رد مع اقتباسوعليكم السلام ورحمة الله وبركاته
ممممم افكر في هالتخصص ..
لو ممكن تكلمنا اخووي عنه شوي .. يعني شو درستوا فيه وتعلمتوا ؟
وعلى شو يعتمد
تفــضلوا ،، لأي مســاعدة
السلام عليكم ورحمه الله وبركاته
انا اخوكم هلال البارق
مهندس Biomedical
تخرجت بكلاريوس هالسنه والحمدلله
والحين بحضـر ماجستير في ماليزيا ان شالله
اللي دخل بهالتخصص ويريد مساعدة
انا حــاضر
يا عبر هالقسم وبيكون لي مرور كبير فيه
او عبر الايميل .. طبــعا بعد إذن الاداره ،، ويمكن أخذ ايميلي من الاداره
..
بالتوفيق للجميع
وعليكم السلام ورحمة الله وبركاته
ممممم افكر في هالتخصص ..
لو ممكن تكلمنا اخووي عنه شوي .. يعني شو درستوا فيه وتعلمتوا ؟
وعلى شو يعتمد
هلا والله فيج اختي طالبه علمي
ما شالله مبين نسبتج وايد حلوه ولو دخلتي هالقسم بتبدعي فيه
بالتوفيق ولو دخلتي هالقسم حاضرين بأي شي
،،
القسم طبعا جديد بعالمنا العربي
موجود بالامارات في جامعه خليفه ،، واول سنه هالسنه بتكون في تدريس هالتخصص
بعد موجود في جامعه عجمان - بكلاريوس
وموجود في كليه التقنيه ،، بس على حد علمي سكروا هالقسم لقله المؤهلات
وكان في كليه التقنيه يدرس دبلوم فقط
...
وبعد موجود في دول غير الامارات مثل مصر والاردن واليمن
...
التخصص طبعا نادر
ودراسته شوي صعبه
لانه يجمع بين الهندسه والطب
<< صارلي موقف شوي يضحك
في اول سنه استأجرت شقه من واحد شيبه
وكان محاضراتي الاحد فيها بايولوجي
والاثنين كان عندي رسم هندسي
ففي يوم الاحد كنت اروح وانا لابس اللاب كوت << حق الاطباء
شافني ذاك اليوم صاحب البيت ،، يقولي ماشالله على دكتورنا
وفي اليوم اللي بعده شافني ماسك مسطره T حق المهندسين
شافني،، قالي شو انت تقص علينا كل يوم تخصص !!
هههه
المهم
الفكره انه في اول سنتين تدرسون مبادء هندسيه مثل الهندسه الالكترونيه << اللي هالقسم جزء منها
وهندسه كهربائيه ودوائر ورياضيات ورسم هندسي وهندسه كيميائيه واشيااء كثييره تقدروا تعتبروها شاامله جميع انواع الهندسه
وبعد في السنوات الاولى تدرسون مبادئ طبيه مثل biology , physiology, anatomy, biochimestry
طبعا هذا في السنوات الاولى
وانتبهوا على كلمه مبادء
يعني ما رح تتعمقون وايد
،،
وفي السنوات الاخيره
تبدأو تدخلوا بالتخصص
وتدرسوا المواد التخصصيه مثل مادة الاجهزة الطبيه والقياسات الحيويه
ويبدأوا بالتركيز على الالكترونيات وعلاقتها بالاجهزة الطبيه
مثل microcontroller وعمل محاكاه لهذه القطعه وتركيب اجهزة طبيه بسيطه او مخبريه
لا تحتاج الى جهد كبير او عمليات معقده
ويكون مشروع التخرج عباره عن تصنيع جهاز بسيط يربط جميع المعلومات السابقه في جهاز او دايره واحده
<< عني انا كان مشروع تخرجي عن جهاز ال spectrophotometer والحمدلله اخذت امتياز
وبرفق رابط مشروعي وصور الجهاز قريبا ان شالله
بالتوفيق
مدري اذا كان كلامي مرتب ولا لا
بس ان شالله تكونوا خذيتوا فكره بسيطه
بالتوفيق للجميع
مـــــــا شاء الله مـــــا شاء الله
وفقك الله يا أخي الكريم في الماجستير ان شاء الله :::
الصراحه شكله التخصص حلو انا في خاطري هندسه طيران لكن الكل يقول لي ان مجال العمل محدود في هالمجالحطموني
فييالسه اجوف التخصاصات الثانيه المهم اخوي خبرني وين ممكن تشتغل وشلون طبيعه شغلك ؟؟
هلا أخوي E.Albareq انا صراحة حبيت هالتخصص بس ما جاوبت على سؤال ابن العين لاني صراحة حابة اعرف وين ممكن تشتغل و كيف يكون الشغل
وشكرا على المعلومات القيمة وجزاك الله الف خير
السلام عليكم
هل تستطيع دراسة الطب في الاربع سنوات القادمة بعد دراسة هذا التخصص؟؟؟؟؟؟؟؟؟؟؟؟
امين ،، شكرا ياخويالمشاركة الأصلية كتبت بواسطة the state 0f paradise
مـــــــا شاء الله مـــــا شاء الله
وفقك الله يا أخي الكريم في الماجستير ان شاء الله :::
وللأسف تأجلت فكره الماجستير لمده سنه!
اخوي ابن العينالصراحه شكله التخصص حلو انا في خاطري هندسه طيران لكن الكل يقول لي ان مجال العمل محدود في هالمجال
فييالسه اجوف التخصاصات الثانيه المهم اخوي خبرني وين ممكن تشتغل وشلون طبيعه شغلك ؟؟
هالتخصص حلو
بس لو كنت مخير بين هندسه الطيران وهندسه الاجهزة الطبيه
كنت اخترت الطيران
لا تسمع كلام حد ترى الفرص متوفره وخاصه هني في الامارات بشكل كبير
..
وبالنسبه لسؤالك
طبيعه شغلي بتكون في المستشفيات وشركات الاجهزة الطبيه
(قسم الاجهزة في المستشفيات شراء صيانه احصاء ) - ( قسم المبيعات او التطوير في الشركات )
العفو اختيهلا أخوي e.albareq انا صراحة حبيت هالتخصص بس ما جاوبت على سؤال ابن العين لاني صراحة حابة اعرف وين ممكن تشتغل و كيف يكون الشغل
وشكرا على المعلومات القيمة وجزاك الله الف خير
رديت على اخوي ابن العين
واذا لج بعد شي ،، تفضلي
شكرا على مرورج
ضوابط المشاركة
.png "(39)")