انا موجود لأي استفسار عن البعثات .!!

[بوعوف]

السلام عليكم ..

اختي اسمعي نصيحتي .. انا واحد كنت ظامن البعثة 100 % .. بس امتحنت سيبا وقدمت لجامعات البلاد ( زايد و الامارات ) وغيرها .. فاحسن شي امتحني .. تراج ما تعرفين وين الله كاتبلج ..

الشي الثاني ..
اللي عليج .. انج تشدين حيلج وتييبين نسبة عاليه ,.. فوق 90% وذيج الساعة البعثات بتتصل فيج ..

قدمي ع كل البعثات .. والله انها احسن طريقة .. عسب تضمنين انج بتحصلين بعثة .. وعقب تختارينها ..
حاولي ف الصيف تدربين ع التوفل و السات ( toefl ibt & sat ) وامتحنيهم .. وييبي درجة عالية .. مب مشكلة لو ما يبتي .. اهم شي المحاولة ..
هم بيطلبون منج درجات الثانوية كلها ( الاول و الثاني و الثالث ) .. فشدي حيلج ..
ادخلي اعمال تطوعية ويمعي شهادات تقدير و مشاركة .. لانه بيفيدج ف تقديم الجامعات ..
فكري ف التخصص اللي تبينه قبل لا تختارين .. شوفي ايجابياته و سلبياته .. عسب لا تتحسفين عقب ..

اما البعثة .. ان شاء الله امورها طيبة .. متطلباتهم من اللي قلتلج فوق ..

و السموحة ع التاخير و الاطالة ..

[awash-alswiedy]

السلام عليكم ..

اختي اسمعي نصيحتي .. انا واحد كنت ظامن البعثة 100 % .. بس امتحنت سيبا وقدمت لجامعات البلاد ( زايد و الامارات ) وغيرها .. فاحسن شي امتحني .. تراج ما تعرفين وين الله كاتبلج ..

الشي الثاني ..
اللي عليج .. انج تشدين حيلج وتييبين نسبة عاليه ,.. فوق 90% وذيج الساعة البعثات بتتصل فيج ..

قدمي ع كل البعثات .. والله انها احسن طريقة .. عسب تضمنين انج بتحصلين بعثة .. وعقب تختارينها ..
حاولي ف الصيف تدربين ع التوفل و السات ( toefl ibt & sat ) وامتحنيهم .. وييبي درجة عالية .. مب مشكلة لو ما يبتي .. اهم شي المحاولة ..
هم بيطلبون منج درجات الثانوية كلها ( الاول و الثاني و الثالث ) .. فشدي حيلج ..
ادخلي اعمال تطوعية ويمعي شهادات تقدير و مشاركة .. لانه بيفيدج ف تقديم الجامعات ..
فكري ف التخصص اللي تبينه قبل لا تختارين .. شوفي ايجابياته و سلبياته .. عسب لا تتحسفين عقب ..

اما البعثة .. ان شاء الله امورها طيبة .. متطلباتهم من اللي قلتلج فوق ..

و السموحة ع التاخير و الاطالة ..

وعليـكم السـلام .. يامرحبا واللـــه ......ْ}
مافهمت عليك اخوي ؟ كيف يعني اقدم ع كل البعثـات ؟
وامتحان السات ؟؟ انا اللي عرفته انه الأيلتس مطلوب ؟؟

[بوعوف]

اسمحيلي .. ما وضحت اكثر ..

انا قصدي شي بعثات ثانية غير الديوان .. يعني الديوان مب الحل الوحيد ..

التوفل نفس الايلتس .. بس ع حسب .. اذا بتدرسين ف دولة اوروبية ( الايلتس افضل ) اما اذا بتدرسين ف امريكا و كندا .. ( التوفل افضل )

امتحان السات SAT مطلوب للتخصصات اللي تحتاج الرياضيات مثل الهندسة و البزنس .. وهالامتحان فيه ثلاث اقسام ..
reading - writing - math
قراءة و كتابة ورياضيات ..

ان شاء الله اكون وضحت بما فيه الكفاية ..

[ميجا]

مرحبا اخوي ..

ممكن سؤال ؟

ليش يبون شهادة الثانوية كلها ؟ ..

يعني لو كانت نسبتي في اول ثنوي = 75% .

بيقبلوني ولا ؟؟؟

[بوعوف]

مرحبتين ميجا ..

لا اخوي منو قالك انهم ما بيقبلونك .. البعثة تعتمد على نسبة الثانوية العامة ..
اما الشهادات الثانية .. فبيكون مطلوب منك انك تترجمها عسب ترسلها للجامعات .. والجامعات لازم تشوفها ..

يعني الشهادات للقبول الجامعي مب للبعثة ..

[بودرياه]

مرحبا اخوي بوعوف
مشكور على الموضوع الرائع
اخوي انا حصلت على قبول مشروط من مكتب تنسيق البعثات
1-وودي استفسر عن المصاريف بامريكا هل 3000او 4000تكفي كل شي وتعيشني مرتاح
2-وبعدين بالنسبة للمكتب ايقولون لازم تييب فوق3او2.5من اربعة هل هي بسيطة او لا
3-هل تعرف حد ياب اقل عن هالنسبة ورجعوه ماخلوه يكمل دراسته
4-طلاب البعثة الحاليين كم تستلمون (خخخخخخخخ)وكم تصرفون تقريبا كل شهر
5-شو الوقت اللي سافرت فية للالتحاق بالجامعه
6-انا اريد ادخل هندسة حاب هندسة الطيران بس انته شوتنصحني كأخو
ومشكور مرة ثانية واسمحلنا على الاطالة

[بوعوف]

اقتباس:
المشاركة الأصلية كتبت بواسطة بودرياه
مرحبا اخوي بوعوف
مرحبتين ..
مشكور على الموضوع الرائع
اخوي انا حصلت على قبول مشروط من مكتب تنسيق البعثات
1-وودي استفسر عن المصاريف بامريكا هل 3000او 4000تكفي كل شي وتعيشني مرتاح

باذن الله تكفي .. لا تحاتي من هالصوب .. الامور طيبة
2-وبعدين بالنسبة للمكتب ايقولون لازم تييب فوق3او2.5من اربعة هل هي بسيطة او لا

طبعا اهي مب صعبة ولا سهلة .. فاذا بتدرس اول باول وتنظم وقتك .. امورك بتكون ف السليم .. اما اللعب و مضيعة الوقت بتحصل ان 2.5 واايد صعبة.

3-هل تعرف حد ياب اقل عن هالنسبة ورجعوه ماخلوه يكمل دراسته

على حد علمي .. ما اظن .. بس انت ليش تحط نفسك ف هالمواقف .. ان شاء الله انت قدها
4-طلاب البعثة الحاليين كم تستلمون (خخخخخخخخ)وكم تصرفون تقريبا كل شهر

الصراحة .. امر الراتب .. شي حساااس ..
انا استلم 3 .. والحمد لله معيشتني احسن عيشة .. سكن وملبس و سفرات .. أموري ف السليم .. بس اهم شي تنظم مصروفاتك
5-شو الوقت اللي سافرت فية للالتحاق بالجامعه
انا ييت في الفول Fall الخريف .. يعني نفس دوام البلاد شهر 9
6-انا اريد ادخل هندسة حاب هندسة الطيران بس انته شوتنصحني كأخو


انا في الهندسة .. ميكانيكية .. اول شي انا ما اروم احددلك اي مجال احسن لك .. بس بسهل الطريق ..
هل انت تبي تدخل الهندسة برغبتك .. فكرت قبل لا تدش .. ليش تبا هندسة طيران بالذات .. وشو اللي عيبك فيه ..
هل انت راضي ع الشغل اللي بتشتغله طوال حياتك ..
هاي اسئلة فكر فيها وجاوب نفسك ..
تخصصك قوي ووايد مطلوب .. والراتب لا تحاتي .. مرة فوق .. بس اهم شي انك تكون راضي عن هالتخصص

ومشكور مرة ثانية واسمحلنا على الاطالة

العفو اخوي .. واسمحلي انا على الاطالة .. واي مساعدة انا موجود .. ولا ييت امريكا طرشلي رقمك أو ايميلك

[بودرياه]

تسلم طمنتنا الله يطمنك
الغالي
عندي سوال ادري اني مصختها بس الله يعينك علية
انته ليش ماسافرت على الشرطة او الجيش او شي من هالبعثات اللي رواتبها عالية واخترت بالتحديد مكتب تنسيق البعثات
وانته كم يبت بالثانوية
وليش ماحصلت بعثة رئيس الدولة هل بس عشان النسبة

[بوعوف]

ههههههه ..

اخوي انا انقبلت ف كل البعثات .. الشرطة و الديوان و التعليم ..

بس انا اخترت الديوان .. وانا اعرف انهم اكثر ناس يشدون عليك .. بس اهتمامهم اكبر .. ولهم كلمتهم ف الجامعات الامريكية ..
ثاني شي انا ما اريد استوي عسكري .. يعني ربك .. دشيت هالبعثة ..


انا من بعثة صاحب السمو .. بس ما حبيت اقول .. نسبتي ولله الحمد 93%

ههههه .. لا اخوي مب متضايق .. اهم شي تاخذون المعلومات وتستفيدون .. اسال وخذ راحتك

[بودرياه]

تسلم حبوب
الحمدلله انا رحت المقابلة اليوم انشاء الله الامور تبشر بالخير
انا قلت للجنة اني اريد هندسة طيران ذكروا جامعتيتن او ثلاث ويمكن اسامي مناطق اتعرف انا ماكنت اجمع هذيك الساعه قالوا بوردو وثانية بريدا شي جي وقالوا اس فلوريدا
انا حبيت اسالك اذا تعرف شو هي الجامعات اللي يتعامل معاهن المكتب في هذا المجال بالتحديد(هندسة الطيران)

تدري حبيت اسوي بحث عن الجامعات لانه قالولي اذا حصلت قبول من اكثر من جامعه ممكن يخيروني فما اريد اكون مثل الاطرش بالزفة
ها بعدك متاكد انا ما طولنا عليك