أستفساراتكم حول كلية فاطمه للعلوم الصحيه

[uae 007]

اقتباس:
المشاركة الأصلية كتبت بواسطة qween_el3arab
هلا اختي ..

مشكورة .. بس انا بغيت فرع أبوظبي مب العين ..

وعاد خذيتها تسلية .. كل ماكنت طفرانة ايود الفون واتم ادقدق على الارقام
( فرع ابوظبي ) .. قلت يمكن احد يعبرني .. بس لين الحين .. >> لاحياة لمن تنادي

وانا لازم اجزم امري في هالفترة ...


ويعطيج العافية اختي



هلا وغلا الغاليه ..

اسمحيليه ما عندي ارقام فرع بوظبي بس انتي اذا بغيتي تستفسرين عن اي

شي في الكليه ترومين تتصلين على فرع العين وتسئلينهم اللي تبغينه ..


لكن من ناحية التسجيل لازم تسيرين المقر نفسه لكلية فاطمه ..

الله يباركلج في اختيارج ويوفقج في مستقبلج .. ^^

[lover girl]

متى بيطلعو نتائج القبول؟؟

[uae 007]

اقتباس:
المشاركة الأصلية كتبت بواسطة lover girl
متى بيطلعو نتائج القبول؟؟


مرحبا حبوبه ..

النتايج ان شاء الله بتكون على بداية السنه الدراسيه للتأسيسي ..

لأن دوام طلاب السنة التأسيسيه يكون متأخر شويه عن طالبات السنوات الثانيه بشهر او شهرين ..


يعني الرد بيكون ان شاء الله ع شهر 10 ..

وهم بالعادة يتصلون ع البنات المقبولات ..


بالتوفيق لكن يميع .. والله ينور دربج حبوبتي ^^

[عين عمان]

قبل العيد او بع العيد حسب ما سمعت وبالتوفيق

[مساعدة سريعة]

السلام عليكم
فززززززززززززززززززززعتكم يا اهل الامارات انا طالبة عمانية خلصت ثنوية العام الماضي وانا علمي
نسبتي[] 81% اتوقع بحساب الامارات تصير النسبة اقل ارجوكم ردو علي ولا تبخلو بالاجابة والاسئلة:
1 هل تقبل الكلية عمانيات ؟
2 كم النسبة المطلوبة للقبول ؟
3 هل يطلب مني رسوم للدراسة او فقط للتسجيل ؟ لم ارد الذهاب اليها الا لعدم وجود المال للدراسة بالخاص بعمان
4 ماهي المستندات المطلوبة ؟
5 هل يتم قبولي وانا شهادتي للعام الماضي ؟
6 هل يطبق نظام سنوات العمل الاجبارية بعد التخرج للوافدات؟
7 هل يتم قبولي وانا لا املك ايلتس ؟
8 ماهي الاوقات المفتوحة للتسجيل ؟
9 اي مكان نذهب للتسجيل ؟
اتمنى الرد الله يجزيكمالخيييييييييييييييييييييييير انتظركم باحر من الجمر

[uae 007]

اقتباس:
المشاركة الأصلية كتبت بواسطة مساعدة سريعة
السلام عليكم
فززززززززززززززززززززعتكم يا اهل الامارات انا طالبة عمانية خلصت ثنوية العام الماضي وانا علمي
نسبتي[] 81% اتوقع بحساب الامارات تصير النسبة اقل ارجوكم ردو علي ولا تبخلو بالاجابة والاسئلة:
1 هل تقبل الكلية عمانيات ؟
2 كم النسبة المطلوبة للقبول ؟
3 هل يطلب مني رسوم للدراسة او فقط للتسجيل ؟ لم ارد الذهاب اليها الا لعدم وجود المال للدراسة بالخاص بعمان
4 ماهي المستندات المطلوبة ؟
5 هل يتم قبولي وانا شهادتي للعام الماضي ؟
6 هل يطبق نظام سنوات العمل الاجبارية بعد التخرج للوافدات؟
7 هل يتم قبولي وانا لا املك ايلتس ؟
8 ماهي الاوقات المفتوحة للتسجيل ؟
9 اي مكان نذهب للتسجيل ؟
اتمنى الرد الله يجزيكمالخيييييييييييييييييييييييير انتظركم باحر من الجمر



اووه حبيبتي اسمحيلي بطيت عليج بالرد ..

أنشغلت حبوبه ..


وبالنسبه عن أسئلتج ما قصرت الأخت "شموخ أنسانه" في أجوبتها يزاها الله خير ..


و "غصات حنين" ما عليها قصور الله يحفظها ..


أذا عندج أي أسئله ثانيه أن شاء الله حاضرين .. وبالتوفيق لج الغاليه ..

[مساعدة سريعة]

مومعقولة انتظر مساعدتك بس لاحس ولا خبر يالله تصبرني
مشكورين يا اولاد خليفة

[شموخ إنسانه]

السلآم عليكم ..~
صبآأإحكمـ ورد

مساعده سريعه ياقلبي انا بحاول ارد عليج على حسب معرفتي وعقب خذي الأجوبة الكافية الشافيه من خواتي ميثة الزعابي و uae 007 "والغايب عذره معاه "..
هل تقبل الكلية عمانيات ؟
اكييد يقبلون البنات من كافة الجنسيات
2 كم النسبة المطلوبة للقبول ؟
70 علمي
85 أدبي
3 هل يطلب مني رسوم للدراسة او فقط للتسجيل ؟ لم ارد الذهاب اليها الا لعدم وجود المال للدراسة بالخاص بعمان
لايوجد رسوم لا للدراسة ولا للتسجيل
ولايوجد سكن ولا مواصلات
4 ماهي المستندات المطلوبة ؟
اما بالنسبة للاوراق المطلوبة هي :

- صورة عن شهادة الميلاد
- صورة طبق الاصل من شهادة الثانوية العامة
- صورة عن الجواز عدد 2
- 4 صور شخصية
- صورة عن خلاصة القيد لمواطني الدولة او صورة عن الاقامة لغير المواطنين. وبث^^

5 هل يتم قبولي وانا شهادتي للعام الماضي ؟
هيه عادي حبيبتي
6 هل يطبق نظام سنوات العمل الاجبارية بعد التخرج للوافدات؟
الكل على ما اعتقد
7 هل يتم قبولي وانا لا املك ايلتس ؟
هيه
8 ماهي الاوقات المفتوحة للتسجيل ؟
أخر موعد للتسجيل تاريخ 15/8 لحقي عمرج غلاي
والايام من الاحد للخميس يفتحون من الساعه8 الصبح
9 اي مكان نذهب للتسجيل ؟
تسيرين حق كلية فاطمة نفسها سواء اللي بابوظبي او بالعين
واللي بابوظبي تلقينها بجامعة خليفه
والسموحه^^

[بنت الدلع]

ممكن اعرف شو بيدرسوا بالكلية ؟؟؟

[(غصات الحنين)]

مرحبا جميعا
وين موقع كلية فاطمة بالضبط بالعين ؟
ضروري ابيه