أبغي الجواب

[الحنين]

السلام عليكم ورحمة الله وبركاته..


حاب أطرح ها الموضوع لأن أبا تفسير لها الشي.. درجات الشفهي في المدرسة ليش توصل لــ 60 درجة..

لأن في مدرسات يشوفون الطفل يشاغب قاموا نقصوا من درجات الشفهي .. واللي المفترض نعرفه ونحطه في بالنا عدل كيف كنا يهال أيام المدارس وكيف شاغبنا لكن المدرسين والمدرسات كانوا وايد متعاطفين وفيهم نوع من الحنية .. والمفروض المدرس يتفاهم ويا الطفل بأسلوب للإقناع لأن المدرسة للتربية والتعليم لكن أنا اللي أشوفه في ها الواقع أن المدرسات والمدرسين ولا هامنهم شي لكن تعال إذا حد نقص من عيالهم شي قاموا وسووها لوية.. ومحد يسلم من شرهم..

غير ها الشي الأسلوب اللي اليهال ينقلونه عن المدرسة أو المدرس وحركاتهم داخل الصف حق الأطفال .. يعني بمعنى أصح أسلوب التفرقة بينهم .. ياخي راعوا ضميركم بها الشي أنتوا قاعدين تأدون رسالة ومأتمنين عليها جدام رب العالمين.. ورب العالمين عليكم رقيب وحسيب..

ياخي كيف المدرسة تغمز لوحدة من الأطفال وتفهمها بأسلوبها أن هي بس الشاطرة.. ياخي عيب عليكم هاذيلا يهال عدوهم شرات عيالكم ..

ربنا ما يرضى بها الشي .. أتمنى من كل مدرسة أو مدرس أن يراعوا ضميرهم مرة ثانية في تدريس ها الرعية اللي بين أيدهم لأن كل راعي ومسؤول عن رعيته.. وحتى الناظرة أو الناظر يفترض أنه يحضر للمدرس ويشوف أسلوبه في تدريس الأطفال وعقبها يطلع المدرس من الصف عشان يسأل الأطفال عن المدرس ويعطيهم الأمان عشان يعبرون عن نفسهم بها القلب البرئ.. عشان يكون بها الشي راضي ضميره جدام رب العالمين..

لكن الحق حق.. والساكت عن الحق شيطان أخرس والمثل الثاني يقول قل الحق ولو على نفسك..


وشكرا لكم مرة ثانية وأتمنى ربي يحفظكم ويهديكم..