القطامي للخليج : إطالة اليوم الدراسي لمصلحة الطالب .

[العاصفة99]

اي مصلحة يتكلم عنها احنا نرد البيت تعبانين نتغدى ونرقد اي وقت يخلينا نذاكر فيه ولا نطلع تقارير ولا الرقاد حرام الحصة الاخيره كل واحد راسه يعوره لو القطامي يحط نفسه مكانا كيف بيكون كلامه وفي مدارس ماشاء الله على مكيفاتها لا تبرد ولا شي و شو ذنبنا اذا اتأخرت الدراسه يعني طلع مرض شو نسوي نموت ؟؟ وبنجوف اي مصلحه حق الطالب ولو حد شاف مدارس السعوديه كيف كل طالب يعطونه كمامه ومعقم صح اني اقدر اشتري بس في غيري مايقدر واسعار المقاصف مالت المدارس اذا الطالب فقير او على قد حاله شو يسوي ماياكل يموت من اليوع ؟
والله يستر بالي ياي

[ولد عم خال اخو مادري]

الله يسامحك يا القطامي صراحه عذاب والله الي يوصل الساعه 3 حظه عنبوه مب دوام انا اوصل الساعه 5 وربع وفيه شباب يصلون عقبي بنص ساعه اوصل البيت ارقد اقوم اطلع ويا ربعي ارد ارقد لا مصلحه حقنا ولا حقم

[Ra7eeb Student]

ربي يوفجنا و يوفج الجميع ..!!

بس مهما كانت هالقرارات ..!

مآ راح توقف سعينا الى اعلى الدرجات ..!

و لن تجعلنا ممن يهدمون أنفسهم بتذمرهم ..!!

سنتحدى و ان كان فوق طاقتنا ..!

[قلبي يحبكـ]

آستغفررك ربي وآتوب إلييك ><‘‘
شبلآكم آنتـو ! كل مآ يآ وزير سبيتوه وذميتوه
لآ حنيف عآيبنكم ولآ آلقطآمي عآيبنكم ولأ آللي بعدهم بيعيبونكم
بس فآلحين ف آلذمم والسب ف خلق آلله ..
يوم كآن عدكم حنيف ومدلعنكم آخر دللع كنتو تدّعون عليه وتكرهونه
ترآ عفكره القرآرآت تظهرر من فووق بس التوثيق يكون من آلوزير ..
وشسمه ترآ 5 دقآيق ما بطيّح نصكم ..
هال5 دقآيق لين ما توصل آلآبللله - لين ما تظهرون كتبكم - يعني تتهيئون للحصه لي بعدهآآ
ولآ تقولون ما بنييب نسب وماعرف شوه ..
ترآ آنآ آلحين ف آول ثنوي وآموري طيبه ..
يعني هوونوها وتهوون
لو انتو فاليابان جان شو سويتو
صف اول مالهم جنه الثنوييه مالنآآ
لي ما يبآ يدرس يظهر من آلمدرسسه ..
ترآ شسمه آلدرآسه مش اجبآريه فآلآمآرآت
عنبو خذو رايكم مره خلاص مصختوها
استوينا ف السودان العربيه المتحده مش الامآرآت
حتى السودآن آحسن عنآ بعد =e
ولي يبآ آلصلآه مآ تفوووته ^ ^

يعطيكم العآفيه آلقطآمي . حننييف . وكل آللي كآنو قبلهم ولي بعدهم

[hawi.smaha]

قلبي يحبك ،
راح توصلين لثالث ثانوي و تحسين : )
هيه والله فكرة اكثر من روعة
اترك الدراسة ، انتي بتصرفين علي عقب ؟؟
ياللـه اصرفي علي وانا مستعد اترك لج الدارسة ..

هه ، اذا انتي قدرتج قدرة خيول وما تتعبين لا تتكلمين عن غيرج

[مفوضية رأس الخيمة]

اقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">المشاركة الأصلية كتبت بواسطة hawi.smaha
قلبي يحبك ،
راح توصلين لثالث ثانوي و تحسين : )
هيه والله فكرة اكثر من روعة
اترك الدراسة ، انتي بتصرفين علي عقب ؟؟
ياللـه اصرفي علي وانا مستعد اترك لج الدارسة ..

هه ، اذا انتي قدرتج قدرة خيول وما تتعبين لا تتكلمين عن غيرج

</TD></TR></TBODY></TABLE>


أشكرك انآ على هذآ الرد ..

وردي شرآت ردج على الاخت قلبي يحبك ..

وبعد عندي سؤآل :

بذمتج ذمه ؟ متى حنيف دلعنآ ؟ أطربينآ يآلآخت ؟

ويوم إنج توج صغيره وإلآ دآشة اول ثآنوي

يعني توج مآ بديتي بشي مآ جفتي اللي جفنآه

كآن إلآ عندكم علوم وريآضيآت وانجليزي وغيره

مآ درشتي الفيزهـ والكيمه والجيولوي والمشآريع اللي نسويهآ

مآ دريتي إن المشآريع لآزم الكل يشتغل لآزم تصوير

لآزم تقرير عنه لآزم خطة بنآئية للمشآريع

مآ دريتي إن عآدي امتحآنين و 3 عآدي بنفس اليوم

مآ امتحنتي بعمرج الامتحآنآت الشفوية أو بديتي فيهآ

توج يآية من الإعدآدية وتوج دآشة اول ثآنوي

والبدآية تآفهه وبس تهيئة يعني مآ جفتي اللي جفنآه

وأعتقد يوم يسويلنآ شي اوكي شرى نظآم السيبآ الحآلي

نمتحن 3 مرآت ما اعتقد قصرنآ مع القطآمي وشكرنآه

وكتبنآ بالفيس بوك وغيره واستآنستآ

ويوم حطولنآ الاكل اللي اوكي بالمدرسة مآ قصرنآ وشكرنآه

صح مش كل المدآرس بس مدرستنآ مآ قصرت ..

.
.


والاخت اللي قآلت : إلآ هي 5 دقآيق ؟ اتريوا الابلة لين توصل وغيره

حبيبتي في 5 دقآيق بين الحصة والحصة يعني نتريآ فيهآ لين مآ نقول بس

ولو تحسبينهآ هالـ 5 دقآيق اللي إنتي مو مسوتلهآ سآلفة

بتطلع لج 35 دقيقة يعني روحهآ تقريبآ حصة كآملة وإذآ إنتي مخلصة او غيره

وتحسين عآدي ارمسي عن نفسج بس ..

نحن نآس انش من 7 أو 6 ونص لين مآ نخلص لين مآ نآكل لين مآ نروح لين مآ نصلي

ونيلس نكرف لين 3 ونص ولـ 4 يعني بآجي سآعتين وتصير 12 سآعة ..

والله يخلي البآصآت لين مآ توصل وتودي واللي بيتهآ بعيد واللي بيتهآ جريب

واللي عندهآ سيآرة احسن بتوصل قبل شوي بس اللي مآ عندهـآ شو تسوي يعني ؟

زين نرجع مثلآ 4 لين مآ نصلي وتنسبح ونتغدى ونجوف اهلنآ ؟ صآرت 5 ونص أو 6

مآ عليه بنقول مآ نجوف اهلنآ ومآ نيلس عندهم ؟ مآ نريح شوي ؟ ع الأقل ربع سآعة

الوآحد يريح رآسة أو ييلس مع عمرهـ ربع سآعة مآ يرقد بس يرتآح ؟ ولـ حرآم ؟

صآرت 6 رحنآ صلينآ وخلصنآ .. ردينآ وكتبنآ الوآجبآت ؟ تتحرون مآ يعطونـآ ؟

نحن مسنآ الريآضيآت تقول تبون تمشون لآزم نحل يوميآ ورقتين ولـ 3 تعطينآ ؟

والفيزيآء دوم التطبيقآت واسئلة الفصل ولـ كتآب النشآط واسئلة القسم دوم وآجبآت

والكيميآء ؟ كله معآدلآت وتركيز ووآجبآت ؟ بنقول الجيولوجيآ يوم وآحد ومآ بنحسب همه

بس الدين ؟ كله حفظ بحفظ والآيآت ؟ والأحآديث ؟ تتحرون الكل يحفظهآ بيوم وآحد ؟

انآ مثلآ بنت علمي .. والموآد العلمية ارحم مع احترآمي للتربية الإسلآمية والعربي والاحيآء

لأن احيآء 3 علمي كله حفظ بـ حفظ .. بس احفظ سورة يبآلي يومين إذآ موب 3

مآ بطري الوآجبآت الثآنية

بس المعلمآت مآ يبون اورآق عمل ؟ ويقولون مآ نبآ جآهز من النت يعني نشتغل ؟

مآ يبون مشآريع ؟ مآ يبون توثيق ؟ تصوير ؟ أو فيديو ؟ متى نلحق نسوي ونرتب ؟

مآ يبون ملفآت وتقسيم وكل درس انطلع عنه معلومآت ونحطهآ ؟

بنقول كل هآ نخلصة بـ سآعتين أو سآعتين ونص .. يعني 8 أو 8 ونص

نروح نتعشى صآرت 9 نرد نرآجع ؟ علمي ولآزم مرآجعة كل درس ولـ مآ بنمشي ..

فيزيآء علينآ يوميآ يعني يوميآ نرآجعه .. الكيميآء يوميآ مآ عدى يوم وآحد يعني نرآجعه دوم

احيآء كله حفظ صح 3 حصص ؟ بس الحفظ يبآله يومين و 3

العربي ؟ مآ نحفظ القصيدة ؟ مآ نذآكر النحو ؟ مآ نآخذ العروض وانقطع وانسوي ؟

الدين ؟ الدروس مآله طويلة وكلهآ حشو بـ حشو وكلهآ نقآط محطينه كآنه تآريخ

نرآجع ونحفظ .. خلصنآ من كل هآ صآرت 10 ولو أحد مستعيل بنقول سآعة إلآ ربع

لو علينآ امتحآن ؟ يبآله روحهـ سآعتين إذآ كنآ دوم نرآجع ومهتمين ؟ لو مآ لحقنآ ؟ يبآله 4 سآعآت

ومتى نحضر ؟ يبون التحضير دوم ؟

هذآ غير الانشطة الصفية واللآب صفية إللي طلعوا عيونآ فيهآ اونه إجبآري وإجبآري

لآزم مسرحيآت ونشآرك اونه درجه .. أو ع الأقل مسآت العربي لآزم عرض عن آلة

أو أي شي تجوف لغتج ؟ لآزم بعض الدروس نحن نشرحهآ عسب درجة النشآط ؟

؟
؟




كتبت ردي ومحد يقول تعديت فيه الخطوط الحمرهـ لأني كتبت بكل مصدآقية وبكل أدب واحترآم

ومآ غلطت أو اطآولت بأي كلمه ع أي احد ..

[الرجل الخفي]

[frame="2 80"]
المفروض التعبير عن الري يكون فيه بعض الأحترام

لان هالوزير مثل والدنا

مايصير يا جماعة

وأرجو منك أستاذي ولد الدار

تمسح كلمة بلا مشاعر اللي في العنوان

ويغلق الموضوع لأنها صارت دردشة وليست أراء

كل واحد يعلق على كلام اللي قبله
[/frame]

[I love uae]

صدق الله يكون في عون طالبات الثانوية يردون الساعة اربع بعد ما يأذن العصر ::::

متى يلحقون يتغدون و يحلون واجباتهم و يذاكرون :؟؟؟؟؟:

لازم يطلعوا حل لهذه المشكلة ...!!!!!!

[مكسور الخاطر]

(( الله يرحمنا برحمته ))
المفروض يعيدون النظر في هالموضوع ،، حراااااااااااام ،نحن نرجع من المدرسة الساعة 4 ، ما نلحق نسوي شي ،، متى نصلي ،متى ناكل ، متى نذاكر ، متى نحل الواجبات اللي ما تخلص ، متى نرتاح ، متى نشوف أهلنا ،، نحن أستوينا نشوف المدرسين والربع أكثر مما نشوف أهلنا وإخوانا والسبب هو الدوامات .. صدق ،، (( الله يرحمنا برحمته )) ..

[qassami]

الله المســتـعــان