أستفساراتكم حول كلية فاطمه للعلوم الصحيه

[uae 007]

السلام عليكم ورحمة الله وبركاته ..

هنا أستقبل أسئلتكم وأستفساراتكم حول الكليه ..

أنا طالبة في السنه الخامسه في الكليه فرع العين ..

أستطيع أفادتكم بما عندي من معلومات عن هذه الكليه الرائعه ..


من حيث نظام التدريس .. والمناهج .. والمقررات .. والسنوات ..


أو أي شيء اخر ..


في أنتظار أسئلتكم ..


مودتي ^^

[girl iat]

بغيت اسأل عن هااي الكليه اذا تظهر الخارج عسبه يكملون البنات دراسه ولا عندها التوظيف والدراسه بعد ..؟؟

[uae 007]

مرحبابج حبوبه ..


بالنسبه للبعثات الخارجيه غير متوفره لكن قريبا بتفتح الكليه درجة الماجستير للي حاب يكمل ..


وبالنسبه للتوظيف .. فهذا شي مضمون في الكليه لأن المهنه هذي مطلوبه وخاصه انها باكلوريوس اللي

معترف فيها من قبل التعليم العالي ..

وصباحج ورد .. ^^

[sandra]

كان بدي أسأل اذا في تخصص صيدلة في الجامعة و لا ؟؟؟؟؟؟؟؟؟؟

[girl iat]

مشكوره غناتي ع المعلومه ... ^_^

[ميثه الزعابي]

خواتي مافي تخصص حاليا غير بكالريوس التمريض مدته خمس سنوات

[أندلسية]

هلا اختي...
بغيت أسالج هل باب التسجيل في الكليه مفتوح الان؟
بس مع العلم انا مسجله العام الماضي وسويت الامتحان والمقابلة وكل شي تمام وماردوا عليه..
لو درست الايلتس خارج الكليه ويبت خمسه يصير يقبلوني .. وشكرً

[uae 007]

اقتباس:
المشاركة الأصلية كتبت بواسطة أندلسية
هلا اختي...
بغيت أسالج هل باب التسجيل في الكليه مفتوح الان؟
بس مع العلم انا مسجله العام الماضي وسويت الامتحان والمقابلة وكل شي تمام وماردوا عليه..
لو درست الايلتس خارج الكليه ويبت خمسه يصير يقبلوني .. وشكرً




مرحبا ملايين حبوبه ..


حبيبتي التسجيل مفتوح حاليا وبقوه ..

وسالفة انهم ما قبلوج السنه الماضيه لأن سالفة نقل الكليه الى موقعها اليديد خاصه في العين أثر شويه ..


لكن هالسنه عدد المقبولات بيزيد أن شاء الله ..

وسالفة الايلتس سواء يبتيه والا لا ما بيأثر في قبولج ..

بتنقبلين بغض النظر عنه بس نسبتج لازم تكون مناسبه وغيرها من الأمور وامورج طيبه بأذن الله ..


بس حبيت أضيف معلومه ..

أن اذا انتي يبتي الايلتس باند 5 بتدرسين 4 سنوات بس واذا ما يبتيه بتاخذين 5 سنين لأنهم بيأسسونج في الأنجلش وبتكونين محترفه بأذن الله ^^


بالتوفيق حبوبه وأشوفج قريب في الكليه ^^

[ميثه الزعابي]

اقتباس:
المشاركة الأصلية كتبت بواسطة أندلسية
هلا اختي...
بغيت أسالج هل باب التسجيل في الكليه مفتوح الان؟
بس مع العلم انا مسجله العام الماضي وسويت الامتحان والمقابلة وكل شي تمام وماردوا عليه..
لو درست الايلتس خارج الكليه ويبت خمسه يصير يقبلوني .. وشكرً




مرحبا ملايين حبوبه ..


حبيبتي التسجيل مفتوح حاليا وبقوه ..

وسالفة انهم ما قبلوج السنه الماضيه لأن سالفة نقل الكليه الى موقعها اليديد خاصه في العين أثر شويه ..


لكن هالسنه عدد المقبولات بيزيد أن شاء الله ..

وسالفة الايلتس سواء يبتيه والا لا ما بيأثر في قبولج ..

بتنقبلين بغض النظر عنه بس نسبتج لازم تكون مناسبه وغيرها من الأمور وامورج طيبه بأذن الله ..


بس حبيت أضيف معلومه ..

أن اذا انتي يبتي الايلتس باند 5 بتدرسين 4 سنوات بس واذا ما يبتيه بتاخذين 5 سنين لأنهم بيأسسونج في الأنجلش وبتكونين محترفه بأذن الله ^^


بالتوفيق حبوبه وأشوفج قريب في الكليه ^^

بصراحه انا اختي نسبتها 82 وعلمي بس ما انقبلت السنه الماضيه بسبة نسبتها والمديره قالت لها ييبي باند 5 اكاديمك وبيساعدج تدخلين وباالنسبه لها دشت بدون حتى اي امتحان لكن بطبيعة الحال بيمتحنونج لانه قانون يديد لكن الايلتس من برع اكيد بيساعد والدليل اختي اللي وياي في الكولج

[uae 007]

اقتباس:
المشاركة الأصلية كتبت بواسطة ميثه الزعابي
بصراحه انا اختي نسبتها 82 وعلمي بس ما انقبلت السنه الماضيه بسبة نسبتها والمديره قالت لها ييبي باند 5 اكاديمك وبيساعدج تدخلين وباالنسبه لها دشت بدون حتى اي امتحان لكن بطبيعة الحال بيمتحنونج لانه قانون يديد لكن الايلتس من برع اكيد بيساعد والدليل اختي اللي وياي في الكولج


صح كلامج حبوبتي ..

الايلتس يساعد .. لكن اذا الشخص المتقدم نسبته ضمن المطلوب

ونجح في الامتحانات وفي المقابله محد بيقوله ييب الايلتس عسب اقبلك .!

وتقريبا كل البنات اللي في الكليه (العين ) انقبلن من دون الايلتس .!

الهدف يا ميثا من ذكر هالمعلومه ان ما نخوف الناس من الانضمام للكليه

ليش نصعب الأمور على الطالبات والطلاب اذ الامور من الاساس ميسره وسهله ..


صراحه يا ميثا أحمد ربيه مليون مره انيه حدرت هالكليه وما سرت غيرها

لان اذا قارنتي مستوى التدريس الأكاديمي عندنا وتدريس الكليات الثانيه بتحسين بالفرق ..


الحمدلله ..


وبالتوفيق للكل ^^