صفحة 1 من 7 12346 ... الأخيرةالأخيرة
النتائج 1 إلى 10 من 68

العرض المتطور

  1. #1
    مشرف سابق
    تاريخ التسجيل
    Dec 2007
    الدولة
    الإمارات _ العين
    المشاركات
    1,943

    افتراضي معـــا لبناء جيل الثانوية العامــة ..

    السلام عليــكم و رحمة الله و بركـــاته


    شحـــالكم يا جيل مستقبـــلنا


    ها قد بدا الدراسة


    و بعد شهور معدودةتستلمون شهادة التخــرج ..


    حبيت أعطــيكم نصايح مهمـة لكــــم قبل دخولكم لمضمار الهمة و التحــدي ..


    بس قبل هذا شو همـــتكم هالسنـــة .. عساها عالــية فوق فوق ..


    بداية أحب أقولكم شي ..


    هاي السنة بتطير .. الألعاب ما بتطـــير .. المسلسلات و الأفلام كلها تنعاد و ما بتطير هي بعد .. فلا تلهون عمــركم بأشياء تتندمون عليــــها عقـــب ..


    .
    .


    سأطرح لكم هنـــا عدة خطوات و بعض النقاط المهمــــة



    فقط كونوا بالقرب مع misS Canon

  2. #2
    مشرف سابق
    تاريخ التسجيل
    Dec 2007
    الدولة
    الإمارات _ العين
    المشاركات
    1,943

    افتراضي



    كيـــف أحط هدف أمامي ..!!

    أولا في أهداف كبيرة و أهداف صغيرة .. الهدف الكبير هو اني أنجح و أرفع راس أهلي بنسبة عاليــــة و هي " " ..

    تختلف النسب من شخص لآخر ..

    كيف أختار النسبة اللي أبا أوصلهــــا

    أول شي نطالع نسبتنا في الحادي عشر ..

    مثلا لو كانت 85 أطمح اني أييب 95 ليــش ..!!

    لاني قدهــــا ..



    و الأهداف الصغيرة التي يطمح لها كل فرد هو التميز في دراسته و الحصول على أعلى الدرجات ..

    كيــــــــــف ..!!


    لازم أرتب وقتــي و أحط لي جدول يومــي ..

    و الجدول اليومي مب شرط يكون جدول فيه خطوط و سطور ..

    يكون جدول مبسط بحيث ما أضيع فيه وقتي ..

    مثال كنت أحب أسويه دوووم ..

    ورقة الــA4 .. أقصها 5 أجزاء و كتب في الورقة الأغراض اللي بسويها اليوم و المهم ألونه بالأحمـــر .. و كل ما أخلص مهمة أشطب عليهــــا ..

    و بجــيه نظمت وقتـــي و خلص كل شغلي ..


    أي استفسار أو مساعدة بخصوص هالشــي . حاضرة =)

  3. #3
    مشرف سابق
    تاريخ التسجيل
    Dec 2007
    الدولة
    الإمارات _ العين
    المشاركات
    1,943

    افتراضي

    و تعــرفون بعـــد .. يوم تحطون الهدف الكبير جدامكم ..

    قبل عن تجلدون الكتب .. و في كل دفتر و في طاولة الدراسة اللي في البيت و المدرسة

    تحطون الهدف و لو تكتبون بخط واضح بيشجعكم وآآيد ..

    خاصة الأبلوت أو الأساتذة يوم يقرونها يشجعون الطالب ..



    الهـــدف يوم يكون واضح تقدر تسعى له ..

    ( و انت قــــــدها ]


    .
    .



    لا تلتفت أبـــدا و لا تهتم لأي محبــــط لك ..

    لا تعلـــم قد يجعل حياتــــك جحيـــم بقوله كلمــــة واحدة ..

    انتـــــبه : هام جــــــــــدا

    أي حد يقولك انت ما تقدر تييب هالنسبة .. لا تسمع له فهو محبط ..

    و لازم تقول أنا أقدر و أنا لها ..

    فالانسان قــــــــــادر بعون الله ..




  4. #4
    مشرف سابق
    تاريخ التسجيل
    Dec 2007
    الدولة
    الإمارات _ العين
    المشاركات
    1,943

    افتراضي



    أول ما أوصــل صفــــي أختار المكان المناسب لي ..

    عدال اليدار أو في النـــص ..

    بس إيــــاك أن تختار مكانك عشان صديقي بجواري ..

    لن ينفعـــك أحـــد في هذه السنة غير نفسك ..

    كن أنانيا و لو لثانية


    لا عقــب الكل بياخذ عني فكــرة سيئة و يقولون عني أنانية..

    بس أبا أقولـــج انتي و انت ..

    حد قالك عطيني الواجب بنقله و الواجب انت سهران عليــــه ساعات ..
    و هو ياخذه منك و ينقله .. شو موقفك انت ..!!

    الطيبة ما تنفع أبـــدا .. أونه صديقي حرام ..

    في الحــــصة طول الوقت لعب و سوالف أثناء الشرح ..

    و يوم الامتحــــان ...

  5. #5
    مشرف سابق
    تاريخ التسجيل
    Dec 2007
    الدولة
    الإمارات _ العين
    المشاركات
    1,943

    افتراضي


    في طلاب يعتمدون على شرح المدرس الخصوصي و ما يعطون للحصة أهميـــتها ..

    هذا خـــطأ كبيـــر ..

    لأن الامتحــــان الأستاذ هو اللي يحطه مب المدرس الخصوصي ..

    و في معلومات يقولها الأستاذ خارج الكتـــاب و يحطهــــا في الامتحــــان ..

    فلازم تنبهون لكل كلمة تطلع من الأستـــاذ ..

    .

  6. #6
    مشرف سابق
    تاريخ التسجيل
    Dec 2007
    الدولة
    الإمارات _ العين
    المشاركات
    1,943

    افتراضي



    نعـــم شو تبينا دحيحات نراجع كل يوم .. !!



    آســـفة ما قصدت هالمعنـــى .. قصدي اللي درسته اليوم أراجعه اليوم و أراجع اللي درسته أمـــس .. و كم بياخذ منــك كل مادة أقل عن ساعتين ..
    وقتي من ذهــــب لازم أستغل كل دقيقة



    بـــدل ما أسير و أسولف بالفون ويا فلان و لا ويا علان ..
    أستغل وقتي بمراجعة درس واحد على الأقـــل ..
    عشان ما يتراكم علي دروسي كلها .. و ادرسها في يوم واحد ..
    و عقب أصيح و أقول الأستاذ الفلاني ما يحس فينــــا ..

    لازم نشوف نفسنا و نظم أمورنــــا ..

    [ المراجعــــة أول بأول ]

    و عشان تتشجعون للمراجعة حطو لكم دفتر حلو تراجعون فيه .. و الله بتتحمسون للدراسة ..





    غلــــط ان الواحد يدرس و يدرس و ما ياخذ له بريــــك ..
    كل ساعتين بريك .. و البريك ما يتجاوز النص ساعــــة ..
    ريح لك كل لك سندويشه .. اشرب لك عصير .. ريــــح ..
    و الصلاة بريـــك لك .. و لا تترك الصلاة أبــــــــدا
    و لا تنسى ربك حتى لا ينساك ..

    .
    .

    أشكــركم على المتابعــة ..

    * أي نقطة مب واضحة خبروني .. =)

  7. #7
    مشرف سابق
    تاريخ التسجيل
    Dec 2007
    الدولة
    الإمارات _ العين
    المشاركات
    1,943

    افتراضي


    علــي امتحـــان باجر شو أسوي ..!!

    أول شي لازم ما أخاف .. و لازم أكون واثقة من نفسي .. تراني كنت أراجع كل المواد
    فما بيصعب علي اني أخــــلص مذاكرة الإمتحــــان ..

    بس لازم نتوكــل على الله ..

    .
    .

    كيـــف أذاكـــر ..!!

    أول شي مثل ما قلنـــا قبل نكتب أهم الأشياء اللي لازم ننجزها اليوم .. و بلون الأحمر دويرة على الامتحــــان ..

    انزين أبدا بالامتحان ولا بالمراجعـــة و الواجبات ..!!

    هالشي راجع للشخص نفسه .. اذا حس انه بيخلص مذاكرة الامتحان بسرعة يبدا فيها .. و عقب لازم يذاكــر ..

    و ان ما حس ان يقدر يخلصها .. يتوكل على الله و يبدا حل الواجبات و المراجعــــة ..

    و عنـــد مذاكرة الامتحان حلو ان الواحد يجزأ المذاكرة و يقول بعد ما أخلص هالكمية بختبر عمري ..

    و يحط له ورقة بالأشياء اللي لازم يخلصها من جزئية الامتحان .. و يشطب و يشطب و هو كله أمل انه بيخــلص =) ..




    * لا تلعــب أوقات مذاكرة الامتحــــان ..

    انتــبه انك تضيع وقتك بإنك تدرس مع الأصدقاء .. ليــــش ..!!

    لأنكم ما بتدرسون كله بتتكلمون .. ان كنتوا من النوع اللي يحب يدرس و يا الربع ..

    لازم تخلص مذاكرة بروحــك عقب تروح تراجع عندهم ..

    لاكـــن تعتمد عليهــــم لا ..

  8. #8
    مشرف سابق
    تاريخ التسجيل
    Dec 2007
    الدولة
    الإمارات _ العين
    المشاركات
    1,943

    افتراضي



    قــــول الامتحـــان سهل و واضح ...
    و ان شاء الله أييب علامة كاملـــة و ما في شي اسمه مستحيـــل أبـــــــــدا ..
    و أنــــــا قدهـــا بإذن الله ..

    ولا تنسى الأذكــار لأن ربي هو معينك الوحيــــد ..

    .
    .

    ابتعـــد عن الغـــش



    ( من غشنا فليس منــــا )

    الحين اعتمادك بيكون على الغش .. أوك شو اللي ضمنك ان المراقب ما يشوفـــك ..
    و ربي لا يخفى عنه شيء ..

    .
    .



  9. #9
    مشرف سابق
    تاريخ التسجيل
    Dec 2007
    الدولة
    الإمارات _ العين
    المشاركات
    1,943

    افتراضي



    احنــا ثانويــــة عامــة.. و لكــل مادة مشروع ..!!

    شو أسوي في المادة الفلانــية .. !!

    أختار منو وياي لازم نكون 4 بس ..!!

    أول يوم دراسي .. لازم أستغل الوقــــت يدش الأستاذ أسأله شو تبى من دفاتر ..
    شو من مشاريع تبا ..
    لازم آخذ لي جولة بسيـــطة في كل كتاب ..

    أحجز لي مشروع من أول يوم .. أختار القرووب اللي بكون وياهم ..

    ليش كل ها ..

    .
    .

    أنا أقولكم ليش ..


    أول يوم بكون فاضي ما ناخذ دروس دسمة .. فبحط الخطة الأولــية للمشاريع كلها ..

    و بحاول أسلمها قبل الموعد بأسبوع عشان أعدل لو كان غلط .. و بضمن الــ 20 ..

    ^

    نصيحـــة من مجـــرب =)

  10. #10
    عضو جديد
    تاريخ التسجيل
    Mar 2010
    المشاركات
    1

    افتراضي

    شكرا جزيلا على هذه النصائح الروعة و المفيدة

صفحة 1 من 7 12346 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •