-
مشرفة الصف التاسع
شو رايكم بنظام القاعات ؟؟؟...
هلا بنات اليرف ... شخباركم ... عساكم بخير... وكل عام وأنتو بألف خير ...وعساكم من عواده...
المهم أنا عندي موضوع أبا آخذ رايكم فيه...
مدرستنا كل سنه بتقدم وتصدر أنظمه وقوانين يديده ... وهاي السنه طبقت نظام القاعات ...
يعني ما عندنا صفوف خاصه فينا بس قاعدة الرائده إحنا المسؤولين عنه...
بس إنتو راضين بهذا النظام...
وشو رايكم ... إذا عندكم إقتراحات أتمنى إنكم تكتبونها..
أنا من رآيي النظام حلو .. يأهلنا لنظام الجامعات في المستقبل القريب إن شاء الله .. وإنغير جو من قاعه لين قاعه وديزاين القاعات ... الخ..
بس ما أحس إنا في شي يخص بنات الصف ..
يعني... يوم يكون عندنا صف لنا إنحس إنا هذا شي يخصنا لنا مكان محدد في المدرسه...
ما أعرف كيف أعبر بالضبط ...
شو رآيكم إنتو....
-
مشرفة الصف التاسع
ما جاوبتووووووووووووووووووووووووووووو
-
النظام حلو وهب حلو فنفس الوقت
حلو انه نفس ما قلتي تغيرون جو القاعات ... وهب حلو يعني ماتقدرونتاخذونراحتكم فالمكان يعني مايكون لكم مكان مخصص طول السنة ...
وعاد نحن الطلاب وش بيدنا نسوي نحن تحت رحمت المجلس والوزارة والادارة في المدرسة ...... ما نقول غير الله المستعان....
تقبلي مروري واحترامي
-
مشرفة الصف التاسع
صح السانج
شكرا لمرورك على موضوعي وهذا شرف لي ووسام على صدري
-
مرحبا
بشكل عام التعليم عندنا في الدولة يخضع لعملية تغير شاملة
البعض قد يجد صعوبة في تقبل القرارات والتغيرات الجديدة المتتالية والمفاجأة
لكن كل نظام يحتاج لوقت حتى يثبت نجاحه أوفشله
لهذا أقول لكم انتظروا قد تجدون في نظام القاعات ما يسركم ويفيدكم أكثر من النظام القديم
تمنياتي لكم بالتوفيق
-
مشرفة الصف التاسع
شكرا لمرورك على موضوعي وهذا شرف لي ووسام على صدري
-
عضو جديد
حلو و الاحلى انا نطلع بين حصه و حصه مب قاعدين بالكراسي طول اليوم
-
عضو جديد
سامحوني على تدخلي
انا من مدرسة الزورا ونحن جي نظامنا والنظام حلو لكن
في عيب واحد بس وهو انه يخلونا فالحر فترة وبعدين يدخلونا قاعة اي ابلة ما عندها حصة
هاذا إذا انتو عندكم حصة فاظية اما الباقي فالنظام وايد حلو
وشكرًا ...^^
-
عضو جديد
.gif "الصورة الرمزية نـــسيم")
انا مو من بنات اليرف
لكن جربت هذا النظام
صرااحة وااايد حلووو صار لكل ابله قاعه ..
وكل ابله تعدل في قاعاتها وكل قاعه استوت احلى من الثانيه
وبساعد ع الحركه بدال اليلسه والخموول
وفي قاعه مسمينها استراحه هاذي حق البنات مسوينها
بس المشكلة ايام البرررد والمطر ماشي مكان ننخش فيه ألا الأستراحه
وتحصلينها مكتظه بالبنات ...
وزحممه المدرسه كلها فيها ...
بس هاذي النقطه
وشكرا
وآسفه ع التدخل
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
رد مع اقتباس
.gif "الصورة الرمزية معلمة تربية خاصة")