بخصوص النظام بو 3 فصول

[الاعدام تيم]

السلام عليكم

شحالكم


ياجماعه الخير انا لين يومكم هذا مب فاهم شو سالفه هالنظام

الي عرفته انه بنمتحن 3 مرات !!!

يعني انا مثلا ادبي تقريبا عندي 11 كتاب يعني بيقسمون الكتب وبنمتحنهن 3 مرات ؟؟؟؟


عقب شفت انه الامتحانات 5 ايام !! انزين انا عندي 11 ماده يعني بختار المواد ولا شو السالفه
..؟؟


وبالنسبه للعلمي عندهم 8 مواد شو بيمتحنون كل يوم ماده ونص ولا شو السالفه ؟؟ههههه


انا بالنسبه لي ثانويه عامه يا انه نبيض الويه ونيب النسبه الي ترفع الراس ولا نخربها وندمرها على اخر سنه هههههه

لانه الصراحه هالقرار في غموض ومب مفهوم ومب عارفين هل لمصلحه الطلاب ولا بيزيد التعب عليهم



واسميهم الجماعه دعوا لك يا القطامي بالخير هههههههه

[بوحارب]

مي 2 ما اعرف شسالفه
الله يهديهم بس كل يوم و الثاني مظهرين قرااار يديد
><
يـآآريت اتنقصون من المواااد و نفتك

[мя.мjя007]

انا الي فهمته انهم هم بيختارون المواد الي بنمتحن فيها

[الاعدام تيم]

ههههههههههه والله شي طيب هم يختارون شو عكيفهم ؟؟

انا الصراحه احتج واقول حق القطامي لاتحاول تثبت نجاحك على حساب الطلبه وتغيير النظام الي من 20 سنه ماشيين عليه

ياجماعه مب حاله هاي ذلونا ذل ع الدراسه حشى مايسوى علينا

انا اقول لو يبندون المدارس ونيلس فبيوتنا عايشين مرتاحين ههههه لابارك الله في شهاده تيي بـ هالطريقه

[RAUL.gago]

شكلنا راسبين اخوي

[حلو نعيش المسؤولية]

انزين عندي سؤال المشكلة نحن البنات نبي نعرف ردوا دوام ساعات قبلي ولا شو السالفة لاني انا ما اروم اداوم الين الساعة 3و نصف يانا يلغون ساعات دوام
وخاصة انا الحين في الثانوية العامة بيكون تعب علي

[بنت قراط]

انا مب فاهمه السالفه انا بصف ثاني ثنوي ادبي ان شاء الله
ما اعرف جم ماده عندي؟؟؟؟؟؟؟؟؟ ليش كل مره يطلعو قرارات يديده والله حرام عليهم
لازم يتعبونا الله يعيييين اللي بيكونو ن
ب ثنويه عامه ؟؟؟؟؟؟؟؟؟؟؟؟؟؟؟؟؟؟؟؟؟

[مشرق المحبة]

السلام عليكم و الرحمة ...

خلوها على الله يا ناس .... و توكلو عليه .... لانه لا إله إلا سواه ....
و أوصيكم دوماً بأن تذكرو الله .... ((( الا بذكر الله تطمئن القلوب ))) ....

[خوورفكأنيـ]

ههههههه ياجماعه الخير ليش مسوينها قضيه

الامتحانات العلمي 8 مواد بيمتحنون 3 ايام مادتين و يومين على ماده ماده

وبعدين الي مستهتر يقول ظلم العلمي يوم واحد امتحان والادبي يوم امتحانين

شوف الرياضيات الي بالعلمي

يسوى نص كتب الادبي هههههه

والنظام وايد اسهل واحلى

واصلا الفصل الاول بيكون اقل من الفصل الاول الي كان السنه الي طافت

يعني بنذاكر كميه اقل

فكرو شوي مب تسمعون 3 وتقولون اصعب

وبالتوفيق لنا

وانا هالسنه ثنوية عامه وعلمي

[معلمة الفجيرة]

الدراسه بتكون خفيفه