ما هو رأيكم بالفصول الدراسية الثلاثة ؟

[سفلوكة]

موافق
http://www.study4uae.com/vb/images/i.../272862716.gif

[تحدوها البشر]

انا مب موااااااااافقة ..

نحن فصليين مب نتحمل عيل شو بنسوي اذا ثلاثة فصول كيف اصلا مستحيل تعب نرد الساعة ثلاث ونص ..

الله يعيييين ..

[متواضعة و أفتخر]

اتمنى ان نبتعد عن المشادات فالاختلاف لايفسد للود قضية _ بس اذا بيعيب الاغلبه فهو نظام حلو اذا مابيعب الاغلبيه بعد حلو لانه بيكوون فيه اجازات اسبووع من بين كل فصل وثاني

[xoox123]

غير موافقه
..................
بنمووووووووووووت 3 فصول

[فطوم الطويله]

انا مب مواافقه
اولا انا بكوون آآخر سنة وماا شافت الوزارة تحطه غير الحين يوم نحن ثانوية عامة
السمووحه نحن يالله يالله فصليين بعد فصل ثاالث .. السمووحه مانباااا

وهم بيكوون تعب علينا ف الدراااسة والتحصيل ,,

وشوو اسبووع اجاازة بعد كل فصل ,,
انا يالله يالله ابي الفكه عسب ارتااح نفسيااا ...
مآآآآنبــــآآآآآآآ

[DREAMO]

.. الله يكون بعونكم ..

الحمدالله هالسنة آخر سنة حقنا ,. ^_*
و بنفتك من صدعة وزارة التربية و التعليم و قراراتها الغريبه ..!!

[أوزونية]

أنا أول ما جفت التصويت توقعت يكون الكل موافق
و انصدمت يوم جفت المعارضات !!!
أنا موافقة بششدةة
أبا أعرف ليش معارضيين ؟؟
معارضين عشان الوقت ؟؟ وقت الدراسة ما بيتغير
التغير الوحيد هو إنه فيه استراحات بين فترة و فترة
ما تبون تكون عندكم استراحات ؟؟؟
تبون دراسة متواااصلة و ضغغغط و كميية كبييرة حفظ في ليلة الامتحان ؟؟
نظام ال3 فصول بيكون فيه تخفيف لكمية المادة اللي تمتحنون فيها
شي طبيعي يعني دام ان الكتاب بيكون مقسم ل3 أقسام مب قسمين
يعني اللي يدرس الحين في الفصل الواحد 3 وحدات بيدرس في نظام اليديد وحدتين في الفصل الواحد
هالنظام واااااااايد أحسن مادري بلاكم مب فاهمين إنه لمصلحتكم
كل حد يا و قال ضغط ضغط ، تراه الضغط بيخف لو تقسم يعني ، و أيام الدراسة عددها ما بيتغير
الله يهديكم بس ، مصختوها عاد كل شي معترضين عليه حتى لو لمصلحتكم
فكروا شوي و قولوا آراءكم بحيادية و تعقل و خلو عنكم هالكسل و التهرب
عمركم ما بتتطورون لو تميتوا جيه

[سفلوكة]

موافق لأنو يخفف الكمية

[Rashid Ab]

انا اقول 3 احسن بيعطينا فرص نعوض على درجاتنا السيء

[yamoo]

أوافق
لأنه بييخف علينا المنهج اذا الكتاب ندرسه على فصلين فهالمره بندرسه على ثلاث فصول
مب معناته انه بندرس ثلاث كتب لكل فصل كتاب
بيخف علينا المنهج يعني شرات التقويم , كل مانخلص شوي بنمتحن في ها الجزئيه