-
عضو جديد
ابا ادش المعهد اشرايكم فيه
-
مشرف سابق
معهد التكنولوجيا التطبيقية مؤسسة تعليمية راقية.
الدراسة في المعهد يعتمد ع الطالب نفسه، يعني ممكن تكون سهلة و ممكن صعبة.
أنا أجوف الدراسة الحمدلله سهلة و كل شي ماشي تمام =) في البداية يمكن يكون عندج نوع من عدم الفهم
لكن عقب صدقيني بترتاحين للمعهد لكن أهم شي إنج ما تحطين فكرة الإنسحاب من المعهد
فقط بمجرد وجود هذي الفكرة في بالج بيأثر في مستواج ،
دايماً قولي في فبالج أنا دخلت المعهد عشان أحقق طموحي و مستقبلي.
لا تخلين مجال أبداً للإنسحاب من المعهد في بالج.
الدوام طويل لكن أجوفه عادي الحين
لن عندنا بريكين شوي طوال يعني مب مثل المدارس الحكومية < حتى ما نلحق نشتري و يدق الجرس
لكن هني في المعهد عندج وقت واااايد و كافي إنج تشترين و تاكلين و تسوين لي تبينه بعد.
الدراسة بيكون بالإنجليزي ( طبعاً العربي و الدين بالعربي بتدرسونهم )
* الدراسة بتصير سهلة و سلسة لو رجعتي البيت و ذاكرتي اللي خذتوه اليوم في الحصص
أنا دخلت المعهد و مرتاح الحمدلله
نتمنى نجوفج معانا في المعهد =)
-
مشرف سابق
نسيت أقولج في كثير من الإشاعات ظهرت على المعهد
لكن أرد و أقول : الكلام غلط في غلط!! هذي بعض الإشاعات اللي ظهرت.
* شهادة المعهد مب معترف فيها!!
بالعكس شهادة المعهد مثل أي شهادة ثانوية معترف فيها عالمياً تقدرين تدخلين أرقى الجامعات
سواء خارج أو داخل دولة الإمارات ، مثل الجامعة الإمريكية و جامعة خليفة ،،،، الخ
=)
-
عضو جديد
والله زين من بكره الصبح ان شاء الله أسجل
-
عضو جديد
بس متى يخلص التسجيل شهر كم ومتى نسجل
-
عضو جديد
المعهد يحتااج تنظيم وقت ، هذا كل شي باختصار
~
-
عضو جديد
ومركز التعليم والتاهيل المهني نفس الشي
انا صف تاسع ادش المعهد التطبيقي ولا مركز التعليم
-
عضو جديد
-
عضو جديد
اقول انا اشوف المعهد بايخ وتافه وانا درست فيه سنتين وما استفدت شي ابدا ابدا ابدا ورسبوني عشان ماده وحده المدرسين مايساعدون اصلا المعد اول كان اوكي بس في تجربتي عفسونا وخبصونا من تحت لفووق دوام بايخ وممل وعاد اونهم راتب يخصمون منه على كيفهم واحيانا يزيدون الدوام على كيفهم يخلونه للساعه 4 ترد البيت ميت ونظامهم دوااااااااااام باااااااااااااايخ اربع حصه ساعتين الجدول مرات اربع حصص فاليووم ويوم شي اجازات مايعطوون اجازات ممممم والمواد لازم تكون بلبل في الانجليزي لازم تصير ولد بريطانيه عشان تنجح الدين والعربي حصه وحده فالاسبوع ومسوين هذا مال سند يكرفوونك فيه اونه ساعات عمل المهم يوم بغيت اظهر من المعهد قالوو رجع كل الملابس ودفعوني عليهم ورجع كل الكتب ولابتوب ماطاعو يشلوونه وكان مافيه اي شي دفعوني سعره الكامل هذا معهد العين المدرسين فيه كلهم ماينفعوون وبصراحه انا اشوف الرسووب بسبت المدرسين
-
عضو جديد
وعلى فكره نسبه فالسبعين شهادة معهد دور مستقبلك في الزباله
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى