مبادرة لتقديم المساعدة / الرجاء من الجميع الدخول لانه في مصلحتكم

[nooob]

السلام عليكم

اشحالكم يالربع عساكم مرتاحين

انا عندي فكره وابي رايكم فيها

انتم تعرفون انه في بعض الناس ييبون تقارير بس مب كامله

يعني عنصر من عناصرها مفقود

بس بعض الناس يبون تقارير كامله >> جزاهم الله خير

ما يخلونا نتعب بس نغير الاسم ونطبع

وفكرتي هي


اخذ التقارير اللي مب كامله

اعدلها واستكمل النواقص وعقر ارد انزلها ف المنتدى >>> طبعا بمساعدتكم

ممكن اعرف شو رايكم وبالاخص راي المشرف او المشرفه؟

وهذا عينه من مشروعي

هذا الله يسلمكم تقرير عن المدارس في علم النفس

انا خذيته من نفس اصفحه بس ما كان كامل ف عدلته ورتبته وحطيتله فهرس وزدت المراجع وجي

فقولولي رايكم

والسموحه من صاحب التقرير لاني رديت احطيه مره ثانيه بس للافاده فقط لا اكثر

تقبلوا مني فائق الاحترام والتقدير

[nooob]

ها وينكم!!!

شكلها الفكره ما عيبتكم!!!

[12 art]

والله الفكره حلوه و يزاج الله خير
حتى انا يوم اخذ التقارير اعدلها بس اخاف انزلها بس إذا وافقوا الاعضا زين شي طيب
مشكوووووووووووووووووووووووورة

[nooob]

اخييييييييييييييييييييرااااا

وحده تكرمت وحطت راها ف الموضوع

الموضوع يا جماعه صارله اسبوع محد سواله سالفه

حتى مشرفه القسم ما دشت اتحطي رايها

ع العموم انا سويت اللي علي وكان ودي انفعكم بس انتم ما تبون

انتم احراار

ويرجى غلق الموضوع

[بنتـ أبوهـا]

موضوع حلوٍ
صدقج والله في احيانا يحطون لنـاٍ تقارير مب كاملهـٍ ..


يجزاج الله الف خييـرِِ

[الرووو2ووعة]

اشكرك من كل قلبي والله

[nooob]

شكرا لمرورك على موضوعي وهذا شرف لي ووسام على صدري
جاااؤ

[فراشة علم]

أعجبتني الفكرة وفي ميزان حسناتك سأثبت لك الموضوع أن أردت ذلك .. ~

[nooob]

من زمان وانا اتريا ردج

ومشكوره ع التثبيت

ومثل ما قلت اي واحد او وحده عندها تقرير بس مب كامل

يحطيه اهني وانا بعدله ياه وبرد احطي التقرير

وان شاء الله ييسر الامووور

[ولد AJman]

طبعا نشكر كل الي يحطون تقرير كامل ولا مب كامله بس الفكر حلوه حق التقارير الي مب كامله و في ميزان حسناتج إن شاء الله