انا موجود لأي استفسار عن البعثات .!!

[بوعوف]

على حسب البعثة ..

فالديوان يختارلك الجامعات اللي بتسيرلها .. وانت تروم تغيرها ...
اما التعليم العالي .. فانت تسير بروحك وتحدد الجامعات التي تبيهن ..

[المرزوقي 77]

تسلم بو عوف و مسموح

[LoLo Angel]

عنــــدي استفســـــآآآر ..!!

هـــل طلبـــة مــدارس الحكــــومة يواجهون صعــوبه فالانجليزيه بالنسبه للدراسه برع ....

لأن الانجليزي اللي ندرسه الحين ما أحس إنه قوي.....



أرجو الإفاده

[بوعوف]

السلام عليكم .. اختي ..

سؤالج حلو .. بس لازم تعدلينه شوي ..

مب كل الطلاب .. هو على حسب الطالب نفسه .. النصيحة اللي بقولها حطوها ع راسكم يا طلاب و صدقوني بتتاكدون يوم بتيوون امريكا ..
المدرسة ما تعلمك شي .. اللغة الانجليزية تتغير باستمرار .. فمعظم الكلمات اللي نستخدمها ف المدرسة انقرضت اهنيه ..
بالمعنى المفيد تابعوا المسلسلات الاجنبية و الافلام .. شوفوا النطق الصحيح .. خذوا كلمات يديده .. اقرؤا جرايد انجليزية .. لا تييوون صوب الكتب .. تراها بتخرب لغتكم .. معظم الكتب مطبووعة من زماان .. يعني الكلمات اللي فيها ما تعدلت ,, شي كلمات يدية نزلت .. وشي كلمات كنسلوها ..

و الله انا مافادني الا الافلام و المسلسلات .. والسفرات اللي كنت اسيرلها قبل الثانوية ( من مجلس ابوظبي للتعليم )
اما اللي ف المدرسة .. تعلمج كيف تنجحين ف امتحان السيبا ..

والسموحة ع الاطالة

[LoLo Angel]

تسلم يمناك أخوي ع الإفـاده .....

و الله يوفقك فدراستك ....

[salman-rak]

السلام عليكم

اول شيء مشكور اخوي على طرح الموضوع الجيد

صراحه انا عندي شوية استفسارات بما اني توي راد البلاد ومخلص


عندي بكلريوس هندسة مكملنه على حسابي من بعد الدبلوم البكلرويوس مالي من استراليا ب معدل 3,6 الحمد الله وناوي على الماستر

قدمت على كذا بعثه اعداد وبعثة النخبه واتريا يفتحون مالت وزارة التربية والتعليم ها الشهر واتريا بعد الديوان قالو لي يب القبول من الجامعة ويصير خير طبعا انا ابا ادرس ماجستير في ايطاليا وحاب التخصص وااايد

ومادري شو من البعثات بعد اقدر اقدم لان صراحه ابا اضمن شيء بس يكون فيه على الاقل راتب لان شكلي بستقيل من وظيفتي وماعرف بعمري ماطلعت بعثة على حساب الدولة

طبعا انا جيكت على الجامعة اللي اباها في موقع الوزارة ومعترف فيها فما فيه مشاكل

ياريت لو تساعدوني انا اللي اعرفه الطلبات تبدا من اللحين

انا كلمت الجامعة وبعده باب التسجيل بيفتح على شهر ثمانية بس ابا اعرف من اللحين اي بعثة اختار لاني احس بتخبل

ومابا احط بالي مكان وبعدين مايقبلوني واتحطم

[بوعوف]

السلام عليكم .. اخوي .

ما شاء الله عليك .. وعقبال الدكتوراه ..

المهم .. عن الابعثات انا ما ارووم اقنعك ببعثة وحدة .. الافضل انك تقدم ع البعثات كلهن .. عسب يوم اييك القبول تعرف الاختيارات اللي عندك .. وحتى لو انت حاط ف راسك بعثة معينة .. يمكن ما تتوفق .. التوفيق من الله .. واللي كاتبه بيصير .. وانت ما تعرف الخير وين ..

الافضل تقدم ع البعثات كلهن .. وشوف الامتيازات اللي تمتاز فيها كل بعثة .. وان شاء الله خير


السموحة ع الاطالة .. والقصور ف المعلومات

[salman-rak]

البعثات كلها ؟؟

كل اللي اسمعكم ترمسون عنه بعثة التعليم وبعثة الديوان

ابا شي غير هيلا مثل ماقلت لك قدمت انا في اعداد وفي النخبة شو غير بعد

لان الديوان شكله يباني ايب القبول بنفسي والجامعة بعدها مافتحت التسجيل والتعليم تاريخ 14 بيفتح الابواب للتسجيل

[ذيبة وكلي هيبة]

أنا ابا استفسر
هل كل التخصصات تؤدي الى بعثة
والا في مجالات محددة بس ندرسها عسب نحصل على بعثة ؟
وياريت تعطيني شو اكثر المجالات اللي عليها بعثات
وشو بالنسبة لأبناء المواطنات ؟؟
وهل لازم نكون علمي ؟

والسموحة

[par]

أنا ابا استفسر
هل كل التخصصات تؤدي الى بعثة
والا في مجالات محددة بس ندرسها عسب نحصل على بعثة ؟
وياريت تعطيني شو اكثر المجالات اللي عليها بعثات
وشو بالنسبة لأبناء المواطنات ؟؟
وهل لازم نكون علمي ؟

والسموحة

هلا اخوي ،،،
اللي اعرفه ان ما شيء بعثات لكل التخصصات لكن شيء تخصصات محددة (كالهندسة مثلا) ،، ممكن انك تدخل موقع www.napo.ae/2011 او تكتب نابو على جوجل ،،، و عقب تجوف التخصصات المتاحة للبعثات
لا مب شرط تكون علمي ،،، بس اظني ما تقدر تختار التخصصات المتاحة للقسم العلمي ،،،،
اتذكر قالوا لنا ان ابناء المواطنات يقدرون يسجلون فالبعثات عااااادي ،، و انا متاكدة من هالشيء،، الا اذا مغيرينه هالسنة ،، احسن انك تتصل فيهم و تسألهم
ممم لا شكلهم مغيرينه ،،، دخلت الموقع http://ws2.mohesr.ae/NAPO/FAQ_AR.aspx و هاللي كاتبينه فسؤال 11 :

إذا كنت من أبناء المواطنات، فأنت مؤهل لتقديم طلب الالتحاق بجامعة الإمارات العربية المتحدة فقط. يرجى التأكد من تقديم الأوراق الثبوتية التالية:

• صورة من جواز سفر ساري المفعول
• صورة من جواز سفر الوالدة ساري المفعول
• صورة من خلاصة قيد الوالدة
• صورة من شهادة الميلاد
• صورة من بطاقة الهوية
• صورة شخصية حديثة بحجم صورة جواز السفر


السموحة ع القصور