تمديد ساعات اليوم الدراسي هل في مصلحة الطالب ؟

[البطرانة#]

لوعة جبد والله
تردين هلكاااااااااااااااااااااااانه من التعب
وكل أبلة هاتو و هاتو
يعني نحن كم بنسوي
وكل ابلة تتشرط باجر آخر يوم للتسليم ومادري شوه
واصلا الابلاااااااات عدنا كلهن معترضااااااااااااااااااااات بس منوه مسولهن سااااااااااالفة
ما اقوووووول غير الله يعينا

[medo gam3an]

الطالب منا في الحقيقة يشعر بالتعب والارهاق في الحصة السابعة فما بالك بالحصة التاسعة ونحن الطلاب نطلب من المدرسين تخفيف الشرح في الحصة السابعة لأن الاستيعاب يكون فيها شبه معدوم

[لحظه شوي]

ارفض ورفض تام بعد ..

اول سبب واهم سبب نحن نرد البيت وشويه اذن العصر واذا نبغي انصلي الظهر في المدرسة فسحة الصلاة 5 دقايق ما يمديلنا نتوضا ولا نصلي .. وممنوع عدنا نطلع في الحصص نروح الحمام .. مسوين سباق ع الصلاة لما نصلي الظهر .. بسرعة بسرعة قبل ما ياذن العصر استغفرالله العظيم

ثاني سبب الحصة 50 دقيقة يعني ملل ونحن دراستنا ممله كلها نظري .. ونتعب من اليلسة ع الكرسي طول هالوقت .. نرد البيت مصدعين ..

ثالث سبب الابلوات مهملات لدرجة .. ويقولو الطالب مهمل !! وضاغطين علينا .. في الاسلامية للحين باقيلنا وحدتين واذا قلنا لها متاخرين تعصب وتزعل .. والانجليزي وحده ونص ما خلصناها و الاحياء وحدتين و الفيزياء وحده كاملة وغيره وغيره .. ونحن بعد شهر بتبدأ امتحاناتنا .. وهذا انا ما استبعد يلسونا في المدرسة لين المغرب بيقولون لنا استكمال المنهج الدراسي ..
انا ابا اعرف الهيئة ما محطين موجهيين ولا لجنة تشرف على هالنقطة احد يتابع المعلم .. وكله ع الطالب المدرس ما يهمه كيف ادى وظيفته الا نحن نحرق اعصابنا ..

ومره في فترة الامتحانات 3 اسابيع كل يوم امتحان واذا فضينا يوم رحمة من عند رب العالمين .. واول يوم بعد الاجازة هذي عدنا امتحان واداء عملي

يعني بالمختصر تعبنا

[حفيدة الخنساء]

غير موافق غير موااااااااااااااااااااااااافق

[حفيدة الخنساء]

و أنا الصراحة توني عرفت الموضوع ما اوافق

لأأن نحن الصراحة عندنا 9 حصص لأن وجبة الغداء و حصة الواجبات و ارد من المدرسة و يهي احمر تقول طمامطه

[عهود المحبة]

الله يكون بعون اللي عندهم 9 حصص

سؤال : شو بنستفيد لو قعدنا للساعه 3 أو 4 بالمدرسه ؟؟؟

ما نقول غير :


الله يسامحهم

[Lil pop]

خلاص اتعودنا احس الدوام جي احلى وكل واااحد نظريته تختلف عن الثاني <:

[ساندرلا الامارات]

بالصراحة نحن عندنا ست حصص بس
واذا يبون يطولون الدراسة لتسع حصص فهم على خطاء
لأن الطلاب واخيرا يستوعبون الدروس لين الحصة السابعة
وكيف اذا كان لين الحصة التاسعة اكيد كل الصف بيرقد....
وشكرا على الموضوع.........

[طير الابداع]

.. رااااضية 100%


هع

بشبع من الربع والسولف هع

[nemo]

أنا الصراحة ما أييد إنهم يخلونه 9 حصص .. يعني والله و قسم بالله إنا انكووون خلاااااااااااااص .. مخنا امقفل ... مب مستوعبين و لا شي .. حالتنا حالة ( لين الساعة 4 ) .. يعني كل السلبيات إللي بتكون في الطالب الكسلان بتجوفها فينا (( للي حالتهم لـ الساعة 4 ) .. يعني قسم بالله أرف أرف أرف .. أصلا ما يمدانا انسوي التقارير ولا البحوث ولا الواجبات و لا حتى انذاكر للإمتحانات أو انحضر أو إنه انراجع .. والله العظيم لووووووووووووعة بمعنى الكلمة .. هاذا أولا بالنسبة التأخير ، و ثانيا .. بالنسبة للأكل أصلا نحن وين نلحق ناكل يا حسرة وين ولا وييين ...
من كثر ما زادو الحصص و قسم بالله إني بعد كل حصة بعد الرابعة أيلس آآكل .. ش أسوي من كثر اللوعة و الييوع .. بين كل حصة و حصة آآكل .. بس عشان شوووو ؟؟ بس عشان انصحصح ..
و ثالثا : أصلا لازم يكون لنا فترة راحة بين كل حصة و حصة .. يعني على الأقل 5 دقايق ... يعني والله العظيم نحن في الصف مجمدييييييييييين من كثر البرودة .. و من كثر ما مجمدين نطلع برع شويه عشان نشمس اشويه و نحس بالراحة .. و كل ما نطلع شويه بس برع الصف ، على طوووول انجوف اسمنا للإدارة ..

يعني يا ناااااس يا عاااااااااالم ... حسو حسو الله يخليكم حسوا .. والله مب حالة .. والله العظيم إنا زهكنا من الدراسة ... والله العظيم إني قبل كنت أحب الدراسة وااااااااااااااااايد واااااااااااااااااااايد وااااااااااااااااااااااااايد ... أما أحين من كثر الضغوطات إللى يعطونا و إنهم يطوولوووون مدة الحصص صرت أكره شي اسمه درااااااااااااااااااااااااااسه .. قسم بالله ووالله العظيم إنا لااااااااااااااااااااااااااعت جبدناااااااا ..


و هاذا كله طبعا موجهه للوزارة .. و قبل لاتفكر الوزارة في تعليمنا .. أول شي خل اتفكر في وقتنا .. هل بيكون عندنا وقت لكل هالخرابيط إللي مغيرين المناهج الصعبة ، و لا ما عندنا وقت لهالأشيا ..




وسلامتكم .. ^^

أرجو إني ما طولت عليكم ..