كيف أعلمها الإملاء

[آمــآني الخير]

السلام عليكم ورحمة الله وبركاته
اشحالكم عسآكم طيبين ،،

بصرآحة أنا عندي مشكلة مع أختي اللي في الصف الرابع للحين ما تعرف تميز بين المدود والحركات في الاملاء
وأنا كوني خلصت هالسنة الثانوية تفرغت لها ومن جد أنا واااايد عصبية وأدري العصبية ما تيب نتيجة وأحاول أني أشرح لها الفرق بين المد الطويل والمد القصير ومع ذلك ما تستوعب ،،
فأنا ودي أعرف منكم شو الطريقة الصحيحة لتعليمها الإملاء ،،، تكفووون ردوا علي

[رؤية الامارات]

ضربيها
العيد ماب كل يوم

[عيون اليتم]

السلام عليكم ورحمة الله وبركاته

العصبية والضرب مابيسوون شي ..

اختي بالهداوه ,,

دوري على اوراق عمل او بوربوينت فيهن امثله

او انتي بروحج سويلها اوراق عمل وبوربوينت وحطي في اخر كل صفحه صورة دبدوب "صوره حلوه"

وحبيبيها فالاملاء ,,

اوعديها بعد ماتعرف الفرق انج تعطييمها هديه بسيطه + حلويات او شي تحبها هي ..

وشوي شوي ,, اذ اليوم مااستوعبت مع الايام بتستوعب

جربي الطريقة اللي عطيتج ياها وان شاء الله خير

[بنت راك19]

حمسيها بشي تحبه

اشتريلها شيء بخاطرها

قوليلها اذا يبتي الدرجه حلوه بظهرج مكان انا جي اسوي حق اخويه والحمدلله درجاته توب

[ام سهيله]

كنت بحط نفس الموضوع يزاج الله خير

[الغاء الامر]

الشترين لهااا الي بخاطارهااا

[آمــآني الخير]

يزاكم الله خير ما قصرتوا تسلموووووووون

[*_*]

عليمها مل يوم مهارة مره المدود مره التنوين مره الهمزه ومره الاشباع الحركة وكل مهارة تكون لها قطعة إملائيه وقبل لا تملينها اعطيها فرصه تشوف القطعة وتكتبها جدام عينها وبعد مرور ساعه تقريبا مليها ايها شوف شو الاخطاء واذا ما في اخطاء عززيها أعطيها أي شيء حلاوه قلم مذكره تعطينها تلعب شوي ع الكمبيوتر المهم يكون تعزيز وأنتي تشرفين ع القطعة الاملائية وتقوليلها انها اليوم متحسنه أو لا,,

هاي أفضل طريقة

[لغتي سرهويتي]

مراحب

بالهداوة كل شي يصير


ابدي وياها من البداية وحاولي توضحي لها القاعدة

خليها تقرى قصص كثيرة ومن القصص خليها تستخرج لج كلمات بها مدود

ومع التشجيع باذن الله راح تتميز