أسئلة عن المعهد
رد مع اقتباس
المشاركة الأصلية كتبت بواسطة -Ashley-
السلام عليكم
أنا صف 8 أفكر أروح المعهد السنة الياية
و متردةة وااااااااااااااااااااااااااايد
في حد يمدحها واايد و في حد يظهر عنها أشياء واايد و أتردد
المهم ببدا بأسئلتي
- الدوام يقولون لين 3 لكل الصفوف يعني تاسع بعد ؟
هي نعم الدوام لين الساعة ثلاث لكل المراحل =) صدقيني بتتعودين عليه لن عندنا بريكين شوي طوال،
يعني البريك في المعهد أطول من المدارس الحكومية، و هذا سبب إنه مخلي الدوام شوي طويل و بين كل حصة خمس دقايق
عشان يكون عندكم وقت تسيرون من مبنى لمبنى ثاني و تجهزون عمركم للحصة الياية.
- الباصات مختلط و لا الأولاد باصات و البنات باصات؟
ما أعتقد مختلط، الأولاد بروحهم و البنات بروحهم =)
- كيف مريول المدرسة و ممكن صور ؟
الأولاد : بنطلون كحلي و قميص رصاصي
البنات : هممم ماعرف و الله =)
- شو هن التخصصات حاليا ؟
العلوم الهندسية - العلوم العامة + الطاقة النووية -
تكنولوجيا المعلومات و الإتصال
الهندسة التطبيقية - الكهرباء + الميكانيك -
العلوم الصحية - للبنات بس -
- التسجيل للسنة الياية متى ؟
13-Feb < يعني اليوم بدا التسجيل =)
- قوانين اللبس شو ؟
هممم ماعرف شو قوانين اللبس عند البنات.
بس نصيحة : إنتي يايه تدرسين يعني مب لازم جحال و هالخرابيط هههه
- قريت في دليل الطلاب 2011 ’ عن طول الشعر ما فهمت كيف هذا ؟
هذا لنا نحن للأولاد مب للبنات =)
- شو المواد للصف التاسع ؟
هممم بتلقينهم موجودين في دليل الطالب صفحة 16
ع العموم صورت لج المواد من الدليل =)
- المس يوم تشرح تتكلم بالعربي و لاe ؟
في البداية بيراعونكم و بيرمسون شوي عربي لكن عقب لازم تتعلمون إنجليزي
فبيرمسون في الإنجليزي " لكن " مب كل المدرسين عرب في منهم أجانب يعني ما يعرفون عربي!!
- نصيحة منكم لي ؟
إذا عندج رغبة في الهندسة.
و أذا عندج رغبة في دخول المعهد.
و إذا شالّه من بالج فكرة الخروج من المعهد.
أنصحج تدخلينه لكن حاولي تذاكرين أول بأول
و إن شاء الله تكونين من المتفوقين =)
- هل الدخول له خص بالنسبة ؟
همممم ما فهمت شو يعني الدخول؟؟
- النسبة فوق كم يقبولن ف المعهد ؟
ماعرف كم بالصبط لكن لو يبتي في إمتحانات القبول فوق 85
يمكن يحطونج في special class مع المتميزين =)
- الدفعات للخارج نسبة كم و فوق ؟
أتوقع فوق 90 أو 85!!
لكن تقدرين تدرسين برع ع حساب شركة/أو ع حسابج يعني إنتي تدفعين و تسافرين تدرسين
- المعهد علمي ولا أدبي ؟
ماشي أدبي و علمي لأن في الصف الحادي عشر بتدخلين التخصص =)
بس تقدرين تقولين شي علمي و شي أدبي.
علمي : العلوم الهندسية ( كيمياء، فيزياء، رياضيات ..الخ )
أدبي : العلوم التطبيقية ( عربي، دين، مواد التخصص ...الخ )
- في حد يقولن صعبببببببب و كتاب 700 صفحة ,, صح !!!
بتواجهكم صعوبة في البداية لكن عقب عادي،
بس أهم شي المراجعة اليوميّة بشكل مستمر.
صحيح كتاب 700صفحة لكن هالكتاب بيلازمج طول فترة الدراسة في المعهد
يعني هالكتاب بيكون لثلاث/أربع سنوات + مب كل الدروس بتاخذونها =)
- في بناية ف زاخر يديدة صح ! متى بتفتح ؟
* ما عندي علم
- أقدر أروح إلي ف الفوعة و بعدين انتقل زاخر ؟
* ما عندي علم
عندي أسئلة أكثر بس جاوبوا ع هاذا أول
مشكورين و أنتظر ردودكم بأسرع ما يمكن
العفو و نتمنى نجوفج معانا في معهد التكنولوجيا التطبيقية
و نترقب بقية الأسئلة ، أتمنى إني أفدتج =)
.jpg "الصورة الرمزية !N!")
