لاستقبال أسئلتكم واستفساراتكم واقتراحاتكم حول معهد

[-Ashley-]

السلام عليكم مينا

حبيت أستفتسر عن المعهد إلي فـ العين
و أنا صف 8 و أريد أروح السنة الياية المعهد

المهم

1- كم معهد خاص بالبنات في العين و المناطق وين ؟
2- كم عدد التخصصات و شو هن و أريد نبذه عنهن ::
3- كيف الدراسة و كم مادة أدرسوا ؟
4- يقولون يعطون لاب و راتب , بس من أي سنة يعني من 9 ولا 10 ولا 11 ؟؟
5- شو لبس البنات ؟ و شو لبس الأولاد ؟
6- شو تنصحوني أدخلها ولا ؟
7- سمعت أن إذا أنتقلت يعني ظهرت من المعهد لازم أعيد السنة , صح ولا ؟
8- كيف نظام المعهد؟
9- سمعتهم يقولوا أن منهج إنجليزي , صح ولا ؟
10- قالولي أن الكتب وايد كبار يعني عادي 200 صفحة فـ كل المواد ؟


و أتمنى أتجاوبوني
^^
و شكرا

و انا مسوية موضوع بس حبيت أسوي هنيه عساس ألاقي ردود أكثر

[عواشه77]

السلام عليكم ...

شحالكم ...


في معهد تكنولوجيا في الشارجه ؟؟!!

في مقابلة وإلا لا؟

وشكرااااااااااااا...

[مهندس]

هل إمتحانات lc2 تشمل lc1

[حمّود]

السلام عليكم مينا

حبيت أستفتسر عن المعهد إلي فـ العين
و أنا صف 8 و أريد أروح السنة الياية المعهد

المهم

1- كم معهد خاص بالبنات في العين و المناطق وين ؟
أتوقع معهد واحد بس ما عندي علم بالمناطق، إن شاء الله يفيدونج البنات

2- كم عدد التخصصات و شو هن و أريد نبذه عنهن ::
science engineering
العلوم الهندسية ( كيمياء،طاقة..الخ )

ICT engineering
تخصص الكمبيوتر

Automation engineering
( الميكانيك..الخ )

بس التخصصات بتختارينهم صف 11

3- كيف الدراسة و كم مادة أدرسوا ؟
الدراسة يبالها شوي جهد المنهج إنجليزي ، و المواد على حسب الصف
يعني تاسع أقلّ منا.

4- يقولون يعطون لاب و راتب , بس من أي سنة يعني من 9 ولا 10 ولا 11 ؟؟
عطونا لاب apple و راتب.
اللاب بيعط،نكم من تدخلون المعهد مافي صف معين

5- شو لبس البنات ؟ و شو لبس الأولاد ؟
البنات مالي علم فيهم
لكن نحن بنطلون كحلي و قميص رصاصي.

6- شو تنصحوني أدخلها ولا ؟
إذا عندج رغبة تدخلينها إدخليها.

7- سمعت أن إذا أنتقلت يعني ظهرت من المعهد لازم أعيد السنة , صح ولا ؟
هالمعلومة ماقدر أفيدج فيها بصراحة.

8- كيف نظام المعهد؟
نظام ماله علاقة في وزارة التربية و التعليم
المعهد تابع لمجلس أبوظبي للتعليم

9- سمعتهم يقولوا أن منهج إنجليزي , صح ولا ؟
المنهج إنجليزي صح،
لكن بتتعودين عليه عقب.

10- قالولي أن الكتب وايد كبار يعني عادي 200 صفحة فـ كل المواد ؟
صحيح إن الكتب كبيرة لكن هالكتب لثلاث سنين.
مثلا الفيزياء 944 صفحة لكن لثلاث سنين ( grade 10 & 11 & 12 (
و بعد مب كل الكتاب بناخذه.


و أتمنى أتجاوبوني
^^
و شكرا

و انا مسوية موضوع بس حبيت أسوي هنيه عساس ألاقي ردود أكثر

أتمنى أني أفدتج

[حمّود]

هل إمتحانات lc2 تشمل lc1

نعم تشمل lc1 + lc2
الله يوفقنا

[S.S.R.A.A]

آلسلآإم عليكم و الرحمه

احبيت اسأل اسأله و ياريت الاجابه تكون بالتفصيل ^^

انا في الصف التاسع , افكر السنه اليايه ادخل المعهد فــبكون في الصف العاشر .
للعلم نسبتي في هالفصل كانت 91 % و انا ودي بعد التخرج ادرس طب

الكل يعرف انه الطب يباله 7 سنوات

فيقولون انه في الجدول تكون في حصه للطب فبعد ما اتخرج من المعهد و ادخل الجامعه ادرس اقل من 7 سنوات ؟

حيروني !! في تخصص الطب ؟ إذا لا ,, شو هم التخصصات الموجوده ؟


المعهد ينظم بعثات للخارج بعدالتخرج من الثانوية ؟

اذا طلعت من المعهد فرضاً [ ثاني او ثالث ثانوي ] , اعيد الدراسه من صف عاشر في المدارس الثانيه ؟

اقدر ادخل المعهد في صف ثاني ثانوي ؟

الدرآسه كيف ؟ صعبة او سهله ؟

يقولون العلوم و الرياضيات بالانجليزي , هل الشرح في الحصه يكون عربي او انجليزي ؟

الهيئة التدريسية للبنات تكون [ معلمين او معلمات ] و [ اجانب او عرب ] ؟

فتحوا في ابوظبي فرع للبنات , وين موقعه ؟

سوري وآيد سألت بس خايفـة لانه التسجيل الشهر الياي

شآإكره لكم (f)

~> انا مسويه موضوعٍ لكن للاسف محد رد عليه ><"

[حمّود]

إن شاء الله بنرد عليج.
بس الحين عندنا إمتحانات فما نلاقي وقت،

الحين أقدر أجاوبج ع السريع
بس إنتي تبين بالتفصيل إن شاء الله برد عليج يوم الخميس
يوم أجازتنا =)

[S.S.R.A.A]

اهاا اوكي اخوي ^^
مشكور ..
بانتظار الاجابة
و بالتوفيق في الامتحانات =)

[lulucute]

السلام عليكم ..

اذا دشيت المعهد صف تاسع وما عيبني وابا اظهر منة صف عاشر واكمل بمدرسة حكومية يستوي ولا لا؟

السلام عليكم ..

اذا دشيت المعهد صف تاسع وما عيبني وابا اظهر منة صف عاشر واكمل بمدرسة حكومية يستوي ولا لا؟

يستوي وعادي تكملين عاشر المدرسه الحكوميه