آخر التحديثات بشأن القرار الجديد ( ثلاث فصول )

[انا المهيرية]

أول شئ أعزائي انه هذا القرار وضعوه عشان هم يبون يسهلون علينا الدراسه و يساعدونا على تحصيل الدرجات العاليه وبيتجزء المنهج و بالعكس انه بيكون احسن وبتكون الفترة أقصر وهذا الشئ لصالح الجميع فلازم تأيدونه لانه لو محد اهتم فيكم وضمن انكم بتوصلون المراكز الاولى الوزارة و البلاد يبون يفخرون فيكم وتحصلون الدرجات اللي ترفع الرآس ..................... تحيآتي,>>>> انا المهيريه
وانا 100% أوافق عليه .....و شكرا للوزاره على هالفرصه العظيمه

[سمو طالبة علم]

لا حول ولا قوة الا بالله
الله يعينا بس
كفاية خلاص يا ناس قرارات يعني نبى نركز شوي نحط خططنا
ونعرف كيف نظم وقتنا
يعني متعلمين على نظام نحن والمدرسين
اللحين وايد صعب على اخر سنه نبدى نغير تنظيمنا
هو نحن ككادر تعليمي تونه تعودنا على التغيرات القبليه
خلونا نرتاح شوي
انا سايرة الثانوية العامه وعلى كثر ما كنت متلهفه لهاي السنه لان بخلص
على كثر ما متخوفه منها وكارهتها من هالقرارات
اشكركم على الطرح < تقول بقلبها ان شالله يكون اشاعه
تحياتنا لجميع العاملين بوزارة التربية والتغليم
ونقول لهم لو نحن مو واثقين من انهم يبون مصلحتنا ما
كتبنالهم ارائنا الصريحه
والله انظلمنا من اول تأسسنا على مناهج قديمه مستواها التعليمي متوسط
وانتقلنا او قفزنا لمناهج ذات مستوى تعليم يمكن موب اكبر ولكن نظامه
غير 180 درجة عن الي قبل
تحياتي

[فوفو والعالم كله طاف]

تسلـم ـآخوؤوي ع ـآلخْبـر ..||~
و بـصـرآآحـة آحس آنـه ـآحسن
آول شي يآلي صـدآع من آلقـرآأر بس بعـد مآ شفت ردود بـعض آلأـآعضآء حسيت آنه صـح كلـآأمهم
و الله كـريييم ^^

[فراشة الفجيرة]

أرجو انهم ما يطبقوا هاا القرار للثانوية العامة مو ناقصين تجارب ...

[ولد سابع]

الله يعطينا خير هالسنه ويكفنا شرها . وبالتوفيق يا اخوان

[جالديران]

الحمد لله انا موثانوية عامة بس كيف يا thehmanloveالاحياء والكمياء والفيزياء والجولوجيا ماده وحده شومجانين يحطوهم كلهم مواد علمية مع بعض مستحيل مع احترامي يعني

هيه وللي يشككون في كلامك كلامك كله صح الجرايد كلها منزله كلام الوزيرXمو معقوله الجرايد كلها تكذب

[عاشق الراء]

بسم الله الرحمن الرحيم
اللهم صل على محمد وعلى آله وصحبه أجمعين
صدقت يا آخر واحد

[aleppo_king]

يأخوي عيب أنت تسب أول شيء وزير و هيئات إدارية و تنفيذية كبيره إذا مب إحترام لهم إحترام لمراكزهم و ثاني شيء أنتو متخوفين من القرار على الفاضي لأنه القرار ف مصلحتكم أول شيء بيخففون اليوم الدراس و ثاني شيء بيخففون المناهج الدراسية يعني بدال ماتدرسون بكتاب الجغرافيا مثلاً 180 صفحة تدرسون وحدة الزراعة بس أو 60 -70 صفحة بس يعني بيكون الإمتحان فيه أخف و ثالث شي بيتقسم الكتاب على ثلاث إمتحانات مب إمتحانين و تقدر تعوض إذا خسرأة أحد الأمتحانات و أنصحكم لأني أنا خلص الثاني عشر الحمدلله إنكم تفكرون بمستقبلكم لأنه الحمدلله الكليات و الجامعات فاته أبوابها ففكرو ف مستقبلكم أحسن بتتعبون كمن سنة بس عقب بترتاحون كل واحد يالس ورا مكتب و يمكن الشخص إلي أنته تسبه في يوم من الأيام تيلس مكانع إذا شديت حيلك صدقني هاي مب فلسفه هذي نصيحة طالب أو أخ درس قبلك .