ وقت في كل الامتحانات ,,

    + امتحان التربية الاسلامية و اللغة العربية ,, احس ادارة الموقع الي فيه اوراق العمل متعمدين يغيرون السيرفر >< متى الا وقت امتحانات الصف العاشر ,, حركة ما حلوة منهم ,, كان بامكانهم جعله حتى ننتهي من الاختبارات ,,

    الآن نتمنى فقط ان يكون الاسبوع القادم من "الامتحانات" الدسمة بالنسبة للطالب وصعب "عقل " الطالب يهضمها الا بجهد و يحتاج وقت ,, طبعا احنا شاكرين تنفيذ برنامج السبت كل يوم سبت و تراه مفيد بصراحة : ) ,, ^.^ ,,

    * موضوع تغير الوقت " صباحي- الظهيرة "

    الصباحي :

    الايجابية : انك تكون مصحصح وعقلك فارغ ^.^ ..
    السلبية : انك بعد ما تكون اجهدة عقلك تروح وتدرس 8 حصص و توزيع التوقيت سيء جدا ..

    الظهيرة :

    الايجابية : انك مخلص من الدراسة و مراجع مع الاستاذ و مع ربعك و مع نفسك و تحس نفسك فاهم و تقدر تراجع ايضا في البريك قبل الامتحان .
    السلبية : هـي شوي عقلك يكون مشلول >.< ,,

    وسلامتكم هذا ,, فقط ملخص لما في بالي عن الاسبوع كله ,,

    شاكر لكم ’’ اتمنى من اخواني المشرفين حمود او الأعضاء فتح المواضيع كالسابق حتى نتشارك الملفات بحيث حقيقة لدينا ملفات جيدة للمشاركة فيما بيننا

    و ايضا الاخت غلا زايد ملف الملخص وصل لاستاذنا مال الفيزياء و رسله لكل طلابه ,, والكل مستفيد منه مشكوره ..

    وشكرا ..

  10. #10
    عضو جديد الصورة الرمزية Bint^Al-IAT
    تاريخ التسجيل
    Mar 2011
    الدولة
    دآر زآيد..
    المشاركات
    82

    افتراضي

    حمدلله الامتحانات سهله لين احييينه ... بس بالنسبه لنا احنا تاااسع... متنا صياااااح احنا البنااااات على امتحااااان الرياضيات... كاااااان سهل ما عدا آآآآخر صفحتييييين.... وااااااء... تقريبا اليييين احييينه ١٥ درجة طارت من ايدي... ما عرفت احل خررررررفت وفوووق هذا ما شي وقت عشااان نراجع... وكلللللللله منهم... يحسبووونا عبقااااااره.... وااااااااااااااااااء... والقادم الله يستر منه

    اوافق الراااااااي وبشششده... جي يحسوبنا لعبه... كل مره يغيروووون الوقت

    احسن يووووم ردووووه نفس قبل ... بس الله يسامحهم كان لازم يطبقونه قبل امتحاااان الرياضيااااات.... وااااااااااااااااااااااااااااااء

    يبالنا يزيدووون الوقت.... لان ما يواااحينا... والصراااحه هالخباااال تايم... احنا نقعد نلعب... لان الصف حشره والمس مب رايييمه على البنااااات... فشنو يعني الفايده منه؟؟؟!!!!١

    آآآآآآآآآآآآآآميييييييييييييييييين.... بس يا خوفي من القااااادم بس... واحسن شي سووووووووه عشان نراااااجع هو برنامج سوووم السبت وطبعا تغييير موعد الامتحانات

    * موضوع تغير الوقت " صباحي- الظهيرة "

    صباحي... احنا العكككككس... لان الصبح نكوووون مسطليييييين... لان منو غيرنا ينش ٥ وما ير يكمل رقاده بعد ما يصلي

    الظهيرة... ارحم بوااااااااااااايد عن الصباحي... وما بعلق على السلبيات والايجابيات
    التعديل الأخير تم بواسطة Bint^Al-IAT ; 08-04-2011 الساعة 12:56 PM

صفحة 1 من 2 12 الأخيرةالأخيرة

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •