رأي طلبة الصف الثاني عشر" علمي" في امتحاناتهم من هنا

[كلكولة]

وانا بعد كتبت سيف انشالله يكون صح

[soso alani]

مبرووووووووووووووووووووووووووووووووووووووووووووووو وووووك يا العلمي عل الاجازه خلاص انسو الامتحانات فكرو شرح تسوون في الاجازه لانو انتو سويتو الي عليكم وزياده والباقي على الله وان شاء الله بالتوفيق للجميع يا رب [/font]

[soso alani]

واني هم كتبت سيف هو الوحيد الي متاكده منه في الامتحان والحمدلله لا بس يطلع غلط ههههه

[5alo0of]

بالتوفييييييييييييق ..

[5alo0of]

http://www.fez.gov.ae/fezweb/dimfez/exam_3_2009.htm
الامتحانات و يا نموذج الاجابه ^^

[|{ الثُريًـآ . .]

و الله مآ أدري شو أسوي !

أضحك و أستآنس و لآ أصيح ع الإمتحآن !

حتى اليوم في دبي مآ استآنست و الله ، ،

طول الوقت أفكر بالكيميآء ، ،!

و يوم غفلت اشوي حلمت بإمتحآن الكيميآ ء، ،! هه

يعني و اللـه أول مرهـ أحس عمري أحل امتحآن هالشكل !

بس مجرد تعبئة فرآغآت ، ، مب حل حل !

و الله مآ أدري كم بييب . . ><

و رجآءً لآ اتحطون لنآ الأجوبـه ، ، رآعوآ نفسيتنآ المتحطمه . .

[|{ الثُريًـآ . .]

و إجآزه سعيده ان شآءالله . . =)

و انشوفكم المرآت اليآيه بإذن الله في قسمنآ الخآص ، ،

أو في امتحآنآت آخر السنه ، ،

ربي يوفقكم يميع ، ، شدوآ حيلكم . .

و لآ تنسون ، ، انـه نحن أهل العلم و أسيآده ^.*

[انامل]

حسبي الله ونعم الوكيل بس حشى هب تربية ضيعوا مستقبلنا ويتفلسفون يقولون امتحانات سهلة ........ أنا بنت علمي واقول ضمانة المواد الأدبية والعلمية بنجح فيها بس في الدرجة النهائية لاني ما ضمان وش راح ايب في الامتحانات .......
الانجليزي ،،،، ما شي حاله بس ما كان عندنا خلفية كافية عن طريقة الامتحان ،،، شراكة ما ننلام
الرياضيات ،،، كان مباشر بس ماشي وقت لازم ثلاث ساعات ،،، اونه ساعتين ونص شو الفايدة ؟؟
الجيولوجيا ،،، كان خطييييير يعني نوعا ما سهل
الفيزياء ،،، كان في مستوى الطالب المتوسط يعني اوكي
العربي ،،،،،، مع انه كان طويل كان ابداع روعة كشخة (( بحول ادبي الحينه ))
الاحياء ،،، كان صعب لسببين ،، اول شي ما كان في وقت نذاكر هالمادة الدسمة في الاجازة (( أي اجازة قاصيين علينا 5 ايام )) وثاني شي واااااايد مركزينا على ما بين السطور
التربية الاسلامية ،،، كان الامتحان فنان ،، (( ماشي حفظ آيات وأحاديث )) عادي كله واحد ،، الدين من يوم يومه ما عليه كلام
الكيمياء ،،، كان آخر يوم ،،،، كان صعب ،،، فقدت الأمل وسلمت الورق وكم سؤال اتفلسفت فيهم من عندي (( الصراحة تنقال 50% من الطالبات قالن الامتحان صعب ))
بس شو نقول ،، مهما قلنا راح يقولنا : الامتحانات سهلة وبسيطة وبمستوى متوسط ويجملون الصورة (( يوم تعطون إجازة كافية للمذاكرة دخليكم ساعتها اتفلسفوا ))

[5alo0of]

شبااب و بنات كيف يحسبون المعدل النهائي
يعني درجة التقويم و يا الامتحان ياخذون نسبه ولا شو ؟
عشان يطلعون الدرجه النهائيه

[انامل]

العلم عند الله بس يقولون نسب النجاح من 60% ، وبالنسبة للدرجات ياخدون درجة التقويم والامتحان المنتصف ويقسمونها على اثنين ،، والمعدل النهائي تحسب الدرجة النهائية اللي راح تطلع (( درجة الفصل الدراسي الأول )) مع السلوك التربوي وتقسمهم على عددهم يعني المواد مع السلوك التربوي كم صاروا 9 ،، هذا والله أعلم ..... يلا الشهااااادات الاسبوع الياي