دخلو بلييز , عندي أسئلة وايد السنة الياية أريد أدخل المعهد و متردده

[-Ashley-]

السلام عليكم مينا

حبيت أستفتسر عن المعهد إلي فـ العين
و أنا صف 8 و أريد أروح السنة الياية المعهد

المهم

1- كم معهد خاص بالبنات في العين و المناطق وين ؟
2- كم عدد التخصصات و شو هن و أريد نبذه عنهن ::
3- كيف الدراسة و كم مادة أدرسوا ؟
4- يقولون يعطون لاب و راتب , بس من أي سنة يعني من 9 ولا 10 ولا 11 ؟؟
5- شو لبس البنات ؟ و شو لبس الأولاد ؟
6- شو تنصحوني أدخلها ولا ؟
7- سمعت أن إذا أنتقلت يعني ظهرت من المعهد لازم أعيد السنة , صح ولا ؟
8- كيف نظام المعهد؟
9- سمعتهم يقولوا أن منهج إنجليزي , صح ولا ؟
10- قالولي أن الكتب وايد كبار يعني عادي 200 صفحة فـ كل المواد ؟


و أتمنى أتجاوبوني
^^
و شكرا

[مــلاك الـــرووح]

اقتباس:
المشاركة الأصلية كتبت بواسطة -Ashley-
السلام عليكم مينا

وعلييكم السلام والرحمه


حبيت أستفتسر عن المعهد إلي فـ العين
و أنا صف 8 و أريد أروح السنة الياية المعهد

المهم

1- كم معهد خاص بالبنات في العين و المناطق وين ؟

بس واحد وموجود ف بدع بنت سعوود

2- كم عدد التخصصات و شو هن و أريد نبذه عنهن ::

اليين الحين 4 تخصصات والسنه اليايه بيفجون غيرهن
1-علوم هندسيه
2-هندسه تطبيقيه
3-كمبيوتر
4-علوم صحيه
3- كيف الدراسة و كم مادة أدرسوا ؟

الدراسه حلوه .. ع حسب كل قريد بس قريد 9 و10 يدرسون عربي ودين وفزكس وكمستري وكمبيوتر وماث وانجليزي ويدرسون الفصل الاول مادتين تخصص والفصل الثاني مادتين غيرهم

4- يقولون يعطون لاب و راتب , بس من أي سنة يعني من 9 ولا 10 ولا 11 ؟؟

هيه يعطون لاب ومكافاه

5- شو لبس البنات ؟ و شو لبس الأولاد ؟

البنات تنوره وقميص والاولاد بنطلون وقميص

6- شو تنصحوني أدخلها ولا ؟

هيه دخليه

7- سمعت أن إذا أنتقلت يعني ظهرت من المعهد لازم أعيد السنة , صح ولا ؟

لا مب لازم

8- كيف نظام المعهد؟

ممنوع تخالفيين
وكل ماده تكون ف كلاس ويعطونج لوكر عسب تحطين اغراضج
وفي كلاسات تكون ساعه ونص وكلاسات بس 45 دقيقه
والدوام من 7:30 الين 3
عدنا بريكين
اذا تاخرتي عن الكلاس ايحطونج لييت
يعطونا رياضه وعسكريه


9- سمعتهم يقولوا أن منهج إنجليزي , صح ولا ؟

هييه

10- قالولي أن الكتب وايد كبار يعني عادي 200 صفحة فـ كل المواد ؟

مب كل الكتب ع حسب لانه شئ كتب يكونن حق 3 سنوات


و أتمنى أتجاوبوني
^^
و شكرا


واذا عندج اساله اسالي

[-Ashley-]

مشكوووورة وااايد

الصراحة شجعتيني أدخلها

^^

و عندي سؤال ثاني ::
- الطالبات يدرسوهن أستاذية ولا أبلوات ؟؟

[shawqe]

معلماااااااااااااااااااااات طبعا

[لولي الصغيرة]

دخلي و لا تترددين حتى انا ابا ادخل بس في الشارقة

[مهراه]

السلام عليكم اريدكم اتجاوبون علي اسالتي
كم راتب البنت التي سوف تدخل المعهد ؟
يعطونها لاب توب ولا أي باد ؟
وشو امتحانات اخر السنة ؟
كم مادة ندرسها ؟
في مواصلات ولا لا ؟
اذا رحت المعهد وانا صف التاسع وبيدخلوني اهناكي صف تاسع يعني بعيد السنة ؟
في رحلات ترفيهية ؟
في سكن ولا لا ؟

[مهراه]

اريد جواب بسرعة لو سمحتوا ؟

[مهراه]

انا بنت صف ثامن بروح المعهد السنه الجاية اريدكم اتجاوبن علي اسالتي لو سمحتم ؟؟؟
كم الراتب الشهري للطالبه ؟
في سكن ولا لا؟
كم مادة نمتحن في اخر السنه ؟
في كافتيريا هناك ولا لا؟
يعطونا لاب ولا أي باد ؟
في مواصلات ولا لا؟