لللاستفســـــــــــــارات فقط المتعلقة بجامعة خليفة!!

[M-Royz]

السلام عليكم ورحمة الله وبركاته



التسجيل بعده مفتوح والا لا؟
لاني اليوم دخلت على موقعهم وحطيت بياناتي

اذا التسجيل بعده مفتوح متى بيطرشون لي القبول

وبارك الله فيكم

[マジド]

سكن الاولاد .. يكون بعيد شوي عن الجامعة ... خمس دقايق فالسيارة و توصل ... و الغرفة يتشارك فيها طالبين

بالتوفيق

[Roo7 algala]

السلام عليكم ورحمة الله وبركاته ..

بداية كل التوفيق للطلبة الجدد في جامعة خليفة للعلوم والبحوث والتكنولوجيا ..

أنا طالبة من طالبات الجامعة ..

وإذا بغيتوا أي استفسار أنا جاهزة وبالخدمة

سواء عن الدراسة أو وضع الجامعة أو السكن .. لفرع أبوظبي ..

بس ياغير حطوا استفساراتكم هنيه .. عسب أرد عليكم الرد الكافي والوافي ..

لأنه المنتدى بطيئ عندي .. ويعلق ..

فما أقدر أحدر المواضيع الثانية ..

والسمووحة

وموفجين يارب ..

ولا تحاتون السنة الياية أكثر من 300 طالب وطالبة يدد في الجامعة

يعني اللي ما ردوا عليه بالقبول

اصبروا الصبر زين ..

والسموووحة

وأنا جاهزة بالخدمة ..

[khatir]

متى بيردوا علينا بالقبول

[مبهرة]

هلا ياجماه انا سويت المقابله فهل يعني ذلك انني مقبوله واذا انقبلت تنصحوني بهالجامعه لاني وافده ومافي سكن للوافدين وصعبة ادفع عشرة الاف كل سيمستر هذا غير المواصلات انا جمعتها كلها وطلعت 19 الف كل كورس وانا ماقدر عليها ومعلوماتي عن السكن اكيده من الجامعه خبروني يعني السكن ياثر على تحصيلي ولالا وبعدين يقولون انها قوويه هالجامعه وصعبه لدرجه خياليه صح هالكلام ولالا

[السكون]

أنا الحمد لله انقبلت فالجامعه ..~

بس حبيت أستفسر بخصوص السكن ..~

قالوليه فخليفه أ صدق و لا .؟

و كيف بيكون نظامه و شو هي قوانينه ..ْ~!!

[The State 0f paRadise]

رحم الله والديكم .. اسئلتكم تتكرر وما نقدر نجاوب عليكم نفس الاسئله والاجوبه المتكرره .. فلذلك سامحوني ..

بالنسبه للتسجيل والقبول راجعوا موقع الجامعه اذا ما شفتوا موجود يعني التسجيل انتهى .. اما القبول فعليكم الصبر الى الاتصال بكم فاذا كان من نصبيكم فلك الحمد والشكر يارب .. وان كان لا ... الله سبحانه وتعالى موجود ويعوضكم ان شاء الله ..

تفائلوا بالخير تجدوه الله يرحم والديكم ...

اتركوا عنكم الاسئله المتكرره فلا يوجد اشخاص كثر للاجابه عليكم بنفس الوقت ربي يعافيكم

بالنسبه للسكن ~~ بفرع ابوظبي فقط وللطلاب من هم خارج مدينه ابوظبي ... ان لم تقدم على السكن فسارع من الان الذهاب الى الحرم الجامعي في ابوظبي ..ليس حرم جامعه خليفه للدراسه بل المجانب له .. اي الحرم الذي بجنب النافوره الملاصق بصورة الشيخ خليفه بن زايد ..

وكل عام وانتم بالف خير ~~

[حبر الفلسفة]

هل ممكن انه المقاعد امتلأت ؟؟!انا امتحنت وخلصت المقابلة من قبل، في تاريخ 7/6 واتصلت لهم وقالولي مبروك انت مقبول وتعال الاسبوع الجاي علشان الفحص الطبي رحت لكن قالت لي المشرفة هنالك انه بعدني ما انقبلت لان درجة امتحان الرياضيات حق القبول نازلة وقالت انتظر أسبوعين ...اتصلت لهم الثلاثاء اللي طاف وقالت لي انهم اتصلوا لكل المقبولين وانتظر بعد اسبوع ..!شوو آااخرتها !!؟؟؟ لو تقدر تفيدنا الغالي عن إذا الجامعة خلص القبول عندهم او لأ ... لأنه شكله القبول منتهي عندهم لكثرة اللي قدموا هالسنة .. ماشاء الله ..

[The State 0f paRadise]

هلا بيك اخوي يالغالي ..

فديتك والله لا تحاتي خلاص ان شاء الله تكون من المقبولين .. بس خبرني في المقابله شو قالوا لك بالنسبه لدرجه الرياضيات .. واحتمال يكون عطيتهم رقم arn غلط خوي !!

مستحيل بتقولك مبروك انت مقبول في الجامعه ويوم تروح كشخصيا تقولك لا بعده انتظر بعد سبوعين .. المفروض ما تقولهم بترياا .. المفروض تضغط عليهم ..

ياريت خوك تفيدني برقم arn مالك وانا اشوف لك الموضوع وارد عليك ان شاء الله وما يصير خاطرك الا طيب ..

والله كريم ان شاء الله ونحن اللي نقدر عليه بنسويه والله كريم ..

لا تحاتي خووك هب بس جامعه خليفه في الدوله .. الخير موجود والحمدلله يقبلونك فديتك ان شاء الله بحق هذا الشهر الفضيل ..

تحياتي لك ..

[حبر الفلسفة]

تسلم لي الغالي ... انا بعد محتار كيف شذي ..!؟رقم الarn مالي : 1111866وانتظر منك الخبر الحلو ان شاء الله ...xولاحظت شي الغالي ان الجامعة ماتتصل في حد ..! نحن اللي نتصل .!هاللشي صار لربيعي بعد اللي انقبل الحمد لله .. ما اتصلوا له ، هو اتصل لهم وخبروه انه مقبول ..!!x