مشكورين و ما قصرتوا و ان شاء الله اذا رحت بذاكر اول باول و اذا ما عرفت شي بسال الاستاذ
و اشكركم مرة ثانية و وايد افدتوني
as your brothers says, listen to the people who are studying at the IAT itself and don't care what others says
Wish you good luck and i really feel happy that i am a student in the IAT and sure that it will help my future, not only in the collage of course but in the English skills and the IT learning , so keep working hard and i really recommend you to be a student of the IAT\
Regards,
Al-HAdarah
مشكورة بس حبيت اعرف اللي تخرجوا من المعهد وين اشتغلوا
لانه اخوي يقول اللي يتخرج من المعهد يروح الجيش
ههههه ^^ حلوة الجيش ..المشاركة الأصلية كتبت بواسطة ولد الكعبي17
لالا اخوي تقدر تدخل اي مكان : ) وتكمل دراستك داخل الدولة او خارجها ..
وللمزيد من هنا ..
انا والله محتار ادش ولا ما دش بس عندي سؤال لخوي (حمود) وخوي او اختي (صعب اختياري) وخواني الاعضاء انا واحد كنت في مدرسه حكوميه وسرت مدرسه قويه فطلبو مني اعيد السنه وعدتها والحين ابا ادش المعهد وانا مواليد 96 وابا ادش صف تاسع اروم ادش ولا لا دخيلكم ابا الرد بسرعه لأني والله محتار
تقريبا هذا كل شي يزاك الله الف خير و ما اقدر ازيد ههههه بصراحه ما خليت شي هههههالسلام عليكم و رحمة الله و بركاته،
مرحبتين فيك أخوي!
في البداية أنا كنت متردد مثلك لكن بالأخير دخلت و الحين
عادي عندي مرتاح و الحمدلله، شوف إنت الحين سجّل ما بتخسر شي
عقب فكر تدخل و لأن يمكن يقولولك عقب خلص التسجيل.
آولاً : أن الشهادة مب معترف فيها هذي إشاعة!
بالعكس الشهادة اللي في المعهد معترف فيها عالمياً إذا تبا بعد،
و تقدر تدخل فيها أي جامعة برع الإمارات.
ثانياً : المعهد سهل و لا صعب!
جوف ياخوي أول شي بتشوفه صعب لكن عقب بتتعود عليه و بيصير سهل
لكن لازم تذاكر أول بأول عشان يسهل عليك أكثر و أكثر.
*بس لازم ما تستهتر و تلعب لازم تجد و تتعب عشان ترتاح بالأخير.
ثالثاً : بخصوص المقابلة و الإمتحانات و القبول
نزلنا من يومين موضوع خاص لكم إنتوا - اللي بيسجلون في المعهد -
إضغط على الصورة اللي تحت و بيحولك للموضوع مباشر
رابعاً : الدراسة تعتمد على الشخص!
بس يعني إنت يوم بترجع البيت أقرى اللي خذتوه و سو هالشي كل يوم
بتسهل عليك الدراسة خاصّه يوم الإمتحانات
*المناهج إنجليزية - ما عدا اللغة اللعربية + التربية الإسلامية -
خامساً : نظام الحصص و البريك.
هممم جوف كل حصّة 45 دقيقة و نظام الجدول كالتالي:
يبدا الدوام 7:30 حصة 1 + 2
بعدين البريك الأول 45 دقيقة
بعدين الحصة 3 + 4 + 5
بعدين البريك الثاني 40 دقيقة
بعدين الحصة 6 + 7 + 8
ينتهي الدوام الساعة 3:00
أتمنى إني أفدتك.
حمّود
في سمعت بحياتك... حد ذكي يته الفرصه لييين ريوله بس قال ما ابغي... اخااااف ومتوتر... اكيييد لا غييير يعني عن الجهله!!!!١
المعهد فرصه ما تتعوووووض... لانه بينفعك احييينه حيث الانجليزي مالك احسن وبتعرف تنظم وقتك اكثر... وفي المستقبل حيييث الوظييفة بتيييك بدووون تعب غييير البعثااات والمنحااااات....
ولا تنسى الفرق بين المعهد والمدراس العاديه... فالمعهد تيييه الدول عشاان يدربون طلابه... والمدرااااس العاديه تذل عمرك ومحد يييك... فيعني ان شهادته مب بس معتمده في الامارات بل في العااالم كلللللللللله!!!!!١
لا تتوتر وتوكل على الله... وما بصييير إلا الخييير باذن الله....
انا سجلت و قدمت اوراقي بس عندي اسئله:
* البنات وين بيداوموون
* امتحان القبول صعب ؟؟؟ يباله دراسة
* و شو بيسالوون بالمقابلة
بليييييييز ردو علي انا بالانتظاار
حموود و الشلة بليييييييز ردو علي
[quote='me [=;1480805']انا سجلت و قدمت اوراقي بس عندي اسئله:
* البنات وين بيداوموون
في العين في بدع بنت السعود وعلى ما اعتقد السنه اليايه في مبنا يديد والله اعلم
وما اعرف بالنيبه لبوظبي
* امتحان القبول صعب ؟؟؟ يباله دراسة
من السنه الماضيه لا والف لا... بس جدي احسن ودرسي النموذج
* و شو بيسالوون بالمقابلة
عن عمرج شوي فيعني مثلا هواياتج وشو تبيين تتخصصين والمهنه ولييش تبين تدشييين... وغيرها
الانجليزي... فقرة اقريها وشوية اسئلة عن الامارات... بس سهل
العربي... كتبي سورة الفاتحة وبعد شوية اسئلة في العربي يعني مثلا شو تحبييين فيه ومنه بيندرج باقي الاسئلة
واذ بغيتي اشي ثاني.. احنا في الخدمه... والسموحه على التاخير والتقصيييير
ضوابط المشاركة
رد مع اقتباس
