انا موجود لأي استفسار عن البعثات .!!

[بوعوف]

ههههههههههههه ...

افا عليك .. انا اللي اعرفها .. بورديو وهي جامعة قوية .. الدراسة امم ما بقولك صعبة .. بس مب سهلة .. الجامعات الثانية ما اعرف عنها شي ..

نصيحتي لك .. استخير ربك قبل لا تسير اي جامعة ..
تعال انت ف اي بعثة a , b عسب اعرف ..

المشكلة ان ماشي رسائل خاصة .. عسب نتفاهم اكثر ..

الله يعين .. اسال وانا اخوك

[بودرياه]

مادري شو تقصد بaاوb
ماخبرونا شي من هالنوع يمكن توه
المهم هذا ايميلي وتشرفنااا
_ _ _ _ _ _ _ _ _

[المرزوقي 77]

هلا بو عوف كيف الحال أنا عندي استفسار بسيط هل بعثة مكتب تنسيق البعثات هي نفسها بعثة الشيخ منصور و لا و كم بعثة موجودة ف الإمارات تطرش الطلاب للخارج لأني الصراحة اليوم امتحنت توفل و لعنت ابو التزفيت الامتحان مرة صعب مال مكتب تنسيق البعثات وهل البعث الثانية يبونك تيب فوق 400 ف التوفل نفس مكتب تنسيق البعثات و اسمحلي كان طولت عليك بالأسئلة

[بوعوف]

اقتباس:
المشاركة الأصلية كتبت بواسطة المرزوقي 77
هلا بو عوف كيف الحال أنا عندي استفسار بسيط هل بعثة مكتب تنسيق البعثات هي نفسها بعثة الشيخ منصور و لا و كم بعثة موجودة ف الإمارات تطرش الطلاب للخارج لأني الصراحة اليوم امتحنت توفل و لعنت ابو التزفيت الامتحان مرة صعب مال مكتب تنسيق البعثات وهل البعث الثانية يبونك تيب فوق 400 ف التوفل نفس مكتب تنسيق البعثات و اسمحلي كان طولت عليك بالأسئلة


أهلين اخوي .. اسمحلي اني ما شفت مشاركتك ..

هيه شي اكثر من بعثة ف الامارات ..
- مكتب تنسيق البعثات ( بعثة الشيخ منصور )والي هي بعثتين : الاولى بعثة صاحب السمو رئيس الدولة للطلاب المتميزين , الثانية هي بعثة الديوان
- التعليم العالي
- جهاز ابوظبي للاستثمار
- الشرطة
- الجيش
- النووي
- وغيرها ..

اخوي لا تحاتي من التوفل .. ترا بس حضورك للامتحان يعطيك 300 درجة بس ان شاء الله تييب 100 .. لا تفقد الامل اخوي ..
وانا عطيتك اسامي البعثات الموجوده .. وانت حاول تقدملهم ,,
عن التوفل والله ما ادري .. ترا التوفل اللي ماخذينه مب لين اهناك .. شي اصعب يا حبيبي ..
بس ما عليه .. ان شاء الله مقبول .. اهم شي النسبة تكون عالية فوق 85 % عسب تضمن الدخول للبعثة .. وان ربك ما اراد .. شي بعثات ثانية .

والسموحة ع الاطالة و التاخير

[الدانــه]

سلام عليكم
اخويه شو الامتحانات اللي مطلوبه منا نحضرها قبل ما نقدم عالبعثه ؟؟
وإذا عالتوفل كم الدرجه ؟ لأنه يقولون وايد صعب
فلو مانجحت شو بيصير فالوضع ؟؟ اجباري ناخذ التوفل ولا ...؟

[بوعوف]

اقتباس:

المشاركة الأصلية كتبت بواسطة الدانــه

سلام عليكم

اخويه شو الامتحانات اللي مطلوبه منا نحضرها قبل ما نقدم عالبعثه ؟؟

وإذا عالتوفل كم الدرجه ؟ لأنه يقولون وايد صعب

فلو مانجحت شو بيصير فالوضع ؟؟ اجباري ناخذ التوفل ولا ...؟

و عليكم السلام و الرحمه ..

الامتحانات المطلوبة .. امتحان التوفل والي يقيس مهارات الانجليزية عندج .. الدرجة اللي لازم تييبينها
80 ibt or 550 pbt
الامتحان الثاني يعتمد ع الجامعة اللي تبين تدخلينها و التخصص .. مثلا انا داش هندسة ف الافضل عسب ازيد من فرص قبولي لاي جامعة اخذ امتحان السات .. وهالامتحان فيه انجليزي و رياضيات و اللي لازم اركز فيه هو الرياضيات عسب يفيدني ف القبول

مافي شي اسمه صعب .. نصيحتي تدشين معهد يعلمج التكنيك .. كيف تتعاملين مع التوفل .. لان التوفل ما يباله ذكاء ولا انجليزيتي اقوى .. يباله اسلوب .. اذا ما يبتي الدرجة مب مشكلة .. لانج طبيعيا بتدرسين سنه لغة ف معهد امريكي فلا تحاتين من هالشي ..

والسموحة ع الاطالة

[ميموزا]

حابة اسال اذا انا توه بس قررت اقدم عالبعثة..وحابة ابدى دراسة فسبتمبر..في مجال ولا صعب انقبل؟

جيكت ع كذا جامعة امريكية كلهم ديدلاين طلبات القبول طاف !

التعليم العالي والديوان يشترطون عليه انا اييب قبول الجامعات ولا ممكن يساعدوني بعد ماتطلع البعثة؟
واذا مممكن يساعدوني...في مجال مااحصل قبول؟. خاصة انه البعثات تطلع شهر 6 ..والدراسة في شهر 8 او 9..يعني صعبه ولا؟

انا خريجة امتياز مع مرتبة الشرف+ انجليزيتي قوية الحمدلله...في مجال بعض الجامعات الامريكية تتغاضى عن الجيمات للماستر؟

اخر شي..انا قريتلك فرد تقول نروم نقدم عالبعثة فاي وقت..بس يوم دقيت للتعليم العالي قالو في اخر 4!!

الف شكر مقدما بو عوف

[بوعوف]

اقتباس:
المشاركة الأصلية كتبت بواسطة ميموزا
حابة اسال اذا انا توه بس قررت اقدم عالبعثة..وحابة ابدى دراسة فسبتمبر..في مجال ولا صعب انقبل؟

جيكت ع كذا جامعة امريكية كلهم ديدلاين طلبات القبول طاف !

التعليم العالي والديوان يشترطون عليه انا اييب قبول الجامعات ولا ممكن يساعدوني بعد ماتطلع البعثة؟
واذا مممكن يساعدوني...في مجال مااحصل قبول؟. خاصة انه البعثات تطلع شهر 6 ..والدراسة في شهر 8 او 9..يعني صعبه ولا؟

انا خريجة امتياز مع مرتبة الشرف+ انجليزيتي قوية الحمدلله...في مجال بعض الجامعات الامريكية تتغاضى عن الجيمات للماستر؟

اخر شي..انا قريتلك فرد تقول نروم نقدم عالبعثة فاي وقت..بس يوم دقيت للتعليم العالي قالو في اخر 4!!

الف شكر مقدما بو عوف



السلام عليكم اختي ..

ههه .. انا يوم قلت انكم ترومون تقدمون للبعثات ف اي وقت اقصد في السنه الدراسية .. يعني الفصل الاول والثاني ... انج تقدمين للباجلر مب ماستر

اذا طافج الدد لاين للجامعة ما ترومين تقدمين .. والبعثة طبعا تشترط حصولج على قبول لانج بتكملين الماستر .. وطبعا ما بتاخذين سنه لغة .. لانج متخرجة بكالوريوس فلازم تكون عندج اللغة ..

والله اليوم كنت اكلم واحد عن الجامعات .. وقال انهم يطلبون الجيمات والتوفل .. وبدونه هم ما يطالعون الطلب ( طلب التقديم )

نصيحتي ..
سيري للبعثة وحاولي تشوفين اذا شي امكانية تاخدين بعثة في الاسبرنج ( شهر 1 - 2011 ) وفي الوقت الحالي تقدمين للجامعات ع اساس ادشين ف شهر 1 .. وتستفيدين من الوقت وتتدربين ع الجيمات و التوفل ..

او انج تشوفين جامعات ثانية ما يكون لها ددلاين .. فمثلا ربيعي يقول ان جامعة ايوا مالها ددلين .. يعني مب كل الجامعات لها .. بس المشكلة انج لازم تكونين يايبة كل الاشياء المطلوبة منج ..


( ما شاء الله عليج .. وعقبال مرتبة الشرف ف الماستر و الدكتوراه )

ها و الله اعلم .. وشوفي لو شي حل ثاني يرضيج .. وان شاء الله تتوفقين ..
والسموحة ع الاطالة ..

[ميموزا]

تسلم بوعوف ماقصرت
شكلي بحول ع بريطانيا

[الدانــه]

اخويه شو الافضل اني آخذ التوفل ولا الآيلتس ؟