امريكا او بريطانيا؟

[liwaboy]

وين تنصحوني ادرس في امريكا او بريطانيا و ليش ؟

[غربة الروح]

شو التخصص لي في بالك؟؟

[طالبة إمتياز]

أنا بعد وين أسير أنا في الي بالي أمريكا وبعثة رئيس الدولة
و تخصصي يمكن هندسة أو إحتمال ضعيف طب ...........
جزاكم الله خير .......

[غربة الروح]

اقتباس:
المشاركة الأصلية كتبت بواسطة طالبة إمتياز
أنا بعد وين أسير أنا في الي بالي أمريكا وبعثة رئيس الدولة
و تخصصي يمكن هندسة أو إحتمال ضعيف طب ...........
جزاكم الله خير .......




هلا اختي ^_^
بعثه رئيس الدولة وااااايد اوكي
وبعثه رئيس الدولة ترسل بس امريكا
وافضل جامعات العالم في امريكا
>>يعني اختيار موفق

حلو تخصص الهندسه
بس تدرين المشكله واااايد متخصصين هندسه
نص لي رايحين بعثات هندسة

دامج محطيه في بالج طب
درسي طب
ترى الطب نادر ما تشوفين وايد فيه مواطنين
و الطب مستقبله مضمون
تقدرين تداومين الصبح في المستشفى
و تفتحين لج عياده خاصه وتداومين فيها العصر

و الراتب تراه وااااااايد عالي ما شاء الله

و مب وايد مواطنين في هالمجال يعني بتحصلين شغل بسرعه

انتي بس شدي حيلج ويبي فوق 90% او 85

و بتكونين دكتورة

وانتي قدها ما شي مستحيل في هالدنيا
بس حطي طموحج جدام عينج و حاربي العالم عشان توصلين له

و بالتوفيج ^_^

[liwaboy]

التخصص في الادارة و فروعها

[غربة الروح]

بالتوفيج اخوي

فروع الادارة وااايده
ولكل بلد ميزتها

انت حدد لي الفرع لي تبغاه
ع اساس اشوف لك الدولة المناسبة

وبالتوفيج خيوو

[فارسهــ]

سلام عليكم
اختي غربه الرووح تري نسبه الطب مش 85 او 90 انا اختي كاانت يايبه 94.2% ما طااعو سوينالهاا وااسطه دخلووها
يدخلوونهاا لازم من 95 وفووق
وسوو لازم تشدين حيلج يا طالبة إمتياز

[liwaboy]

h.r او علوم سياسية و اقتصادية او ادارة مشاريع

[غربة الروح]

اقتباس:
المشاركة الأصلية كتبت بواسطة فارسهــ
سلام عليكم
اختي غربه الرووح تري نسبه الطب مش 85 او 90 انا اختي كاانت يايبه 94.2% ما طااعو سوينالهاا وااسطه دخلووها
يدخلوونهاا لازم من 95 وفووق
وسوو لازم تشدين حيلج يا طالبة إمتياز



يا هلا خيتوو

والله يا اختي هذا للجامعات الحكومية دومهم مصعبين الحياة

انا لي اعرفه الجامعات الخاصة 85 وما فوق

وعندنا وحده من الاهل نسبتها 83
دخلت جامعه خاصه و بغت طب ما وافقوا لها
بس اول ما قالوا لهم بنزيد السعر الكورس وبنعطيكم المبلغ لي تبونه
قالوا لها حياج ....

و على الفكره الجامعه هذي من جامعات البلاد ولها عده فروع
ومعترف بها
و اذا حد يبغى يدرس طب او تخصص ثانية وعنده مشكله بخصوص النسبة
يراسلني على الخاص
وبطرش لهم اسم الجامعه


تحياتي لج خيتوو
وبالتوفيج

[غربة الروح]

اقتباس:
المشاركة الأصلية كتبت بواسطة liwaboy
h.r او علوم سياسية و اقتصادية او ادارة مشاريع



اول شي اسمحلنا اخوي
فتحنا نقاشات في موضوعك

تسمح لي اشرح لك

علوم الساسية
اول شي تخصص كبير و يعتمد على الحفظ
بس وين بتشتغل؟؟؟
وزارة الخارجة و مثل ما تعرف وزارة الخارجية وزارة اتحاديه
يعني رواتبهم اعلى شي 15 الف

تفكر تكون سفير مثلا
السفير شخص يكون على ثقافة عاليه جدا و يتقن عده لغات غير العربي والانجليزي
فرنسي مثلا وباجي اللغات
يعني جان كنت دارس في مدرسة خاصه وترمس الانجليزي من خشمك + عندك لغه ثانية فرنس ولا شي ثاني
توكل على الله وقدم >> بس ما اضمن لك القبول

اقتصاد
يعتمد على محاسبه وجيه
جان تحس ميولك تعرف للاشياء الاقتصادية
ادرسه
بتكون محلل اقتصادي
واي قطاع خاص او شركة يحتاجنوك
و حتى القطاع الحكومي
وفرص العمل و الوظائف لتخصص الاقتصاد وااااااااايد
اختيار موفق يعني

ادارة مشاريع
تخصص حديث في بلادنا
ومثل ما تشوف هالمشاريع لي تزداد يوم بعد يوم في بلادنا
تطلب ايدي مواطنه


انصحك ومن راي
تخصص ادارة مشاريع او اقتصاد


الدول

علوم السياسية شي معروف فرنسا
الاقتصاد عندك بريطينا - امريكا
ادارة مشاريع - امريكا


و بالتوفيج اخوي

عقبال ما نبارك لك بقبولك في شي من هالتخصصات وعقبال الوظيفة

تحياتي لك