انا موجود لأي استفسار عن البعثات .!!

[بوعوف]

و الله ما اعرف الصراحة ..

حاول تستفسر اكثر .. لان أول مرة اييني هالسؤال ..

اسمحلي اخوي .. على التقصير و التاخير

[جلكسي والحب عكسي]

السلام عليكم ورحمة الله وبركاته
سبحانك اللهم وبحمدك ، أشهد أن لا إله إلا أنت أستغفرك وأتوب إليك



يعطيك الف عافية خيييييييييييييييييييييييييي لاني محتاجهحد اسئله .........................سوري بطفربك باسئلتي شوووي.........لاني ميح ماعررررررررررررررررررف شي


اممممممممممم

انا نسبتي فصل الاول 89 % وان شاء الله هالفصل ايب في تسعين بس للحين ماعرفت كيف اقدم للبعثة .؟هل نحن نتصل لهم .؟ولا ادارة يخبرونا انه نحن مقبولين .؟ولا كيف .؟؟؟؟؟؟؟
امممممممممممممم
وشو رايك ببعثة صاحب السمو رئيس الدولة.؟؟؟؟
قلت بقدم عندهم.........


اخوووي خبرني بليزز كيف اقدر اقدم للبعثة ؟.؟؟؟؟؟؟؟؟؟؟؟؟؟؟؟؟؟؟
وخبرني بشكل عاام عن البعثة .؟؟؟؟

ارجوووو اني ماثقلت عليكـ
والله يعطيك العافية
مشكوووووووووووووووووووووووووووووور من كل قلبي

[بوعوف]

سووري على التاخير يا جماعة الخير ..

المهم .. انشاء الله تييبين فوق التسعين ..

و االله اشوفج اختي تحاتي البعثة و المصاريف..

الديوان من البعثات القوية ولها كلمتها ف الجامعات الامريكية ,.. و دام انج بنية ف الجامعة اللي تبينها بيبيعثونج لها لو كان تخصصج قوي فيها ..
اما عن التقديم .. اذا انتي قدمتي بعد الفصل الاول .. فبييج ردهم يوم تستلمين الشهاده .. وغذا ما قدمتي فحاولي تجهزين اوراقج .. وقدمي من وقت عسب يشوفون ملفج .. وتكون لج فرصة اكبر للقبول ..
التوفل خاصة الاي بي تي .. حاولي تمتحنينه وان شاء الله تييبين درجة عاليه و ها بيساعدج ..

عن المصروف الشهري (( تحاتينه وااااايد )) الديوان لها بعثتين .. المتميزين و العادية
اي وحده فيهم بدشينها بترتاحين
بيتم صرف 3000 دولار شهريا .. غير المبلغ الاولي وهو للتجهيز .. لو كنتي ف المتيزين بتستلمين 3600 شهريا..
اختي الفلوووس لا تحاتينها واايد
الحمد لله شفت بنات و اولاد يصرفون وماركات وبعدهم عايشين .. بس لازم تعرفين كيف تتصرفين بفلوسج .. مب تلعبين لعب من اول الشهر .. رتبي مشترياتج و ان شاء الله بتصرفين و بتحتفضين بعد ..

عن بعثة الديوان .. انا على هالبعثة .. و الحمد لله اموري طيبة .. بس لكل بعثة عيبها و انا ما اقول ان الديوان ممتاز بس احسن عن غيره ..
انتي استخيري ربج .. وتوكلي على الله .. واي مساعده انا حاضر ..


سووري على القصور و الاطالة

[walcot]

السلام عليكم و رحمة الله و بركاته
انا طالب في الثانوية العامة من دبي في القسم الأدبي و نسبتي 93
ممنك اعرف اذا ابغي البعثات شو اسوي + شو الدراسات اللي يمكن ادرسها
ياريت تحط رقمك والله ابغي اكلمك و كلام طويل عن هالسوالف لاني مب فاهم اي شئ
اذا ما حبيت تحط رقمك هذا ايميلي
_ _ _ _ _ _ _

ضيفني , انا دووم موجوود
ومشكوووور
اتريا الرد منك

[sycho]

السلام عليكم
أخوي بوعوف..
أنا طالب في الثالث ثانوي علمي مقدم على بعثة التعليم وقالوا بيردون لكل حد عن قبول البعثة يوم الشهايد..(أكيد تعرف)

أنا الحمدلله نسبتي فوق التسعين وان شاء الله محافظ عليها هالفصل بس اللي ابا اعرفه بعد قبول البعثة متى اسافر وابدا في الجامعة إذا كانت الجامعة اللي أريدها في أستراليا..؟ (ناس قالوا 9 و10 وتاس قالو 1 و2)..؟

[بوعوف]

اقتباس:
المشاركة الأصلية كتبت بواسطة walcot
السلام عليكم و رحمة الله و بركاته
انا طالب في الثانوية العامة من دبي في القسم الأدبي و نسبتي 93
ممنك اعرف اذا ابغي البعثات شو اسوي + شو الدراسات اللي يمكن ادرسها
ياريت تحط رقمك والله ابغي اكلمك و كلام طويل عن هالسوالف لاني مب فاهم اي شئ
اذا ما حبيت تحط رقمك هذا ايميلي
k2v4Xhot
mail
ضيفني , انا دووم موجوود
ومشكوووور
اتريا الرد منك




اهلين اخوي ..
التقديم للبعثة شي سهل وان شاء الله بتسويه ف اسرع وقت .. اخوي الحين انا ف امريكا ف اسمحلي ما اروم احط الرقم الاداراة بتسويلي سالفة .. او الايميل ..
المهم
اللي اعرفه .. الامارات الثانية غير ابوظبي .. تروم تحصل طلب تقديم البعثة من عند ادارة مدرستك .. هم سهلوا عليك الامهم ويابولك ورقة التقديم
الاشياء اللي بتكون مطلوبة .. شهادة الصف التاسع و العاشر و الحادي عشر و الثاني عشر .. وتكون من الوزارة مصدقة واكثر من نسخة .. واذا كنت من مدرسة خاصة لازم تعادل الشهادة بامتحان السات ..
غيره يطلبون شهادة حسن سيرة و سلوك ... شهادات مشاركة و انجازاتك .. طبعا كله بترجمه ف محل ترجمة قانوني وبتكون اكثر من نسخة

اما عن التخصصات اللي تروم تدرسها .. فحاول تراجع البعثة لاني مب متذكر بالضبط ..
ان شاء الله بضيفك ع الايميل .. وبنتفاهم اكثر ..

[بوعوف]

اقتباس:
المشاركة الأصلية كتبت بواسطة sycho
السلام عليكم
أخوي بوعوف..
أنا طالب في الثالث ثانوي علمي مقدم على بعثة التعليم وقالوا بيردون لكل حد عن قبول البعثة يوم الشهايد..(أكيد تعرف)

أنا الحمدلله نسبتي فوق التسعين وان شاء الله محافظ عليها هالفصل بس اللي ابا اعرفه بعد قبول البعثة متى اسافر وابدا في الجامعة إذا كانت الجامعة اللي أريدها في أستراليا..؟ (ناس قالوا 9 و10 وتاس قالو 1 و2)..؟



و عليكم السلام و الرحمه ..

اتمنى التواصل ف المجهود وتييب فوق التسعين ان شاء الله

متى ما ياك القبول تروم اتسافر .. بس على حسب الجامعه نفسها .. يعني جامعات تبدا 9 .. البعض نص 9 وجي .. فانت لا تحاتي البعثة بترسلك اول ما اييك القبول ..

سوري على القصور

[هزاع99]

انا الحين ثالث ثانوي
ونسبتي 80 % ادبي ,,

اروم اسير بعثة ولا .. ووين اقدم ,

وشاكر لك اخويه على الموضوع

[بوعوف]

اقتباس:
المشاركة الأصلية كتبت بواسطة هزاع99
انا الحين ثالث ثانوي
ونسبتي 80 % ادبي ,,

اروم اسير بعثة ولا .. ووين اقدم ,

وشاكر لك اخويه على الموضوع



أهلين اخوي ..

البعثة بتسيرلها .. اهم شي يكون عندك طموح ورغبة .. وماعليك ان شاء الله بتسير ..

اخوي لو شديت حيلك بعد .. يعني تييب فوق 85 ترووم اقدم ع بعثة الديوان ..

اما لو ما توفقت لا سمح الله وكنت تحت 85 .. تروم تقدم على التعليم و الجيش و الشرطة
اهم شي اصرارك .. وحتى لو يبت اقل من 85 .. قدم ع كل البعثات .. واللي ربك كاتب لك اياه بيصير

اخوي البعثة مب مقتصرة على الدول الخارجية ( امريكا و بريطانيا و استراليا ) شي بعثات داخليه قوية .. مثل امريكية الشارجة و دبي و عندك ف قطر ست من اقوى الجامعات ف امريكا .. وتروم تسيرلها ببعثة داخلية

شد حيلك ..

و السموحة ع الاطالة

[نهلاا]

السلام عليكم ورحمه الله وبركاته
اشكركم على الخدمات الرائعه اللى بيقدمها المنتدى وخصوصا هذه الاستشارات
احب استشير حضرتك
انا طالبه مصريه مقيمه فى مصر واحب اعرف هل يحق لى الالتحاق بالبعثات فى اى جامعه من جامعات الامارات وايه هى المؤسسات الى ممكن تمنح لى البعثه لدراسه ماجيستير للتربيه
انا حصلت على بكالريوس علوم وتربيه تخصص رياض اطفال ودبلومه مهنيه تخصص حضانه ورياض اطفال ودبلومه خاصه نفس التخصص ايضا وحاليا بحضرماجيستير فى علم نفس الطفل بنظام الساعات المعتمده وكنت اتمنى اكمل دراستى بالامارات
ارجو من حضرتك افادتى ولو مفيش فرصه فى الامارات ياريت حضرتك توضحلى الاماكن اللى ممكن اخد منها البعثه
وشكرا