هل تريدين ان يكون طفلك مهذب ولطيف.... صدق زين حق طفلج

**مرتاحه البال** · 12-12-2009, 01:15 PM

[fot1]السلام عليكم ورحمة الله .[/fot1]
امي اذا تبين تحرصين على ولدج ويكون مؤدب ومعاملته زينه مع باجي اليهال سمعيني وطيعيني..
اول شي اذا غلط ماله داعي انج تضربينه او تهزئينه جدام اليهال او فبيتج هذا غلط .
والحل انج تيلسن وياه وتكلمينه وتناصحينه . اذامارضى قوليله اذا كنت شطور ومؤدب بوديك الالعاب وبوديك تشتري اللي تباه.

ثاني شي اذا كان سلوكه دفش ويضارب عيال فريجكم لازم ماتدخلين من بينهم بس راقبيه من بعيد ويوم بيدخل البيت كلميه شويشوي وقوليله ان هذا عيب ومايصير ولزمي عليه ان يروح يستسمح من ام الياهل اللي ضربه وبعدين خلي ولدج والولد
يتسامحون.

ثالث شي اذا ما حب الصف اللي يالس فيه كلمي مدرسته وقوليلها هل هو مؤدب او مشاغب او مؤذي خلق الله او هوه زين وربيعانه هم اللي مأذينه
اذا كان مؤدب: سويله مفاجئه بلعبه او تزورينه في المدرسه بس من دون ماتخبرينه وشليه ووديه اي مكان يحبه .

اذا كان مشاغب ومؤذي خلق الله: اذا عنده اخو في المدرسه اصغر منه عايريه فيه وقوليله انج بتودينه السوق والالعاب واذا ماتاب روحي انتي واخوه السوق وخليه فالبيت مع حد كبير لاتخلينه مع الخدامه .لانج ماتشوفين الخدامه شو تسوي معا الياهل لانها مب من اهل الثقه واظن انج اتشوفين التلفزيون.

واذا هوه زين وربيعانه هم اللي مأذينه : سيري مدرسته ويلسي مرره عداله وشوفي اليهال ومعاملتهم له . لازم تقعدين اليهال حوليج وتقوليلهم كل شي عن الصداقه وتصلحين مابينهم . بعد كمن يوم تعالي المدرسه وييبي حق اليهال هدايا مثلا:
مصاص.
شوكليت.
عشان تحسسين الولد انج مهتمه فيه.
او تسويلهم كيسه صغيره فيها الاثنين وحطي فيها ربابي ( دراهم)
بعد كل هذا بعد اسبوع من اللي سويتيه شوفي سلوك ولدج وردي علي

**مرتاحه البال** · 12-12-2009, 01:16 PM

واتريا ردودكوم

**مرتاحه البال** · 17-12-2009, 03:57 PM

خيييييييبه محد دخل حرام عليكم وينكوم عني ........

**مرتاحه البال** · 26-12-2009, 10:38 AM

حشا حشا وينكم

**مرتاحه البال** · 26-12-2009, 10:39 AM

والله بصيح مايرزا علينا

**مرتاحه البال** · 29-12-2009, 06:50 PM

خلاص صحت...

**اسراب الغلا** · 29-12-2009, 07:02 PM

مشكوووووووووورة حياتي
وتسلمين
بس وين الردود

**حمود الشحي** · 29-12-2009, 09:25 PM

مشكورة على الموضوع القيم

**][ملاك قلبي][** · 31-12-2009, 12:11 AM

الصرآآآحه الموضوع رووووعه
قصدي قمـــــــة الرووعه

جد حركة الهدايا اللي تعطينها حق ربعه واايد حلوه

مشكورة اختي ع الموضوع الرائع
نترقب المزيد

**مرتاحه البال** · 03-01-2010, 05:23 PM

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,و

الموضوع: هل تريدين ان يكون طفلك مهذب ولطيف.... صدق زين حق طفلج

أدوات الموضوع

عرض

هل تريدين ان يكون طفلك مهذب ولطيف....

ضوابط المشاركة