-
بحق مديري ... هذا الخطأ .. ليس خطأ.. وزارة التربية و التعليم " الاتحادية " ..
بل خطأ .. مجالس التعليم و المناطق التعليمية .. التي تحولت من " الاتحادية " الى " المحلية " ..
حيث خالفت اهم بند من بنود الدستور و الا وهيه ...
التعليم شأن اتحادي كشأن الصحة و الثقافة و التنمية و الامن و الامان ..
: ) .. لا تتفاجا .. عندما تجد طالبا في ابوظبي ..
يحمل 30 كتاب .. بين كتاب محلي من مجلس ابوظبي للتعليم .. و بين وزارة التربية و التعليم .. وبين كتب اجنبية من الخارج للمدارس الخاصة .. والنموذجية ..
: ) التخبط هنا .. يأتي بان ينقل امر التعليم بجد .. الى اصحاب القرار الاول و الاخيـر ..
لا ان يكون هناك مجلس وطني .. دوره مقترحات .. ولا وزارة .. ياتي وزير ويفرض نظامه .. ويخرج .. وياتى غيره ويفرض نظامه ..
الصحيح ...
ان نكون في عام 2021 .. وهذا الرقم مطبوع على كتبنا الدراسيـة ..
باذن الله .. تكون في " رقاقة " وليس سيدي ...
يحملها الطالب في جيبه .. ومع جهازه المحمول..
يتلقى تعليم الكتروني 5 نجوم ..
: ) .. بدل من تعليم تقليدي بدني .. " 17 كتابة .. ولا صالة رفع اثقال الحديد .. ..
-
عضو جديد
الله يعينا و يعين اليهال الصغار
أنا بس هاذي السنة و اللي بعدها و بروح الجامعة
بس الجيل الجديد الله يعينهم .. كل يوم راجعين البيت ما يقدرون يوصلون الشنطة للغرفة
وحليلهم يفرونها عند المدخل !!
أما عن نظام الثلاث فصول .. له سلبيات و إيجابيات
الإيجابيات : ريحونا للإمتحانات و قسموا المنهج
السلبيات : الوقت صار أضيق و الكل مستعجل
بعض الأمور لم توضح بعد .. و تساؤلات كثيرة ما من مجيب
التقارير و البحوث و المشاريع .. لا أعلم إن كنا سنقوم بعملها مرتين كالسابق
أم 3 مرات لأنها 3 فصول .. و هذا سيهلكنا !!
كان الله في عوننا .. و نتمنى من الوزارة التفكير و دراسة الموضوع قبل فوات الأوان
(^_^)
-
عضو جديد
-
عضو جديد
معاك حق
بسم الله الرحمن الرحيم
بصراحة معاك حق مديرنا.
اليوم بصراحة وزارة التربية تعيش في حالة تخبط حقيقي, لأنهم أصبحو كل سنة يطبقو قرار جديد , وكل قرار يكون أسوأ من الثاني , وكأننا -أعزكم الله - فئران تجارب.
-
عضو جديد
أنا صرااحه *عندي حلوووو 3 فصول
بس أنا مضايج لاني الحين ما اقدر أطلع مع العيال
لان الكتب كثيره واااايد
ويمكن بعد يومين تييني حاله نفسيه
اه لو يرحمونا الوزااره
يخففون علينا من الكتب ويرحمونا شوي
-
عضو جديد
طبعا * أنا أختار الخيار الثاني
نرجو من منطقة وزارة التربية والتعليم
التسهيل علينا بتقليل الكتب
(الله أمر رسولنا بخمسين صلاة في اليوم الواحد فخففها الى خمس صلوات )
-
عضو جديد
السللام عليكم ..
اول شي .. من فتره قامت تحدث تخبطات في القوانين .. الاخيره للوزاره ..
فـ اول شي .. الوزاره اهتمت بـ الجانب التعليمي ولم تهتم بتاتا بـ الجانب النفسي .. ؟
طبعا اغلبيتنا يشوفون افلام اجنبيه .. ويشوفون كيف الفرق من حيث الاكل او الفصول او المرافق ..
نحن ناكل _( فلافل و عصير ) ؟ كل يووم نفس الاكل الواحد تلوع جبده . اما برع كل يوم شي ..
نحن ماعدنا ملاعب ولو كانت عدنا تكون من تراب ؟ وبرع حشيش وغرف وماعرف شو ؟
نحن الفصحه 20 دقيقه ؟ وندرس حوالي 6 ساعات او 5 ؟
هل الـ 20 دقيقه كافيه ؟ لتوفير الراحه والخروج من جو الحصه ؟
لو نحسبها .. 10 دققايق في المقصف تتريا الدور .. ~ و الـ 10 الثانيه يادوب تقدر اتسوي فيهن شي ...
* طول اليوم الدراسي .. نحن الحين بغيرون النظام لين ( 15 / 2 ) يعني يادوب نتغدى ونسبح ونريح .. ؟
ومتى بنرقد ؟ و العصر لازم نطلع شويه نخوز الضيجه الي في خاطرنا ؟
يعني الوقت ضيق الصراحه .. ومثل مامعروف ( خير الكلام ماقل ودل ) ؟
ليش 17 كتاب .. ليش مايكونون الـ 5 كتب شاملين ها كله ؟؟
يعني ظلم الصراحه .. والله لو ما الوالده ماتصر على اكمال الدراسه ؟ انا طالع ..
يعني الواحد قام يملل .. وماله خاطر يدرس ..
واي تطور ها ..
والله لو نرمس من اليووم لين عقب 50 سنه .. محد بيرد علينا ولا بيسوون شي . ؟
والله فووق .. يعني حرام الي يستوي ؟
-
عضو جديد
السلام عليكم
بدخل بموضوع
الوزاره شو بتسويبنا هااا ؟؟
افففف والي يقهر كاتبين ف الكتب ( نريد ان نكون من افضل الدول 2021)
اقول انا اتحدى الوزاره اذا صرنا انزين
قبل لا تساعدونا تزيدونا هم ؟؟
لكن الله فوق
والله ما عرفنا شو نسوي جبتلنا اجانب وما جلنا شي وخلتونا 3 فضل وبعد سكتنا وما جلنا شي
عن ابوه انتوا ما تحسون بس يتشاورن على كيفهم ويطولنا قوانين الله العالم فيها احنا هب ف امريكا يا اخي ارحمونا( ارحمو من ف الارض يرحمكم من ف السماء)
وكل يوم شي وكل سنه شي ولا بعد مخلينا انداؤم حتى الكتب مب موجوده ولا توزيع الدرجات ولا اي شي عيل ليش مخلينا انداؤم هاااا؟؟
والله اخر شي محد راح يدرس كل واحدة و واحد ف بيته احسه والسجن اهون دؤام لين الساعه 3 شو بنسوي لما ترجع البيت احسن نرجد ونتغداء ف المدرسه وما نشوف اهلنا الا يوم الجمعه
(((( حسبي الله ونعمل وكيل فيكم)))
-
عضو جديد
على القل خذوا راينا وييييييييييييييييييييييييييييييييييييييييييييييييي ييييييييييييييييييييع شكثر اكره المدرسه والمجلس وكل شي له خص بمدرسه
انا زين اشوف اهلي ف اليوم من الساعه 6 واحنا ناشين والين الساعه3 العصر حتى العمال مب جيه محسسينا احنا شي لعب شي بايخاقول احسبوا كم بنت وكم ولد ترك المدرسه احسبوا بس فالحين يحطون قوانين مثل ويهم
واحنا يا ساتر ع مدرستنا لا اكلا ولا شي بس عصير بس وشو بعد مانعين الاكل الي نجيبه من البيت ناوين يجتلونا وصارت مهنت التدريس مهنه كررررررررررررررررررررررررررررررررررررررريهه
-
عضو جديد
السلام عليكم ..
صددددقت يا مديرنا فـ كل كلمة قلتها ..
بالعقققل نحن شكثر نتحمل ؟! انتقلنا من تاسع لـ عاشر وانصدمنا
نتم فـ المدرسة لييين الساعة 3 وربع .. نرد البيت عقب صلاة العصر !!!
نتم فـ المدرسة اكثر عن 8 ساعاات .. شو نسوي هالكثر !؟
لا دروس نقدر نستوعبها ,, الدرووس اصلا تسد النفس
مافي شي يساعد الطالب على انه يتنشط و يدرس بحيوية و تركيز
ولا كتاب الرياضيات اللي مااخذ نص الشنطة ,, احتمال الكتاب بروحه ايي 5 كيلو تقريبا
صرت ماقدر اخذه البيت ,, واخليه في الصف .. مع انه مب من عواايدي
وانا يوم قريت شعار المجلس , الشعااار غلط بكبرررررره ( التعليم اولا )
وين راحت التربية ؟! ليش التعليم صار قبل التربية !؟
والنظام اليديد اللي صدق ماخذينه من الغرب , نظام مطبقينه بس على امارة ابوظبي
واللي هو نظام العسكريه .. ان البنات لااازم ياخذون ساعتين في الاسبوع عسكريه
استوينا مثل الاولاد ,, هم يبون يقضون ع ظاهرة البويات ولا يزيدون ؟!!
تساؤلات و شكاوي احببت ان اطرحها لالقى منكم اراء و حلول
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى