أفــيدونــي

[اووكي]

انا طالبه مستجده في جامعه الامارات

عندي بعض الاستفساارات عن طريقه الالتحاق بالجاامعه

انا و لله الحمد انقبلت في الجامعه ،، بس ما عرف شسوي

يعني للحين محد اتصلي من الجامعه و الدوام راح يبدا بعد شهر و نص

للعلم انا خضعت للفحص الطبي

~
~
~

~ عندي جم سؤااال ~

1- شو اللي المفروض اسويه الحين يعني هل اصبر لين ما يوصلني مسج او اتصاال ولا اروح لهم ؟؟

2- هل اخضع لامتحان كمبيووتر او انجلش او غيره قبل بدايه الدواام ؟؟

بالاخير اتمنى من اللي يعرف رقم الجامعه يحطه بالرد

[المياسة]

السلام عليكم ورحمة الله وبركــاته



قصدج جامعة الإمارات؟
إذا هيه ومثل ما قلتي خبروج انج مقبولة
فخلاص ما تسوين شي كل اللي كان عليج تسوينه إنج تعبين الطلب وتسوين الفحص
والباجي ترتبه الجامعة، قريب الدوام بيخبروكم عن مواقع تجمع الباصات "بمسج
وبينزلوا بالجريدة"، وإذا يبون أي شي بيطرجوا مسجات.

فأسبوع استقبال الجدد "13-16 /9" بتكون عندكم امتحانات تحديد مستوى للعربي والآي تي ..

ها رقم الـجامعة .. Tel: +9713-7555-557



بحفظـ الرحمن،

[اووكي]

يعطييييج الف عاااافيه اختي ما تقصرين ابد

بس انتي قلتي نعبي الطلب

قصدج الطلب اللي [ بموقع الناابو ] و لا في غيره بعد ؟؟

مشكوووره مره ثاانيه

[المياسة]

اقتباس:
المشاركة الأصلية كتبت بواسطة اووكي
يعطييييج الف عاااافيه اختي ما تقصرين ابد

بس انتي قلتي نعبي الطلب

قصدج الطلب اللي [ بموقع الناابو ] و لا في غيره بعد ؟؟

مشكوووره مره ثاانيه



الله يعافيج من كل شر ^^ ،
هيه، هو نفسه .. يعني خلاص ماعليج إلا انج تتهنين بإجازتج أحينه
..

[اووكي]

مشكووووره اختي ميااسه و ما تقصرين يالطيبه

ريحتيني انا عباالي في اشياء نسويها غير هالسواالف

لان بنات التقنيه كلهم متلعوزين و كل يوم رايحين لهم

انزين عندي بعد سؤال بخصوص اجهزه اللابتوب

الجامعه هي اللي تبيعنا و لا نحن نشتريه بنفسنا ؟؟

و السموووحه منج اذا تعبتج

[المياسة]

^^

الـ LapTop؟ .. اللي يريحج سويــه!

إذا تبين تشترين لابج من الجامعة، أظن بيطرجولكم إيميل عبداية الكورس فيه المعلومات

وإذا حابة تاخذي اللاب بروحج بعد عــادي،
الفرق الوحيد هو إذا احتجتي برامج الجامعة ما بتسويلج لازم تنزليها
من النت أو تشتريها من برع وهالشي مقدور عليه "تقريبا!" إذا انتي
شاطرة بهالسوالف ..

تعبج راحة حبوبة

..

[اووكي]

الله يعطيج العاافيه و الله انا ودي آخذلي من واحد من الجامعه

بس سعره غاالي يعني بـ 5000 اقدر اشتري جهازين لوووول

مشكووره و ما اتقصرين

[الكنونو]

صح كلامج بــ 5000 نقدر نشتري جهاازيين وغير جيه انا ماخذتنه من الجامعه وصراااحة ميييييييييييييح مافيه اي مميزاات بالعكس لاب بــ 2000 من برى الجامعة بتحصلي فيه أشياااء لمس غير المااوس طبعااا أما مال الجامعة مافيه شي ومايستاااهل السعر و ع فكره انا اربيعتي انكسرت شاشتها وبعده الضمااان ماخلص والله العظيم راااحت صلحته في الجامعة بــ 700 فوووق سعره الأصلي اللي هو 5126 هذا سعره بالضبط قالت لهم الضماان بعده قااالو نحن مايخصنا في الكسر عيل بشووه يخصهم؟؟؟؟ونصيحتي خذي من برى وغذا ع البرااامج تدبر ولا تحااااتي النت مايقصر
والسموووحه ع الإطااالة