رايكم يهمني ..... أي تخصص ادخل ..

[همسة العين]

السلام عليكم ورحمة الله وبركاته

شحالكم .. عساكم بخير

بنات نحن عندنا تخصصات السنة الياية ... أنا الحين محتارة بين اثنين

IT & Engneerning

أنا أحب تقنية معلومات ودرجاتي دوووم في التسعين

وأنا اكره الهندسة ودووم احاتي اذا كانت درجتي في السبعين او الستين

ونسبتي تأهلني ادخل اي تخصص

اهلي وربيعاتي كلهم نصحوني ادش هندسة ويقولون ان الهندسة وراها مستقبل ساطع ....
ودخلت الفكرة في بالي اني ادش Engneering الي اكره موووت

بس انا أحب تقنية معلومات ...

انا ابي اسمع رايكم ...

[مـراسـي]

اختي نصيحة مني لج ::::
دخلي التخصص اللي ترتاحيله -__-

انا بعد والله في حيرة

بس الكل يقول دخلي التخصص اللي تبينه وترتاحيله اكثر شي

:<<< صلي صلاة استخارة <<<

والله يسهل الامور علينا كلنااا

[Ahead]

صدقيني لو دخلتي تخصص ما تحبينه ما بترتاحين له وما بتقدرين تنتجين او تشتغلين باخلاص

دخلي اللي يريحك وانا صوتت حق الاي تي

[girl iat]

ادخلي التخصص الي ترتاحيله الي هو it لانج لو دخلتي تخصص ما تحبينه صدقيني ما بتفلحين فيييه

من زوود كرهج له والله يوفقج ختيه ^_^

[uae 007]

الله يوفقج حبوبه ..

الجواب واضح من كلامج .!

اللي تحبينه طبعا واللي شرات الوقت تبدعين فيه ..

الغاليه كل شي وله مستقبله .. يمكن الهندسه مطلوب أكثر .! بس شو الفايدة اذا دخلتيه ويبتي فيه لا سمح الله معدل منخفض اللي بيقلل فرصج للشغل والأبداع مستقبلا .!


لكن في حال أنج حدرتي الـ it فرصج في الابداع والتميز بتكون اعلى بأذن الله ..

غلايه .. صلي استخاره ودخلي الـلي تحبينه وربج بيفتحها عليج أن شاء الله ..


نصيحه .. أهلج أكيد يبغون مصلحتج .. لكن قدراتج وميولج محد يعرفها كثرج ^^


الله يوفقج وطمنينا الغاليه ..