محتار بين معهد أدنوك الفني والمعهد التكنلوجي

[::كـبـريـاء::]

يا أخوااان انا احس ان راااسي بينفجر من كثر التفكير .. ياريت لو أحد يقوولي شو الأحسن والاسهل من ناحيه الدراسه .. انا أنسااان ميح في الأنجليزي ما اقدر ادبر حالي الا اذا دخلت دوره .. في ناس تقول لي ان الدراسه في أدنوك وايد سهله بس الشغل لا زم تشتغل عند ادنووك في حقوول النفط .. اما التكنلوجيا يقولون انها وااايد صعبه دراستها وناس وايدين يرسبوون لأنها صعبه ..

ياريت لو أحد يجاوب على أسألتي بأسرع وقت ::

1. ما المواد التي يتم تدريسها لطلاب الصف العاشر ..؟؟

2. كم الراتب الشهري للطالب ..؟؟

3. هل العمل والجامعه مضموون ..؟؟

4. هل تتواجد دورات انجليزي للي ما يعرفون انجليزي أبداا ..؟؟

5. هل التعليم يبدأ من الأول ان تواجت دورات تدريبه في اللغه الأنجليزيه يعني يعلمونك من a.b.c.d ..؟؟

6. شو الاحسن أدنوك الفني .. ولا .. المعهد التكنلوجي ..؟؟

[ولد الـIAT]

انت اي صف الحين
لانهم بيقبلون من صف تاسع السنه الجايه
هذا واحد

ثاني شي الاسئله
1. ما المواد التي يتم تدريسها لطلاب الصف العاشر ..؟؟
كيمياء (بالانجليزي)
فيزياء (بالانجليزي)
رياضيات (بالانجليزي)
عربي
دين
انجليزي مكثف (بالانجليزي)
كمبيوتر (بالانجليزي)
workshop (بالانجليزي)
ومامذكر الباقي
(من سنه لين سنه تتغير المواد على حسب التطور والمستوى)

2. كم الراتب الشهري للطالب ..؟؟
الاول ثانوي 750
الثاني ثانوي 850
الثالث ثانوي 950
عادي يتغير

3. هل العمل والجامعه مضموون ..؟؟
هيه

4. هل تتواجد دورات انجليزي للي ما يعرفون انجليزي أبداا ..؟؟
نعم
مكثف

5. هل التعليم يبدأ من الأول ان تواجت دورات تدريبه في اللغه الأنجليزيه يعني يعلمونك من a.b.c.d ..؟؟
هاي صعبه
لازم تكون عند الواحد شوي فالانجليزي
يعني من ثمان سنوات مايعرف الدارس انجليزي !!

6. شو الاحسن أدنوك الفني .. ولا .. المعهد التكنلوجي ..؟؟
انا المعهد احسن
لاني مب مجرب ادنوك

بس ادنوك تخصص احد
اما المعهد عندك ثلاث تخصصات
هندسه ميكانيكيه
وهندسه كمبيوتر مثل الفوتوشوب واجزاء الكمبيوتر وهالسوالف
والميكاترونكس استخدام الالكترونيات مثل الروبوت وهالسوالف بدل الانسان
مثل المصانع



والسموحه عالتأخير

[::كـبـريـاء::]

مشكور اخي ولد الـIAT على الرد السريع

وناطر رد الاعضاء البقيه

[shawqe]

الموضوع من وجهة نظري .....

ما أعرف عشاني ما جربت أيا منهما

وما أقول غير صل استخارة في وقت السحر وتوكل على الله

[Έ7тεмαł Ăиѕαҝ]

ثـآأنكـس ع ألأنـفـور مـيـشـنـز .. و يزآكـم ربـي كـل خــير ..

[ATI_boy]

السلام عليكم ورحمة الله وبركاته ...


مرحبا أخويه .. ان شاء الله تكون بخير ... وتحصل الفرصه انك تقرا الي بكتبه لك ..

اخويه معهد ادنوك الفني ممتاااز وااايد .. وبصراحه انا عن نفسي كنت ميييييح فالانجليزي ولما دخلته الحين احس الانجليزي شي تاافهه .. انا من دخلته ما كنت اعرف ولا شي فالانجليزي كنت فالمدرسه كله اغششش فالانجليزي .. والحين بفضل الله .. الحمدلله اني انا الي اغشش الطلاب .. ودراستهم تااافهه بس شوي يبالك تشد حيلك في الدراسه .. انا عن نفسي ما ادرس بس اهتم للمدرس .. والحمدلله الامور طيبه وياي .. وكل الكورسات الحمدلله عديتها ونسبتي فوق ..

نظام الدراسه : عندك 4 سنوات مقسمه ع سنتين / سنتين .

السنتين الاولى : عندك المستوى 1 و2 و3 . بس اذا ما كنت تعرف شي .. يحطونك المستوى البدائي..bigener
وكل مستوى له 6 شهور فالدراسه ... ونظام الرواتب يكون .: كل كورس ( 6 شهور ) يكون ع حسب النسبه .. اذا كانت نسبتك فوق 80% يعطونك : 13200 درهم ..
واذا كانت نسبتك فوق 91% يعطونك 16500 درهم
وعقب لما تخلص المستوى 3 .. تختار لك تخصص : كهربا . ميكانيك. عمليات .آلات دقيقه.. << انته وطموحك وشو الي ترتاح له وتحبه ..
بس عندك ف التخصص 4 كورسات ..
بس الرواتب فالتخصص يكون : فوق 80 يكون 16500 درهم .. وفوق 91 يكون 19800 درهم ... فالكورس الواحد ..

بس الغياب مصيبه عند الشباب .: يعني الحصه يحسبونها فالساعه . اذا غبت حصه .. يحسبونها ساعه غياب .. اذا وصلت 30 ساعه .. يعطونك انذار .. ولما توصل 120 ساعه طرد .. واذا اخذت انذار يخصمون من نسبتك النهائية . 10% يعني اذا كانت نسبتك 88% .. تكون 77% ... بس الحين غيروا النظام وخلوه ع حسب كم ساعه غياب .. يعني من 30 لين 50 يخصمون منك 4% . جي يعني ماعرفه بالظبط ..


بس الدراسه سهللله وايد اذا تهتم للمدرس وجي .. اما اذا مسوي طاف ورقاد فالصف وتغيب ما انصحك تدخله ...

بس الدوام يكون خايس شوي .. وخاصه انه ماشي اجازات وايد .. بس لو يرجع الوقت .. بختار اكمل دراستي .. لان انا مستواي مب المعهد ها .. دخلته مادري كيف بالغلط .. وسرعة اختيار الرأي ...

وبالنهايه انته وهدفك فالحياه .. شو تبا .. وشو تحب .. وشو ناوي تكون عليه فالمستقبل ...!!!! <<< كل ها يرجع لك ...

بس المعهد ما شاء الله عليه ماعليه كلام من ناحية التدريس . ومن ناحيه المدرسين (( عسسسسل )) ..

والشهاده تكون ( ثنويه فنيه ) ...


والسموحه عالتقصير واذا عندك اي استفسار انا حاضر ان شاء الله ....

[العاصي الكعبي]

حاب أستفسر عن المعهد و إّلي عندة أي معلومة يتصلي تيلفون لو سمحتو

[عــــويــــش]

. عسااا خير اخويه لا تحااتي .. اخوان شما وايدين و امره ما بيقصروون .... ^^
..
الصرااحه اخوووي انا ما اعررررف شي عن ادنوك الفني .،... بس بفيدك باللي اعرفه ....

اول شي انك امره ميح بالانجلش ... «« يعني هب ليذاك الزوود ميح يعني اكيد تعرف شي و عن الدوراتتت امره لا تحااااتي

فالمعهد .... ما بيقصرووون و فحزه انك خلصت من المعهد ببتلاقي عمرك اوبس وين بالانجلش .. ارووحكك بتستغرب !!

و اقوولك الدراسه فالمعهد هب بسهله و لا هيه بصعبه يعني سهله للي بيدرس و صعبه اللي ما يدرس و جيه

و هيه عن سالفه الجاااامعه امره اضمنن لنفسك بتلاااقي عمرك من اول الناااس المقبولين طبعا لازم تكوون النسبه شوويونه

حلوه ع الاقل ... ههه .. و ما شآء الله اخواني كملوو عليه ما قصروووو و اي سؤال ع العين و الرااس ...

و السمووحه ع القصوور

اختك عووواش ....

[وردة جميلة]

ولا ما يعرف انجليييييزي ابدا بيقبلونة
والي الرياضيات مزفت فية بعد بيقبلونة ولا لا

[وردة جميلة]

بليز ردو علي بسرعة لأني ابي ادخل المعهد وما اعرف انجليزي والرياضيات يعني




وشكرا