مرحبا ..الصراحه وااايد استانست يوم شفت موضوعك لاني فعلا محتاجة لحد يساعدني ..
اولا انا موظفه في مدرسة في بوظبي ودارسة ف التقنيا وماخلصت ..قدمت على بعثة عن طريق مجلس ابوظبي للتعليم والحمد لله ناقصني من الشروط الايلس فقط .. وسجلت حاليا لامتحان الايلس بس المشكلة اني متخوفه للسفر وحابة اسير كندا بس ما اعرف وين احسن مكان اسيرلة واي جامعه اوكي هب صعبه وايد خخخ ؟
ما اعرف محتاجه نصيحتك
أعتقد من أفضل المدن في كندا هي أوتاوا وفيها عدد من البنات الإماراتيات هناك خاصة في جامعة أوتاوا Ottawa University. وطبعاً اختي لا داعي لأي خوف ما دامج متشجعة للموضوع وراغبة أنج تكملين دراستج برع. والله يوفقج في امتحان الأيلتس.المشاركة الأصلية كتبت بواسطة بنت يوظبي
.jpg "الصورة الرمزية غربة الروح")
لا اخوي اوتاوا مافيها مواطنات
الجامعه ما كان فيها حد غيري وانا انتقلت
عفوا ... كان عندي سؤال بالنسبة للبعثات ... اللي يايب فالثانوية العامة معدل 99 (علمي) في امل ان يحصل بعثة عسب يدرس برع م ان مب مواطن؟؟؟
و سؤالي الثاني اللي يدرس طب جامعة الشارجة و يبي يتخصص برع وين يقدر يروح عسب يقبلونه؟ يعني فاي دولة و اي جامعة؟
و شكرا
بخصوص الـ99 ، أعتقد في بعثات تقبل ولكن مب متأكد.
واللي يتخصص طب في جامعة الشارجة يقدر يقدم على أي دولة وأي جامعة عندهم التخصص اللي هو يباه والخيار الأول يكون له. طبعاً يقدر يبحث في جوجل عن أقوى الجامعات في الطب وأعتقد كندا احدى أقوى الدول في هذا التخصص.
مشكووووور اخوي cooladmin و يزاك الله خير و فميزان حسناتك ان شاء الله
السلام علييكم
شحالك اخويه , ربك الا بخير
بغيت استفسر ..
انا الحين في الثانويه العامه القسم الادبي , وان شاالله ان يبت نسبه حلوه بكمل دراسه جامعية ...... وانا حاب اكمل فصل او فصلين هنيه في الامارات في اي جامعة وبعديين اكمل براا , هل رح تواجهني صعوباات او شي
وشو رايك , اخلص فصل او فصلين هني وبعدين اطلع برا او بعد الثانويه اقدم ع بعثة وابدأ دراستي هناك
وشو افضل البعثات المتوفره ... من ناحية المصروف والجامعة والسكن ...
+
بغييت استفسر عن بعثة الديوان , كم النسبة المطلوبه لطلاب الثانويه و هل هم ينظمون لي الجامعه يعني لما اوصل البلد ابدأ في الدراسه في الجامعة اللي نظموها لي ولا انا ادور قبول قبل لا اقدم لهم .. ومتى اسجل فيها علما باني الحين في الثانوية العامة
لي رجعة ان شاالله , والسموحة بنغثك شوي خخخ
التعديل الأخير تم بواسطة Zidane.5 ; 26-11-2010 الساعة 12:58 AM
وعليكم السلام
بخصوص أنك تاخذ فصل أو فصلين داخل الدولة ومن ثم تكمل في الخارج، تقدر تسوي هذا الشي ولكن على حسب الجامعة اللي أنت فيها في الامارات، إذا كنت في الجامعة الأمريكية في الشارقة تقدر تدرس عندهم سنة كاملة وبعدين تكمل في جامعة متشجن في أمريكا Michigan University لأنه بينهم عقود أو شي من هذا القبيل، ونفس الشي إذا درست في جامعة نيويورك في الامارات وكملت في أمريكا بعدين. أما إذا كنت راح تدخل جامعة الإمارات فهذا شي صعب وبتواجهك صعوبات مثل نقل الساعات الجامعية واللغة. الأفضل أنك تبدأ الدراسة في الخارج إذا كنت بتكمل في الخارج.
أما من ناحية أحسن بعثة، فهذي يعتمد على اللي أنت تباه، لأنه لو كان فيه بعثة وحدة هي أحسن بعثة، كان كلنا قدمنا فيها وما راح نقدم على الثانيات.
بخصوص بعثة الديوان، النسبة المطلوبة 85% فما فوق أو 90% فما فوق وطبعا تختلف بالتخصصات المتوفرة لكل نسبة من الثنتين، يعني، اللي جايب 90% وفوق عنده تخصصات أكثر متاحة له. أول سنة يقضيها الطالب في جامعة أو معهد لغة ويدرس فقط إنجليزي ( والسبب أنه وقت التقديم على الجامعات يكون قبل دخول الجامعة بسنة ويغلق باب التسجيل قبل دخول الجامعة بتقريباً 10 أشهر، ثانياً عشان يحسن الطالب لغته وما يتبهدل في الجامعة).
أتمنى أني جاوبت على جميع أسألتك.
.gif "الصورة الرمزية قسمه ونصيب")
السلام عليكم
كيف حالك أخوي
أنا والله محتار بين تخصصين ودولتين فبغيتك تساعدني يا أخوي
اليابان أشوفها زينة وبغيت أدرس فيها الـit أو التكنلوجيا في اليابان بس مشكلتي في اللغة وهل تدريسهم بيكون باللغة اليابانية لأني يالا يالا أعرف أدرس بالإنجليزي والسؤال الثاني أي جامعة معروفة بتدريس مثل هذا التخصص وتكون زينة يعني
أو كندا اللي محتار أدرس فيها الطب أو التكنولوجيا وبغيت أعرف أي أحسن جامعة لكل من هذين التخصصين
وبغيت أسئلك عادي أغير بالطلب في التخصصات أو الدولة التي أود الدراسة بها
أما السؤال الختامي لو يبت نسبة أقل من التسعين يعني مثلاً بالثمانين هل راح يقبلوني أدرس في الخارج
السموحة يا أخوي لو كثرت عليك بالأسئلة بس أنا محتاج للأجوبة ضروري
بالنسبة لليابان، أول سنتين تكون في معهد لغة وليس في جامعة وبعد اجتياز امتحان المعهد يكون التقديم للجامعات. في جامعة أنا زرتها ما يطلبون هذا الشي لأنه التدريس عندهم باللغتين الياباني والانجليزي وهي جامعة APU. ثانياً بالنسبة للتخصص، معظم الجامعات قوية في اليابان وأقواهم توكيو تيك Tokyo Institute of Technology، وطبعاً تدرسيهم بالياباني.
بالنسبة لكندا، أعتقد تخصص الطب عندهم أقوى. أما عن الجامعات فما عندي علم. ممكن تبحثين عنها في جوجل.
بالنسبة لتغيير التخصصات أو الدولة تكون بعد موافقة البعثة على هذا الطلب.
وبخصوص النسبة، جميع البعثات تطلب 85% فما فوق، ولكن في بعض الطلاب قبلوهم بنسبة 84% ولكن قليل.
ضوابط المشاركة
