ما هو رأيكم بالفصول الدراسية الثلاثة ؟

[طموحي معلمة]

انا غيييير موافقه ......

لان نحن ما نلقى وقت نرد الساعه ثلاث ونص و الامتحانات فوق بعض ....والله حررااااام عليييهم

مانلقى وقت .........كله ضغوطات ......



شكرا لكم لهتمامكم براي الطلبه

[ال غ ز ا ل]

هذا النظام بتسهيل امور الطليه

شهرين ونص ثلاث مرات

والكتاب أقل

أحمدوا ربكم ,,,

خفت عليكم المذاكره

[ysfhsn]

[overline]بصراحة انا شفت الجدول تفاجأت ان الامتحانات في يوم واحد مادتين مادتين تعرفون شنو يعني اذا كان عملك في مجال التفكير راح اتموت قهر تعمل مذكرات حفظ او مذكرات اخرى للعمل
و ترجع البيت وتخلص كتابين عشان تمتحن , و الرسوب على خشمك و غصبا عليك , لا رحمة و شياته سووا التجارب و العمر يمر , في بداية العام قالوا خمس مواد نمتحن و شوية و شويه و ها , يالله غصبا على اللي يابكم ما شي دخلتوا دخلتوا تمتحنون مثل ما نبا احنه غصبا عليكم .
سوري هذا الرأي و التعبير اعبره لنفسي و احترم آراء الآخرين و لا اقصد تجريح اي شخص او تطبيق المثل على اي شخص بس بصراحة موت .
ارجو اعادة النظر في موضوع تقديم امتحانين في يوم واحد ما احيد في ايامنا بصراحة صارت .

بس ما اقول الا

الله يجازيك يا زمان . [/overline]

[تعبت خلاص]

انا اوافق على النظام الجديد بس في مشكلةفي هالنطام ارجو ان يكون لها حل المشكلة هي قصر الوقت لانهاء المواد و مراجعتها يعني الاستاذ صار يسابق بالوقت مسابقة عشان يخلص المنهاج و يعمل الامتحانات و يحط الدرجات في هاي الحالة لا الاستاذ بيقدر يشرح براحته ولا الطالب بوخذ كفايته من الشرح

[فوعة الفلي]

اوافق لانه سهل عليهم فمثلا قبل كانت فصلين وكانوا يدرسون نصف الكتاب او كله على حسب جزء اوجزئين اما الان اقل من النصف وهكذا يكون استيعابهم وفهمهم اكثر بلا ضغوط وكثر حفظ,,شكرا لهم

[الانسة الصغيرة]

انا احس ان ثلاث فصول بتعبنا والمعلمات وايد يطلبون وانا ما احب ان كل سنة يبدلون القانون خليكم على قانون واحد الي هو جزئين

[رمز الظبي]

أنا الصراحة موافقة ع القرار ..

واهم شي فيه نوع من التغيير .. وهذا يعدل من نفسيه الطالب ..
يعني من استوينا ونحن على فصلين ..!

وأكيد هالقرار له فايده .. بغض النظر عن كلام الاخت اللي قالت [ محد بيستفيد ]

عيل حق شووه نروح ندرس ونتعب عمارنا ..
ومن الاساس .. الوزاره مابتخسر عمرها وبتضيع تعبها ومجهودها عسب شي اتعرف انه الطلاب مابيستفيدون منه

ياليت تتكلمون بـ المنطق وتفكرون شوي ..
وبتعرفون انه كل اللي يصير من مصلحه الطالب ،،

شكرا ..

[sυlταиσσн αɒ]

ثلاااث فصووول ماشاء الله والله مصخوووه

قسم بالله ان الشهرين الي خذيناها والي ندرس فيها والله اني مب فاهم اي شي

لا وبعد وفي اليوم امتحااانييين ياااحبيبي الصراااحة القطاااميي رهيييب بالقووو

عرف كيييف يضبطهاااا شوووه تبووونا نفشل والله حراااام

الصراااحة مصخوووووووها بالقوووووو <>

[عبدالله محمد آل جودر]

والله ماعرف من وين ابدأ السنه والله تعب في تعب في تعب اول شي قالوا بنقسم الفصول من 2 إلى 3 قلنا ماعلي ماشي مشكله يبون مصلحة البلاد بعدين قالوا علشان التقارير يبغون كذه وكذه شروط لها اول مالها تالي قلنا ما علي وحاولنا ننهي الي قدرنا ننهيه من التقارير والباقي راح علينا والحين قالو ان الامتحانات بالنسبه لنا نحن في اول ثانوي اول يوم امتحان فيزياء ودين وثاني يوم كيمياء وانجليزي يعني هاي الصراحه حركه وصخه وحتى اليهود مايسوونها يعني لو حطيتو امتحان الانجليزي والعربي نفس اليوم وامتحان الدين والاحياء مثلا نفس اليوم يعني المواد السهله في نفس اليوم مب مثل ما مسوين حاطيلنه اصعب مادتين معاهم مواد ثانيه شو هذا الغباء والله انا تعبت دايما في اكتئاب وزعل ولولا الصلاة والقران لكنت من المنتحرين وين بنروح نحن الطلاب وين بنشتكي مالنا احد والوقت الي درسنا فيه ما كفانه والله العظيم ما كفانه حتى على اخر ثلاثة ايام الاستاذ تم يكتب على الصبوره ونحن ننقل وراه علشان نخلص الكتاب وكان يكتب من دون مايفهمنا الاسئله مسكين مانلومه مادام الوقت قصير وغصبن عليه يبى يخلص وهذا الكلام مو عن استاذ واحد بل عن كل الاساتذه بس ما اقول غير حسبنا الله ونعم الوكيل والله على الي مسوي كل هاذي المصيبه الله عليه نحن ما قلنا نبغي اجازه هاذيله الي يبغون اجازه هم الفاشلين نحن نبغي الاتقان والتفكير لمصلحة الطلاب فما فائدة كل التكنلوجيا والتقدم اذا كان التعليم في البلاد يمشي بنظام خاطئ خاطئ خاطئ وفي النهايه اقول الله يرحم ايامك الحلوه الي كنت فيها وزيرنا يا دكتور حنيف حسن علي وان شاء الله ترجع هذي الايام مع وزيرنا اليديد قطامي

[عصير ملكو]

بصراحه عاجبني النظام
احس تخفيف علينا
وخاصه في التقارير والمشاريع
مواااافقه لـ هاذا النظام
بس لو يقصروون الوقت