مساعده قبل الامتحان

[wf1]

اريد حد يشرحلي كيف اطلع النهايات من الرسم البياني
وحل السؤال الاول الفقره الثانيه مال التبريرات بالتفصيل أسئله النموذج ضروري اليوم

[اعشقكـF]

لو اني اعرف اشررح جان شرت لج فديتج بس للااسف ما اعرف وداشه ادور على حد يساعدني

[wf1]

ان شاء الله نحصل حد يشرح لنا يالغاليه

[شاعر بني كعب]

مساء النور ..

بشرحلج بس ماضمنلج تفهمين .. الموضوع بسيط كل البساطه ..

اول شي اعرفي المحور x من المحور y ..

ثاني شي فرقي بين النهاية والصوره ..

الصوره : امشي من تحت لفوق صوب المحور x .. يعني ابدي من تحت الرسم واتجهي للمحور x حسب القيمه المذكوره . مثلا اذا طلب f(3 >> ابدي من تحت يعني جنج تمشين رأسياً للمحور x . نحصل على الصوره اذا اصطدمنا بشي . سوائا كان خط او نقطه .. طبعاً اذا اصطمتدي بشي جوفي القيمه من المحور y يعني تمشين من تحت لين تصدمين بشي واذا اصطدمتي بأي شي . جوفي القيمه ع يسارج من المحور y .

- في حاله وحد تكون القيمه غير موجوده هي اذا كانت معرفه في جوار ناقص .. يعني تمشين من تحت لفوق للقيمه . وتلقين فجوة .. يعني دائره مفتوحه .. غير مضلله . فهالحاله تكون الصوره غير موجوده .

- اما اذا كانت مثلا الدائره المفتوحه قيمتها عند y=2 وعند y=4 مثلا دائره , جنج اتمرين من الفجوة وتصطدمين بالدائرة الكضللة .


هاي الصورة , ياريت اطبقين عشان تفهمين , لنج لو بس قريتي بتتضللين .

يتبع ..النهايه

[شاعر بني كعب]

اما بخصوص النهايات اذا حبيتي اتيبينها من الرسمه فالموضوع بسيط .. الصوره انج تصطمين بشي بس النهاية يعني انج توصلين للشي .
مثلا لو طلب نهاية نهايه ال3 من جهة اليمين واليسار .. بتمشين مثل ماقلنا للمحور x من تحت لفوق للرقم 3 وتمي امشي وجوفي . اذا لقيتي اي شي وقفي سوائا كانت دائرة, ضلع او دائرة مفتوحه وفقي وجوفي النقطه هاي اتودي يمين اذا اتودي يمين جوفي القيمه الي ع يمينج من الحور y واذا هي نفسها اتودي يسار يعني النهايه موجوده .
مثلا طلب نهايه 3 من الجهتيني يمين ويسار . بتمشين صوب الثلاثه نفترض نهايتها عند 4 , بتمشين صوب الأربعه وبتلقين عند الأربعه نقطه شو ماكانت اهم شي اتودي يمين ويسار .

اما اذا كانت النهايه غير موجوده يعني اليمين لا يساوي اليسار , مثلا اذا مشيتي صوب الـ3 بتلقين عند الـ4 بس يمين , ماشي يسار , هنيه النهايه غير موجوده , مثلا كان اليمين عند 4 واليسار فوقه شوي عند النقطه 5 .

اتمنى اتكونين فهمتي بس حاولي اطبفين .. السموحه ع القصور هالي رمت عليه .
واتمنالج التوفيق والتميز .

لاهنتي ..

[شاعر بني كعب]

هذا نموذج الأمتحان من الوزاره ..
ط±ظٹط§ط¶ظٹط§طھ.pdf

وهذي الإجابات ..
ط§ط¬ظˆط¨ظ‡ ط§ظ„ط±ظٹط§ط¶ظٹط§طھ.pdf

اذا ماقدرتي اتنزلين من ميديا فاير , استعملي المتصفح قوقل كروم او فاير فوكس .

السموحه ع القصور .

[شاعر بني كعب]

هذا نموذج الأمتحان من الوزاره ..
ط±ظٹط§ط¶ظٹط§طھ.pdf

وهذي الإجابات ..
ط§ط¬ظˆط¨ظ‡ ط§ظ„ط±ظٹط§ط¶ظٹط§طھ.pdf

اذا ماقدرتي اتنزلين من ميديا فاير , استعملي المتصفح قوقل كروم او فاير فوكس .

السموحه ع القصور .

[اعشقكـF]

اشكرك اخويييهـ وان شاء الله تكون هي فهمت وانا سايره ادرس سي يوو ^^

[wf1]

يزاك الله خير بحاول اطبق اللي قلته ع الرسم البياني

[wf1]

الامتحان التجريبي أنا نزلته بس مب فاهمه كيف حل السؤال الاول الفقره الثانيه مال قيم x كيف طلعت المشتقه هل من الرسم والا عوض في معادله وشو هي ادري بلعوزكم وياي أنا ادرس منازل ودرست الكتاب بروحي محد شرحلي شي فأحسه صعب