[ تم الرد ] اخويه بيضيع شوفلي حل دخيل والديكم

[نهيان الهاشمي]

السلام عليكم ورحمه الله وبركاته

يالربع ابغى حد يشرحلي كيف يكون نظام الفاونديشن بالكليه لانه اخويه الصغير احينه اول سنه بالكليه وراسب بالرياضيات بصراحه اخويه بالرياضيات فاشل والماده خذي معقتده يعني كل مايشد حيله يرسب ويقولي والله ادرس واحل بالامتحان بس ايب درجه الرسوب وبيني وبينكم متعقد من هاي الماده وخايف انه يرسب وهو ممشي حاله بالمواد الثانيه لي هي الكمبيوتر والانجليزي ابغى اعرف شو الحل كيف يكون نظام الكليه بيطردونه اذا رسب في ماده ونجح في مادتين ولا كيف ياريت تخبرونيه لاني ماعندي خبره واسعه بنظام الكليات والفانوديشن الشي الثاني ابغى حد يشرحلي شرح مفصل اذا ماعليكم كلافه

اخويه من يومه مايحب الماده هاي يقولي ويشكيلي يقولي انا ماحبها من ايام الثانويه درجاته زفته بالرياضيات ويوم دش من الكليه خبرني قالي انا خايف من الرياضيات واخاف انطرد وانا مابي انطرد من الرياضيات قتله ماعليك توكل على الله وشد حيلك بس للاسف يقولي انه راسب بكل الامتحانات الي بالرياضيات والاسبوع الياي عنده امتحان نص السنه الي هو الفاينل بكل المواد ومن ضمنها الرياضيات اخويه متكدر على الاخر شكله مايسر وخايف يرسب بالامتحان مال نص السنه عشان جذي يقولي اي شي فيه رياضيات وخرني عنه والاشياء الثانيه اموري بتكون سلميه

[الله المستعان]

وعليكمـ آلسلآمـ وآلرحمه ..

شوف أخويه باركـ الله فيكـ .. أنا بتكلمـ على نظآمنا اللي فـ كلية الطاليات فما أعرف إذا كلية الأولاد نفس نظامنا أو لا ..!
أولا إنت تعرف أن كل فصل فـ آلكليات أو الجامعآت يعتبر سنه كامله .. يعني فـ السنه كأنكـ تدرس سنتين .. يوم طلآب آلمدآرس يمتحنون امتحانات تقاويمـ نحن نمتحن آمتحانات الميدتيرمـ ( نص آلسنه ) ويوم طلآب آلمدآرس يمتحنون آمتحآنآت نص آلسنه نحن نمتحن الفآينل ( آمتحآنآت آخر آلسنه ) ... >>> هذي آلمقدمه خخخخخخ

والله يآخوي أنا آللي أعرفه أن نظآمـ آلدبلومـ فآونديشن أن إذا رسب فـ آلفآينآل للكورس آلأول فـ مآدة آلريآضيآت بيعطونه فرصه وإجبآري يعطونهمـ كلآس إكسترآ يعني كلآس إضآفي غير آلكلآسآت آلأسآسيه عسب يضآعفون جهدهمـ فـ هآلمآدهـ ... بس لو وصل للكورس آلثآني ورسب فـ آمتحآن آلفآينآل .. هنيه بيظهرونه من آلكليه وبيخلونه لمدة 4 أشهر تقريبآ يدرس فـ معهد .. بس مآدل همـ يحددون له آلمعهد أو لآ .. آلمهمـ بيدرس فـ هآلمعهد وعلى آلكورس آلثآني يسير عند مديرهمـ ويكلمه .. وآييب له آلدليل على أنه درس فـ آلمعهد طول هآلمدهـ وعقب آلمدير بيعطيه آمتحآن .. إذآ نجح فيه بيكمل وإذآ مآ نجح أعتقد لآ قدر الله بيطردهـ لأن بيقول دامه فـ آلدبلومـ فآونديشن مآ فلح فـ صعب أنه يفلح فـ آلدبلوم ( أقصد يومـ بيتخصص ) لأن كل آلتخصصآت يدخل فيهن شي من آلريآضيآت .... وإن شآء الله ربي يكتب له آلخير ومآ ينطرد من آلكليه وعقبآل مآ تشوفونه خريج فـ آلقريب آلعآجل بإذن الله ..

أتمنى أني أفدتكـ أخويه ..
وتذكر هذآ نظآمـ كلية آلطآلبآت مآدل إذآ بيكون نفس نظآمهمـ بس آلإحتمآل آلعود أن نظآمـ آلكليآت آللي فـ آلدوله كلهن نفس آلشي والله أعلمـ ..

ونصيحه مني له .. خله يدرس ويشد حيله ويتوكل على ربه ويشل هذي آلأفكآر من بآله ( فكرة برسب .. فكرة بنطرد .. فكرة أنا ما أفهم الرياضيات ومن يوم يومي ما أعرف له ....... إلخ من آلأفكآر آلشيطآنيه ) ..

وربي يوفقه ويكتب له آلخير فـ دربه دووومـ إن شآء الله ..

الرد مضى عليه أكثر من شهر لذا اعتقد انه تم تلبية الطلب

يغلق

::

موفقين