مبدأ المذاكرة أول بأول

[ابراهيم عادل]

بسم الله العلي القدير

كل طالب من اول ثانوي اكيد يذكر الفصل الأول وكيف كان ينصدم
كل يوم بالمواد ولأنه مو متعود عليها طبعا وكل واحد يتذكر ايام الامتحانات
وكيف كان يذاكر بالساعات ويذاكر كل كتاب كامل ويقطعه من الحفظ..طبعا
انا عانيت كل هذا بالفصل الأول حالي حال كل طالب لأني كنت
اسوي تأجيل حق كل مادة وكنت مستهتر(طبعا مب كل طالب جي) لاكن من بداية الفصل
الثاني للحين طبقت مبدأ(المذاكرة اول بأول) والحمدلله نجحت بتطبيق هالمبدأ
يعني تخيل وتخيلي اخي واختي الطالبة يأتي موعد امتحانات اخر السنة وانت
الحمدلله تكون حافظ كل شي بكل كتاب يعني ما يحتاج تذاكر اكثر عن (ساعتين)
بعد نسميها مراجعة مب مذاكرة..انا طبعا بطرح عليكم اسئلة وانتو جاوبو عليها^^:


1.بالفصل الأول كنت تطبق مبدأ(المذاكرة اول بأول)...وللحين تعمل فيه؟

2.يوم طبقت هالمبدأ كيف صارت نظرتك للدراسة؟

3.اذا وصل موعد الامتحانات..كم ساعة بتذاكر بكل مادة تقريبا؟

[طالبة تسعى للتميز]

1.بالفصل الأول كنت تطبق مبدأ(المذاكرة اول بأول)...وللحين تعمل فيه؟

بصراحة مب فكل المواد ،،
كنت أذاكر العربي والكيميا والجيولوجيا والجغرافيا والتاريخ (أول بأول) أكثر شي..

بس الحين لازم أركز ع الفيزيا والأحياء


2.يوم طبقت هالمبدأ كيف صارت نظرتك للدراسة؟

حبيت المادة أكثر ..
يعني أنا كنت أدرس الإمتحان قبل موعده بأسبوع
لإن أحياناً التقارير والواجبات والمشاريع ما تخلينا نذاكر أول بأول

3.اذا وصل موعد الامتحانات..كم ساعة بتذاكر بكل مادة تقريبا؟

إن شاء الله بحاول أخلي لكل مادة يوم واحد عسب ادرسه عدل..


وألف شكر ع الموضوع المفيد..

[ابراهيم عادل]

نورتي الموضوع طال عمرج

ويارب تتوفقين بالامتحانات

وتسلمين على اجوبتج^^

[بو فواكه]

اما انا الصراحه ما طبقة هالمبدأ بس شكلي ناوي
و مشكور اخوي ابراهيم على هالموضوع المهم

[ابراهيم عادل]

اما انا الصراحه ما طبقة هالمبدأ بس شكلي ناوي
و مشكور اخوي ابراهيم على هالموضوع المهم

والله انصحك تطبق هالمبدأ يا بو فواكة

واعتقد الفصل الأول كان عبرة للجميع

والله يوفقك يارب العالمين وشد الحيل يا بطل^^

[MR.3BOOD]

السلام عليكم ورحمة الله وبركاته ..

1.بالفصل الأول كنت تطبق مبدأ(المذاكرة اول بأول)...وللحين تعمل فيه؟

انا ما طبقته . ياخي ماقدرت عليه ضغوطات وتقارير ومشاريع وعباله ..


2.يوم طبقت هالمبدأ كيف صارت نظرتك للدراسة؟
------

3.اذا وصل موعد الامتحانات..كم ساعة بتذاكر بكل مادة تقريبا؟

والله انا قبل الامتحانات بأسبوع اخصص لكل ماده يوم وادرس فيهاا
ويوم الامتحان اذاكر اليوم بكبره صحيح انه تعب لكنه شوه نسوي
الخوف من الياي


تسلم ابراهيم عالموضوع الطيب ..
وربي يوفقنا يميع

[*محبة العلم*]

مشكوور كثير أخوــــوي ع الموضوع الرائع والمفيد الصراحة الموضوع جدااا مهم بالذات لطلاب المرحلة الثانوية لإنها مرحلة مهمة وهذي أجوبتي على أسئلة الموضوع


1.بالفصل الأول كنت تطبق مبدأ(المذاكرة اول بأول)...وللحين تعمل فيه؟ أكييد لإن البدأ كثير مهم

2.يوم طبقت هالمبدأ كيف صارت نظرتك للدراسة؟ الدراسة صارت أكثر متعة وكثير صارت مرتبة بدون وارتباك من الدراسة

3.اذا وصل موعد الامتحانات..كم ساعة بتذاكر بكل مادة تقريبا؟ الصراحة على حسب المادة يعني مافي عدد ساعات معين على حسب استعابي وفهمي وشكراا كثير على الموضوع الحلو

[*محبة العلم*]

الــصراأاأحة الموضوع في قمة الروعة والإفــــادة وفعلا المبدأ مـــهم بالذات لطلاب السنة الثانوية لإن الثانوي مرحلة مهمة في حياة الطالب بعد كذا وهذا حلي لأسئلة الموضوع


1.بالفصل الأول كنت تطبق مبدأ(المذاكرة اول بأول)...وللحين تعمل فيه؟ أكييد لإن المبدأ مهم كثيير في الدراسة ويساعد على تنظيم الوقت2.يوم طبقت هالمبدأ كيف صارت نظرتك للدراسة؟ ممتعة ومرتبة وبدوون إرتبــــاأكـــ

3.اذا وصل موعد الامتحانات..كم ساعة بتذاكر بكل مادة تقريبا؟ الصراحة على حسب المادة زشكوور كررة ثانية على الموضوع الراائع

[بنت رأآأكــ]

.بالفصل الأول كنت تطبق مبدأ(المذاكرة اول بأول)...وللحين تعمل فيه؟

2.يوم طبقت هالمبدأ كيف صارت نظرتك للدراسة؟

3.اذا وصل موعد الامتحانات..كم ساعة بتذاكر بكل مادة تقريبا؟

بجرب انشاء و برد ع الموضوع و السموحه و مشكورين ع الموضوع الغاوي

[زعيم الإماراتيين]

كلامك صحيح يا خوي
بس لو يخففون عنا ها الابحاث و المشاريع و الاذاعات و التحضير الزايد عن حده بيصير الموضوع سهل